منتديات بنات مصر - كل ماتحتاجه العروسه للاهتمام بجمالها بالصور والشرح(حمله تنشيط القسم)

النهارده بقى فالموضوع ده هتكلم عن ادوات النظافة الشخصيه والميكاجات الا هتحاتجها العروسه ويارب ان شاء الله يكون موضوع مفيد ليكم كلكم

أضع لكي هذه القائمة التي تحتاجها كل عروس للاهتمام بجمالها.. وايضا من أرادت الزيادة فمن عندها

اولا:العنايه باظافر القدمين والايدين

اول حاجه هتكلم عنها المستلزمات المطلوبه للعنايه باظافر الايدين والقدمين

1- طقم البادكير ( مبرد -مقص - قصافه والخ )
وديه بيبقى ليها اشكال كتير ممكن بتكون مجمعه كلها فعلبه واحده او ممكن بقى تشتري كل حاجه لوحدها بس راي وعن تجربه احسن حاجه مجموعة الباديكر الاستاليس ومش بتبقى غاليه اوي بتبقى بحوالي 50 جنيه وانا جيبالكم الاشكال اهي علشان تعرفوا قصدي ايه وديه هتحتاجي منها واحده كفايه جدا
http://files2.fatakat.com/2011/2/12975313073356.jpg

طبعا ديه المجموعه بتاعت الباديكر الا ستالس الا بقول عليها وهشرحلكم دلوقتي كل حاجه فيها هتعملي بيها ايه

http://files2.fatakat.com/2011/2/12975314442176.jpg
http://sphotos.ak.fbcdn.net/hphotos-..._1127154_n.jpg

من علا اليمين القصافه العجيبه و القصافه العاديه دول عادى قصى بيهم اظافرك

الاله اللى شبه الكماشه دى بتطلع الجلد اللى تحت الاظافر بالظبط وكمان بتدي الاظافر الشكل الدائري وبتتباع لوحدها فحدود 12 جنيه هي جميله جدا

المقس ده ينفع للحواجب او لاى غرض اخر

اللى بعده طبعا ملقاط عادي للحواجب او هتزيلى بيه شعر الاصابع

الناحيه التانيه من اليمين برضوا الاله الاولى الناحيه اللى فوق بتاعتها دى بتزقى بيها الجلد اللى على الاظافر و بيطلع عادى لاننا نقعينع فى الفازلين ساعتين طيب هوا كده اتكوم هنشيله اذااااااااى

الاله اللى بعدها على طول تحطى الجلد اللى ظهرلك ده بين السنين بتوعها هتلاقيه كله اتشال و بقيتى فله

الاله الابعدها برضوا للتنضيف حولين الاظافر

الا بعدها طبعا ده مبرد عادي لبرد الظوافر بالشكل الا ترغبي بيه وكمان علشان مش يبقى فيها خربشه او سنون طالعه

كده انا شرحتلك كل حاجه فيها بتعمل ايه احسن لما تجيبي كل حاجه لوحدها

ده شكل تاني من القصافه الكاريه بتاعت الظوافر لو هتجبيها لوحدها
http://a6.sphotos.ak.fbcdn.net/hphot..._5527143_n.jpg

- مفرق صوابع الارجل لوضع المناكير وعمل الباديكير

خصوصا الرجل علشان لما بتيجي تحطي المناكير ممكن من كتر لما الصوابع متقاربه من بعضها ممكن متعرفيش تحطي او ممكن الالوان تلزق فبعضها وهو غالبا مش غالي هتلاقيه في محلات 2.50 بيتباعوا كيس كده فيه اتنين او اكتر وساعات بيبعوا واحده انتي محتاجه على الاقل اتنين واحده لكل رجل مش اكترلانها بتعيش
http://files2.fatakat.com/2011/2/12975315248357.jpg
http://a4.sphotos.ak.fbcdn.net/hphot...93188599_n.jpg

ديه فكرتها بس بدل المناديل بتبقى مفرق الصوابع ده بيبقى احسن لانه بيبقى من الاسفنج فبيبقى اقوى من المناديل

