«¦» ¤ ׀ [ يوم في حياة عضو ] ׀ ¤ «¦»

dr.marmar · منذ /01-31-2009, 08:46 AM

مرحبـأ اخواني اخواتي الاعضـأء
في
][®][^][®][يـــــوم فــــــي حياة عضـــــو][®][^][®][

موضوع جميل وخفيف وياريت الجميع يشارك فيه
الفكره عجبتني وحبيت اطبقها في منتدانا المتألق...
سنقوم باستضافة عضو..يحكي لنا عن مسار يومه
منذ ان يصحو صباحاً حتى يحل الليل وينام...
متحدثاً بحريه تامة وبأسلوب..عفوي جداً
وكم جميل لو كان به بعض المــرح والإنطلاق والتحرر من قيود المواضيع الرتيبه
ثم بعد أن ينتهي يختار عضو بعده
ليحكي لنا عن تفاصيل يومه وكيف يقضيه...
طبعاً حبذا لوكان التحدث عن يوم عادي وليس يوم إجازه
وذكر التفاصيل ليكون الموضوع ممتع...
.
.
وبنختار اول عضو وهو

(silver spectra)

الحان الورد · منذ /01-31-2009, 11:11 AM

فكرة جميلة جدا ياميرو
ومستنيين طارق ينورنا
ودمتم بود

ŌиĹч.Ḿё · منذ /01-31-2009, 11:26 AM

تسلم ايدك يا دكتورة ميرو على افكارك الجامده دى وفى انتظار رد الاعضاء شكرا يا ميرو وفى انتظار كل جديدك انشالله تقبلى مرورى

dr.marmar · منذ /01-31-2009, 02:07 PM

شكرا رائد والحان الورد علي مروركم
وفي انتظار دكتور طارق

حنـــــون · منذ /02-01-2009, 03:02 AM

فكره جميله اوى ياميرو

ومنظرين طارق ينورنا ويحكلنا عن يومه

تحيااااااااااااااااتى لك ولمجهودك

حنون

البرنس رامى · منذ /02-01-2009, 03:10 AM

يسلمو على الفكره الرائعه ميرو

وانا فى انتظار الدور لكى ابوح لكم

ارق تحياتى لكى ميرو وتسلمى على موضوعك الجميل

SiLver Spectra · منذ /02-01-2009, 06:24 AM

وسع يا إبني
الله.....الله

ظبت يا إبني المايك...

الله ...الله

أيوه كدا تمام

بسم الله الرحمن الرحيم

السيد الفاضل ناظر المدرسة

أعزائي الطلاب و أخواني الطلبة

يسرني أن أحكي لكم قصة حياتي يومي...

خصوصا إن بقالي تقريبا 20 ساعة ما نمت

أما بعد

بنصحى من النوم الصبح....حسب ما بنام

لو نمت الساعة 9 بالليل مثلا هصحى الساعة 3 أو 4 بالليل

لو نمت متأخرا فسأستيقظ متأخرا

أما حاليا فالساعة معدية سبعة

يعني في الغالب هعتمد المشاركة دي و هشرب اللبن و هنام

و شوفوا وقت الإعتماد

و هناملي بتاع 3 أو 4 ساعات و هصحى تاني

عشان أعد على قلبكم

بنات المنتدى أصلهم أمانة في رقبتي

:liverpool-flag:

هفطرعلى الكمبيوتر

و بعدين هعد للغدى.....

و بعدين رايح مشوار لواحد صاحبي...نرزعله مشواره و نخلص

و جايلي واحد تاني البيت عشان يسرق مني افلام...

أنا اصلي عامل إشتراك في الرابيد شير و فرحان بيه و شغال بحمل

و هما بس فالحين يسرقوا مني حاجات

:liverpool-flag:

و بعدين نعد على النت و بعدين نقفل و بعدين نعد على النت و بعدين ننام
ههههههههههههههههه

خلونا في إمبارح

إمبارح....

صحيت الصبح و العصافير لسه بتكاكي الساعة 10 و نص كدا

قاعدنا على النت

و بعدين خرجت آكل بره.....كنت عامل حسابي إن الخرجة هتكمل بس المطر بوظها!!

العملية ما نفعتش و كان لازم أرجع تاني عشان إحنا إتغرقنا

الساعه تقريبا 6 و نص
تاكسي.....

لو سمحت رجعني بيتي

و سبحان الله أول ما ركبت الحاج التاكسي المطر وقف!!!

بس كان سواق تاكسي لذيذ أوي

كان عاوج البتاعه دي إلي بترش مايه على الإزاز عشان المساحات تمسح

المفروض إنها تبقى مسلطه على الزجاج عشان ترش عليه مايه و المساحات تمسح

دا الإستخدام الصحيح له

بس صاحبنا عاوجها ناحية الناس و له إستخدام تاني ليها

ببص لاقيت الراجل بيرش في الجنب....

بيرش على مين الأهبل دا

و بيبص من الشباك إلي ناحيتي و مطلع لسانه أوي...

كان بيرش على واحده بعيد عنكم

و كان هيخبط أدامه

حاسب يا عم الحاج....

حود بسرعة

و الله ندمت إني نبهته

كنت أسيبه يخبط فيها عشان يقوله معلش أصلي كنت برش على بنت!!

