نتيجـــــــــة الثانويه الغامه قصدي العامه.

[hussam alex]

على ما أعتقد أن نتيجة الثانويه العامه في مصــــــر ظهرت أمبارح.

عاوزين بقى من كل بنوته زي العسل وكل ولد شجاع يدخل بكل صراحه ويقولنا على مجموعه وناوي يدخل أيه طبعا بعد أذن الله ثم التنسيق.

ولا مش من حقنا نشاركم الفرحه.

يلا مين هيبـــــــــدأ الأول.

في أنتظار ردودكم.

[Mo7aMeD Lotfy]

موضوع رائع يا حسام انا لو فى ثانوى هشارك لكن الحمد لله عدينا من زماااااااااااان

موضوع جميل جدا يا غالى

ومستنيين بقا المجاميع العاليه اللى تشرف

واللى اقل من 99% ميدخلش ههههههههههههه

مشكور يا غالى

لك منى كل احترام وتقدير

تحياتى

العندليب

[hussam alex]

اقتباس المشاركة الأصلية كتبت بواسطة محمد لطفي موضوع رائع يا حسام انا لو فى ثانوى هشارك لكن الحمد لله عدينا من زماااااااااااان موضوع جميل جدا يا غالى ومستنيين بقا المجاميع العاليه اللى تشرف واللى اقل من 99% ميدخلش ههههههههههههه مشكور يا غالى لك منى كل احترام وتقدير تحياتى العندليب

شكـــــــــرا يامحمد على مرورك رغم أنك عديت المرحله دي. تقريبا زيي عديتها من 8 سنين.

بس بجد نفسنا نشارك كل اللي نجحوا فرحتهم ونباركلهم كمان. واللي جايب مجموع أكتر من 90% ليه عندي هديه هو اللي هايختارها. واللي جايب أقل من 80% هاندخلوا السجن.

[cattybosbos]

واللي جايب أقل من 80% هاندخلوا السجن
يالهوى سجن ايه
لا اروح احسن
انا وبلا فخر جيبت
70%
ومستنيه التنسيق
ربنا يستر
ثانكس ع الموضوع
وبعدين يا حسام طالع من عندنا من اسكندريه 2 او اكتر تقريبا من الاوائل
كفايه علينا

[لوليتا المصريه]

ههههههههههه

طالع من عندكو من اسكندريه 2

طب والله كويس بس كنا عايزينك يا ثكرة منهم

بس 70 % حلو مش وحش هو حد لاقى يابنتى

لا الف مبروك عليكى بس انتى كدة ناويه على ايه ولا سيباها على ربنا

على العموم ربنا يكرمك ان شاء الله وربنا يستر وحسام مايقيمش عليكى الحد ههههه

لا ربنا يكرم الجميع ان شاء الله وبالتوفيق ليكى بأذن الله

ونايس توبيك حسام وفى ميعاده بالظبط

تحياتى لك

[محمد الشريف]

دعائى لله مخلصا بأن يجبر خاطر الجميع وجنى ثمار تلك المرحلة الصعبة

مبروك لكافة الناجحين مع أطيب الأمانى وأحر التهانى

[Sєяєєη●•ʚɞ]

الناجح يرفع ايده هييييه

مبروووووووووووك لكل الناجحين فى الثانويه العامه وانا بشاركهم فرحتهم وبقولهم الف مليون مبروك وشدوا حيلكم وربنا يوفقكم فى اختيار كلياتكم وتتدخلوا الكلية اللى بتحبوها

انا خلاص عديت المرحلة دة من زمان فلا املك من الكلمات سوى انى اهنى الناجحين

وبشكرك على التوبيك الحلو اوى دة

[Genius]

ربنا يوفق الجميع ان شاء الله

[hussam alex]

اقتباس المشاركة الأصلية كتبت بواسطة cattybosbos واللي جايب أقل من 80% هاندخلوا السجن يالهوى سجن ايه لا اروح احسن انا وبلا فخر جيبت 70% ومستنيه التنسيق ربنا يستر ثانكس ع الموضوع وبعدين يا حسام طالع من عندنا من اسكندريه 2 او اكتر تقريبا من الاوائل كفايه علينا

أولا/ ألف ألف مليون مبروووووووووووك.

بس نصيحه من أخوكي الكبير. أنتي اللوقتي داخله على مرحله جديده. يعني لو داخله سنه تالته ماتفكريش في اللي فات وأعتبري نفسك جايبه 100% وأبذلي أقصى ما في جهدك عشان تحافظي ع المجموع ده. ولو خلصتي وداخله الجامعه يبقى لازم تستعدي أنك تثبتي نفسك في المكان اللي التنسيق هايوجهك ليه. وصدقيني لو ثبتي نفسك فعلا هايبقى هو ده النجاح الحقيقي.

شكـــــــــرا لمرورك.

[يوسى كات]

الف مبروك لكل اللى نجحه
انا عندى بنت عمى علمى رياضه جايبه 96% وعايزه تدخل هندسه
وبنت خالتى ادبى جايبه 75% ونفسها تدخل اداب
ادعلهم ربنا يوفقهم
ششكرا على الموضوع