صوره لكل المصرين بص يمكن تكون معانا

[7w0r al gana]

27عاما مرت بالتمام والكمال علي رئاسة الرئيس مبارك للبلد

لا أريد أن نتحدث عن الرئيس وما فعله.. وقد نتحدث!

لكن انظر إلي ما فعلناه نحن أنفسنا بأنفسنا؟

تأمل هذه اللوحة لتعرف كيف تبدلنا وتنيلنا

الشعب المصري شريك أساسي وأصيل في كل سلبيات الـ27عامًا السابقة

إذا سألت أي واحد فينا:

ما هو الفرق بين الورم والحكومة؟

سيقول لك: الفرق إن الورم مش دايما خبيث!
الشعب المصري تحول من الشعب الجدع إلي الشعب المتحرش.

الشعب الذي ينجو بالبانجو.

الشعب يرتدي الحجاب ويمارس الفجور.

الشعب يصلي التراويح ويمد يده لتلقي الرشوة.

الشعب معتل الصحة ومحتل من حكامه ولكنه أدمن جلسات العلاج بالكيماوي والقعدة في مكن الغسيل الكلوي، أدمن الشعب مرضه فهو يلعن الحكومة ويركع لرئيسه ورئيسها ولمديره ولصاحب عمله.. الشعب يحني ظهره بحثا عن الرزق فركبوا حكامه ظهره المحني فلا رزقا وجد ولا ظهرا فرد
نكتة صناعة مصرية بكل ما في المعني من دقة وتحكي عن مجموعة من الصعايدة من عمال البناء، كانوا منخرطين في بناء كنيسة لمصلحة أحد المقاولين، ولما كان معروفاً عن العمال والصعايدة عشقهم للغناء أثناء العمل فراحوا يرددون الأغنية المعتادة:

ـ هيلا.. هيلا.. صلي علي النبي..

لكن المقاول نبههم إلي أنهم يبنون كنيسة..فأخذ يغنون:

ـ هيلا.. هيلا.. بص علي الحيطة..

تعجب المقاول ونظر إلي الحائط فوجد مكتوباً عليها:

ـ صلي علي النبي..!!

هكذا صرنا.. قررنا أن ننكتم ونشتغلها بالفهلوة مع نفسنا ومع رئيسنا ففي القلب كل رفض ومعارضة وغضب ولكننا لا نبوح ولا نتكلم ونلف وندور ونراوغ وننحني ولما نسأل أين موقف الشعب يقولك بص علي الحيطة؟!

[H&H]

اقولك ايه يا نهى هي فعلا انا حاسه ان الدنيا

خربانه المهم ان الواحد ميبصش للناس و يعمل زيهم

لان كل واحد هيتحاسب على نفسه

و انا معاكي بجد ان احنى اتحولنا من جدعان لناس تانيه

كان زمان يستنكروا اللي بيعمل ندل

دلوقتي بيستنكروا الجدعنه

لكن و الله لس فيه جدعنه بجد و انا هقولك على موقف المخبز اللي جنبنا ولع و مواسير العاز كانت

مخرومه و الله ناس كتير دخلت في قب الحريق وطلعت الناس و اللي جابوا طفيات وميه من بيتهم

و الكل بيعمل المستحيل مع انه مش مخبزهم و كان صاحب المخبز عامل مشاكل مع الناس

و الله لولا ربنا و الناس دي مكنش الحريق خلص لان المطافي جت بعد الحريقه بساعه

[الأمــيــر]

نفسى أتكلم عن الحكومة والرؤساء بجد نفسى بس اللى شفته يخلينى طول عمرى مقدرش أتكلم كفايه لحد كده كفايه اللى أنا شفته

[7w0r al gana]

معلش يا هبه هرد على الاستاذ الامير الاول
و اقول:
ايه اللى منعك انك تتكلم خليك جرئ
اتكلم
اتكلم عشان تغير
اتكلم عشان ولاده لما يجو يلقو االحياه احسن
اتكلم عشان دى بلد وليك فيها
اتكلم عشان نفسك
اتكلم عشان الساكت عن الحق شيطان اخرص
اتكلم ومحدش هيمنعك
و لو حد منعك فبجد هنفضل كلنا فكرين ان فى واحد حاول يجيب حقو

[الأمــيــر]

اللى منعنى انى أتكلم أنى لكا اتكلمت وقلت لأ دا غلط كان جزائى إنى أتبهدلت بجد واهلى كلهم اتبهدلوا وقرايبى كمان
اللى منعنى إنى أتكلم أن أكتر واحد صاحبى فى الدنيا دى ويعتبر أخويا بقاله دلوقتى حوالى 3 سنيين جوه المعتقل والله أعلم هيخرج أمتى
اللى منعنى إنى أتكلم إنى لما أتكلمت اتحرمت من حاجات كتير أوى ليا حق فيها خفت لو أتكلمت وطالبت بيها تانى يضييع كل حق فى إيدى
اللى منعنى إنى أتكلم ان البلد دى ماشية كلها بالكوسة وأنا للأسف والله مش بحب الكوسة ومش بخلى ماما تعملها خالص
اللى منعنى إنى أتكلم قصة طويلة اوى مش بحب أقولها لحد علشان والله بصعب عليه
دى بس حاجه بسيطة من الحاجاااااااااااااااااات كتير أوى اللى منعانى إنى أتكلم