الراجل ما شاء الله مشغل أغاني الهيسك بيسك

مش الهيشك بيشك...لأ بالسين زي ما قولتها

و الصوت حاد و عالي و فرحان بيه

و أجدع تحية للحاج محمد محمد محمد ...

و الحاج محمود ..محمود....محمود

تحس إنك راكب كباريه متحرك

وصلنا البيت الحمد لله

حسابه 5 جنيه

خد 20 يا عم الحاج

السواق : 5 6 7 8 9 11 12 13 14 15

مزبوطين أهم

طبعا أنا متوقع منه الحركة دي (أعملنا بقى عم الناصح ههههه)

ناقصين يا عمنا 2 جنيه

لا إزاي عدهم تاني

من غير ما أعد ناقصين جنيه يا حاج

أنا حاسس إن الموضوع قلب يوميات تاكسي!!
هههههههههه

روحنا البيت و قاعدنا على النت

قبلها قرأنا شوية في رواية الحاج علاء الاسواني ...نيران صديقة..
( الراجل دا جامد بصراحة في كل رواياته..شيكاجو و عمارة يعقوبيان...طبعا الرواية أحسن بكتير من الفيلم)

و رجعنا للمنتدى
شاركنا في كام موضوع و وقفنا واحد و كلمنا كام شخص على الميل

لحاد دلوقتي

:vb19:

طبعا الايام دي أجازة ففي هبل شوية

اليوم الطبيعي بتاعي المفروض بتنيل اصحى عشان أروح أم الكلية العظيمة

يعني نعد في السكشن و نهرج شوية

و بعدين نخلع في اي داهية

و نروح عشان نذاكر

طبعا أنا بذاكر أدام الكمبيوتر و التلفزيون و ممكن جريدة أو كتاب

غريب الأطوار
ههههههههههه

أنا اصلا بكره قاعدت المكاتب...أعد على المكتب و أذاكر كدا ..لأ طبعا بحس بملل

لازم أتحرك و أتمشى في الشقة و أسيب الجهاز يحمل

أو نتفرج على المنتدى شوية

أول إمبارح بقى كنت في القاهرة بس ما طولتش هناك

و مش لازم أحكي بقى

و توته توته خلصت الحدوته حلوة و لا معرفش إيه...توته باين
:vb19:

خلونا في قضية الدجيل..

أخرجوه بره....أخرجوه بره

( الله يرحمه بقى الحاج صدام )

معلش بقى أنا جايب آخري و لازم بخرف كدا في الآخر....

من كتر الضحك و الهبل إلي بعمله طول اليوم

هنام و هصحى طبيعي على فكرة

:vb19:

يلا ندبس واحد بعدنا
هدبس سمسمه بعدي

يلا يا سمسمه 2009

dr.marmar · منذ /02-01-2009, 10:06 AM

أحب أشكرك يا دكتورطارق علي تنويرك للموضوع
وفي انتظار سمسمه

الحان الورد · منذ /02-01-2009, 11:29 AM

جميل جدا ياطارق
ومستنيين سمسمتنا تنورنا
ودمتم بود

سمسمة2008 · منذ /02-01-2009, 10:40 PM

ايه ياعم التدبيس اللى على المسا ده

ليلتكم الليلة دى الوانها شبه الوان الطيف

طبعا عارفين الوان الطيف

اللى هما كحلى فى اسود فى رصاصى باين صح

انا مالى انا بتبعتولى ليه؟

انتوا شكلكم غلطانين فى العنوان

الراجل مش قصده عليا الراجل قلكم سمسمة2009 انا ذنبى دى اكبر من بسنة كاملة

انا لسة صغنونة انا لسة 2008

انا اتكلمت تجيبونى على ملا وشى كده

مصدقتى ياست ميرو طيب طيب يومك ابيض فى اسود مقلم بكحلى

استنونى شوية اظبطلكم دماغى وجاية حالا

انا جيت اثبت حالة قبل ماتعملى الهجوم المضاعف ياست الدكتورة

سلام لمدة 3 دقايق وراجعة لكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج (( الحلم )) قصة حياة عمرو دياب جميع الحلقات على اكثر من سيرفر	mīĐŏ ǺĻ ƒâηâη	الالبومات الكاملة - البومات اغانى عربية كاملة	9	11-13-2012 12:00 PM
افضل حجات عند البنات ... وافضل حجات عند الاولاد	simsim96	نكت - طرائف - وناسة - فرفشة	14	06-25-2012 07:33 AM
احدث و اجمل صور عمرو دياب و صور لم تنشر من قبل لعمرو دياب	Princess Noda	صور فنانين - فنانات - ممثلين - ممثلات	5	05-12-2012 01:20 AM
حصريا عملاق تشغيل ملفات الصوت الرائع MediaMonkey 4.0.3.1472	hawas91	برامج كمبيوتر - برامج نت - تحميل برامج 2022	0	02-12-2012 08:33 PM
الشجرة التي أنقذت حياة إنسان (سبحان من كتب له حياة)	vinca rosea	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	1	12-25-2009 07:54 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

«¦» ¤ ׀ [ يوم في حياة عضو ] ׀ ¤ «¦»

منتدى يوميات الاعضاء