شرح نظام الثانويه العامه بمصر لطلاب الثانويه العامه ... بقلمي

[Engineer Semsem]

الــســلام عليكم ورحمه الله

ازي الاحوال يا شباب الثانويه العامه واللي مش فيها كمان ودخل الموضوع بتاعنا للرخامه يعني موضوع نظام الثانويه العامه ده سهل جدا بس بالنسبه للناس اللي هتخشها معقد شويه عشان كده باذن الله هحاول ابسط الموضوع علي قد ما اقدر ... نخش في الموضوع ....

يا ابن عمي : انت قدام اختيارين علمي او ادبي كل واحد منهم يدخلك كليات خاصه بيه ماعدا علمي ممكن يدخلك كليات ادبي بس بمجاميع اعلي.
عشان تبقي علمي او ادبي ده بتوقف علي المواد اللي انت هتدرسها في السنتين بس طبعا في مواد اساسيه بيكونوا في سنه ...

تـــأنيه : 4 مواد اساسيه وماده يتيمه انت اللي بتختارها ( عشان تعرفوا ان البلد دي فيها ديموقراطيه من صغركم ) المواد الاساسيه في سنه تانيه ثانوي بتكون
1-- عربي 2 --- انجليزي 3 -- لغه اجنبيه غير الانجليزي ( غالبا فرنساوي لانه ابن ناس وحلو ) 4 -- رياضه ودي بتكون هايفه لدرجه العبيط ممكن يجيب فيها 25 ...

الماده الاختياريه بقي يا جماعه في سنه تانيه ثانوي لو هتدخل علمي وعايز تطلع دكتور ( وانت اصلا شاطر ) يبقي تاخد احياء وانت مغمض ومتبعش كلام حد واسال مجرب انما لو عايز تطلع مهندس يبقي تاخد كيمياء ..

ممكن واحد ناصح يقولي سؤال لولبي طب ليه ناخد الاحياء طالما احنا ممكن ناخدها في ثالثه ثانوي مع الفيزياء هاقوله يا استاذ انت والله هتتعفرت لو عملت كده واسال مجرب لان الفيزياء طويله وصعبه انما الكيمياء تافهه وربنا بس للي يحبها ( انا جبت فيها 50 بالراحه ) عشان كده انا بروح اعمل ايه لما افتكر ان كان قدامي اخد الاحياء في سنه تانيه اروح عامل >>> ...

في سنه تالته لو انت علمي : هتاخد 3 مواد اجباري

1 -- عربي 2 -- انجليزي 3 -- البعبع >> الفيزياء يعني
4 -- وبتختار معاهم ماده ادبيه زي مثلا ( الاقتصاد والاحصاء او علم النفس والاجتماع )

5 -- لو انت عايز تطلع مهندس يبقي كنت لازم تكون واخد كيمياء وتحول لرياضه 2 ودي بقي تجنن اللي مش بيحب الرياضه ..

لو انت بقي من يومك دكتور وتكون اخدت الاحياء في سنه تانيه يبقي هتاخد كيمياء في سنه تالته وهتزقطط ..
_________________________________________

كده اللي هياخد علمي عرف كل حاجه ويمشي بقي بلاش رخامه لاني عايز اكلم الغلابه بتوع ادبي ..

حضرتك اولا مش ممكن تدخل لا طب واي كليه عمليه خالص بلاش وجع دماغ وفي سنه تانيه هتاخد المواد الاجباريه الاربعه زي علمي تمام وماده اختياريه بتكون يا اما علم نفس واجتماع يا اما هتاخد فلسفه بمزاجك عشان انتوا بشوات فبيدلعوكم يعني ..
وسنه تالته بقي : هتاخد الماده اللي انت مخدتهاش في تانيه يعني لو انت اخدت في سنه تانيه فلسفه تاخد في تالته علم نفس (والعكس بالعكس) والمواد الاجباريه طبعا يعني عشان محدش يعمل ناصح بس وطبعا هتاخد معاهم التاريخ وعلوم البيئه والجيولوجيا وكده تمام ...

انا بقي مش عايز اتكلم عن علمي متأدب لانه بصراحه كده هبل X هبل بس اللي عايز يعرف عنه حاجه يبقي يسأل حد من اللي اتص في نظره واختاره ... كده يا شباب كله فل اللي عنده اي سؤال يبقي يقوله وانا تحت امر الجميع اي خدمات يا حبايبي وان شاء الله نشوف منكم الدكاتره والصيادله والحراميه انشاء الله سلام ...

[تسـنيم]

والله يا اسلام معظم الدكاترة والمهندسين اصبحوا 00000

ملناش دعوة يا عم خلينا فى السليم احسن

مع انى خلصت ثانوية عامة انما دخلت هنا للتطفل فقط ليس الا

تسلم الايادى يا هندسة

[Engineer Semsem]

طب انا مهندس اهو بس الحمد لله ماشى سليم

[تسـنيم]

اكيد هندسة بالنظام القديم

هندسة اليومين دول كله ماشى

شوف يا هندسة طالما التعليم أصبح يٌشترى بالمال

يبقى تقول على البلد والخريجين كلهم يا رحمن يا رحيم

وعذرا على مداخلتى مرة اخرى

ولكنى وجدت انه وجب على ان أصحح ردى طالما طلعت مهندس بجد

تحيتى

[Miley fan]

مشكووووووور

[Engineer Semsem]

تسلمـــــوا يا أحلى أعضاء على المـــــرور نـــــــــــورتو التــــــــوبيك

[الحياة]

ههههههههههههههههههههههههههه لية علمى متادب هبل فى هبل على رايك عموما دة مش بيكون اختيار حد ساعات الظروف بتجبرك على حاجات انت رافضها بس بيكون اجبارى تعملها وعلى فكرة انا علمى متادب وعلى فكرة الامور دى ما عادت تفرق لانو الوقتى الجامعات الخاصة اصبحت بتوفر كل شى للطلاب وبيدخلها الى ما يستهالوا يسلمووووووووووووووووووووووووووووو على الموضوع

[βзήŦ ℓǻẑĨήǻ]

تسلم ياباش مهندس علي التوضيح والتسهيل
انا لسه في 1ثانوي وربنا يستر السنه الجايه
وعلي فكرة الادبي أحسن من العلمي بكتير
لان الأدب فضلوه عن العلم
تحياتي
الاعلامية المنتظرة

[رنين الحزن]

شكرا ياانج
مع العلم انى اساسا ازهريه

بس دخلت من باب العلم بالشىء
بس على فكره الثانويه الازهريه اصعب بكتير
انت هنا بتتكلمو فى اربع خمس مواد
انما ما شاء الله
اللهم حسد مش (لا حسد)لعل وعسى يحوق فيها الار
عندنا فى الثانويه الازهريه بالستاشر والسبعتاشر ماده
يعنى بجد بيطلع عينّا
على العموم ربنا يوفق الجميع

‘‘رنين الحزن‘‘

[زهرة وادي النيل القاضي]

اصلا دلوقتي الثانوية مش مهمة اهم حاجة القياس والتحصيلي ولو في حد عنده معلومات عن الاختبارات دية للي بيدرسوا في السعودية يقولي ربنا يخلية ويبارك فية كفاية خلاص احسن اعيط
ثاني ثانوي علمي