حد يساعدني في حل المشكلة دي

[anoshlove00]

انا في واحدة عزيزة علية جدا وبجد عايزة اساعدها بس مش عارفة افيدها
وعيزاكو تسعدوني
هي المشكلة انها كانت بتحب واحد بس ما كنش قيلها علي سنها الحقيقي كان مفهمة انة قدها في السن
بس بعد كدا قلها علي سنة الحقيقي هو اصغر منها بسنة ونص وهو ما كنش عايز يقولها علشان
مضعش منه بس بقدرش يخبي عنها اكتر من كدا
فا هي مش عارفة تكمل مع عادي
ولة مش هينفع علشان هو اضغر منها
بجد عيزة حد يساعدني

[الراغبة فى الفردوس]

والله انا شايفة ان فرق السن ده مش مشكلة
الاهم ان مش يبقى هو اصغر منها فى موضوع العقل
يعنى يبقى تفكرها هى اكبر واشمل
وانا ليا جارتى ماشاء الله متجوزة بقالها 6 سنين
وجوزها اصغر منها بحوالى سنة برده
بس هو مش محسسها بالفرق ده

[roty]

انا شايفة تبعد عنة بس فرق السن لان الستات بتكبر بسرعة قبل الرجالة علشان كدة الافضل ان الست تكون اصغر من جوزها

[Mysterious]

انا رأيى انها تبعد عنو خالص
لان البنت كدا كدا بتفكر اكبر
منها بتفكير ابعد بـ5 سنين
بس دا رأيى لو هى مقتنعه بيه
خلاص هى حرة اوكى

ميرسى لطرح المشكله

[حسن513]

بصراحة سنة ونصف مش كثير وكثير بنات يبانوا اصغر من سنهم الحقيقي وممكن صديقتك منهم .

[ناصرعبده]

عادي يعني سنه ونص مش حكايه انا صحبي اللدود مراته اكبر من ب4 سنين وزي الفل مفيش مشكله

[Just G!rl]

بصراحه أنا مقدرش أحكم

إلا لما أعرف السن بس لو اتكلمت عامةً

يبقى مش هينفع يكملوا لما اولادهم يكبروا هيقوللهم ايه

ماما أكبر من بابا بس عادي يعني في ناس بتكمل كده

بس هما هيقضوها حب ولا ناويين على جواز ولا ايه بالظبط

[fankosha]

انا راى تبعد عشان فرق السن ممكن يتعبها بعد كدا
بس انا اعرف ناس كتير متجوزين
رجالة اصغر منهم وعيشين عادى

[kalaf123]

اقتباس المشاركة الأصلية كتبت بواسطة الراغبة فى الفردوس والله انا شايفة ان فرق السن ده مش مشكلة الاهم ان مش يبقى هو اصغر منها فى موضوع العقل يعنى يبقى تفكرها هى اكبر واشمل وانا ليا جارتى ماشاء الله متجوزة بقالها 6 سنين وجوزها اصغر منها بحوالى سنة برده بس هو مش محسسها بالفرق ده

انا شايف انه السن ده مش مشكلة لانه سنة ونصف مش فرق كبير وتواصل معاه اذا كانت بتحبه وبيحبها

[حبرالقمر]

انا شايفه ان مفها ش اي مشكله طول مهمه متفاهمين عادي جدا انا واحد اريبي متجوز واحده اكبر منه ب3 سنين وعادي جدا