اسكالوب محشي و لا اسهل من كده !!

[ام آية]

سلآآآآآم عليكم
ابتدي بقى باول وصفة ليا هنا و انشاء الله مش حتكون الاخيرة
وصفة سهلة و عايزاكم كلكم تجربوها و تقولولي رأيكم
المكونات لاربع اشخاص:
4 اسكالوب
موتزاريلا مقطعة الي مكعبات صغيرة
بقدونس مفروم
جبن مبشور
زبده
فلفل اسود
ملح


نبتدي بترقيق الاسكالوب نقسمها نصين بسكين لو خشنة نحاول بشويش عشان نحصل على اسكالوب اكبر و سليم من الثقوب نحطها فوق اللوحة الخشبية اللي نقطع عليها الخضار ( مش عارفة اسمها) و نغطيها بالبلاستك الغذائي و ندقها بيد النجر او غيرو من ادوات الترقيق اللي نستعملها في ترقيق العجينة مثلا
نخلص كل الاسكالوبات بالشكل ده و بعدين نرش بالملح و الفلفل
نخلط الموزاريلا المقطعة قطع صغيرة مع البقدونس المفروم مع الجبنة المفرومة مع شوية فلفل و ملح
نحط مقدار ملعقه او اكتر شوية في النصف الاول من الاسكالوب و اغطي او الفو بالنصف التاني و اقفل باعواد الاسنان الخشبية و اثبت جيدا حتى متتسربش الحشوة
ارش بشوية فلفل و ملح مرة تانية و ارش الجبنة المفرومة و احط في صينية فرن و اكمل بقية الكمية و لما يبقى الفرن ساخن جدا و الطبق جاهز ليدخل الفرن احط شوية زبده في الصينية جنب كل قطعة اسكالوب الطبق ده مش حياخد اكتر من نصف ساعة او 40 دقيقة و يا ريت يكون الفرن حرارتو عالية عشان تتحمر الاسكالوبات
دي اكله سهلة خالص و مفيهاش قلي و لا زيوت و يا ريت نقلل كمية الزيوت في كل وصفاتنا للحفاظ على صحتنا
و الف هنة و عافية يا حبايبي

[razan]

سلم ايديكى ام اية


وصفة باين عليها لذيذة

[ام آية]

شكرا لمرورك على موضوعي وهذا شرف لي ووسام على صدري

[MERO LOVE]

ميرسى على الوصفه الجميله
تسلــــــــــمى

[EMoOoO]

مشكوووووور والله يعطيك الف عافيه

[نوركمال]

الف شكر على الوصفة الرووووووووووووووعة
ويا ريت لو فى صور تكون اوضح
مشكوووورة وفى انتظار جديدك