3- القلم المبيض للاظافر
ده بيعمل على تبيض ماتحت الاظافر انا عن نفسي جربته ومش عجبني لقيته مش بيعمل فرق كبير وفيه ناس تانيه جربته قالت حلو وفيه منه طبعا الرخيص الا بيتباع في 2.50 ولا ليه اي لازمه وفيه من بيتباع في اورفيلام -ايفون مش جربته بالصراحه بس ممكن يكون حلووده هتحتاجي واحد بس مش اكتر لانه بيعقد كتير جدا
http://files2.fatakat.com/2011/2/12975316833502.jpg
-حنة الاظافر (الاسود او النبيتي )
وديه احسن نوع الا هي حنة راني وديه حلوه اوي وفيه منها الاسود والنبيتي (الاهو البني المحمر ) وديه هتلاقيها فكل حته بتبيع ادوات مكياج ومش هتلاقيها غاليه غالبا سعرها ب 12 جنيه على مااعتقد وديه كفايه منها واحده بس لانها عبوه حلوه وبتعقد كتير
http://files2.fatakat.com/2011/1/12940990703977.jpg

5-طقم فرنيش مناكير
وده بيبقى حلو اوووووووي وشيك موت جدا وهاتي مجموعه واحده كفايه جدا وهاتي نوع نضيف وغالبا بيكون في حدود 22 او اكتر وهتلاقي عند اي حد برضوا بيبع ادوات مكياج وكمان فاورفيلام وايفون
ولو هي غاليه عليكي خلاص هاتي ازاة مناكير ابيض مش الا هو الشفاف لا ابيض ابيض زي الكوريكتور كده وهاتي ازازتين مناكير شفافين الا هو مقوي الاظافر وعلشان تدي اللون الروز الخفيف ده كانت فيه هنا فتوكه عسوله كده قالتلي هاتي دم غزال من العطار مش كتير اوي وقالتلي يدوب تجطي منه نقطه كده براس الدبوس على ازازة المناكير الشفافه هيديكي اللون الروز الخفيف وممكن كمان تحطي من اللون الابيض نقطه او اتنين على ازازة المناكير الشفافه هتبقى تحفه جدا
http://files2.fatakat.com/2011/6/13072790489552.jpg

-طلاء اظافر ملون(احمر -نبيتي - فوشيا حسب الرغبه )
هتجيبى معظم الالوان اللى تليق و اللى متليقش طب ليه

علشان شويه تحطيهم على اظافرك و شويه ترسمى بيهم(وممكن تجيبي مثلا الالوان الا انتي حابه ترسمي بيهم من الانواع الرخيصه من محلات 2.50 علشان مش معقول هتجيبي كله غالي حرام ) وفراي مش تكتري اوي برضوا لان عادة المناكير بينشف بسرعه

طيب اعرف منين المانيكير حلو او وحش حتى اذا كان رخيص او غالى ؟

(1) حطى المانيكير على ظافر واحد لو بقى مايه واحده و مفهوش اى خطوت من علامه الفرشه يبقى كده تمام و اهم حاجه تشتريش المانيكير الغليظ جيبى السائل لان التقيل ده بيكون قديم

(2) لو بعد ما نشف شويه لاقيتيه عمل فقاعات او خروم يبقى ردىء و غالبا ده بيحص فى الشفاف
(3) لو بعد ما نشف قشرتيه و طبع على الاظافر يبقى ردىء برده

طيب انا هعمل ده كله فى كل واحد ؟
لاء طبعا انتى هتجربى واحد بس طلع مفهوش اى عيب هاتى معظم الالوان من نفس الماركه

(ديه كانت نصيحه من فتوكه هنا فالمنتدى عسوله اوي وعجبتني فعلا فكرتها )
ومن الماركات الحلوه الا انا اعرفهاوكويسه جدا اماندا تحفه هو غالي شويه ب 18 بس حكايه وكمان المناكير بتاع اورفيلام وايفون حلوين
http://files2.fatakat.com/2010/12/12928912573742.jpg

ماركة بريتي حلوه جدا ورخيصه ب 5 جنيه ديه كويسه وبتنزل الوان واشكال تحف
http://files2.fatakat.com/2011/6/13072796405721.jpg
مانكير موينلا مط رهيب ب5 برضوا
http://files2.fatakat.com/2011/6/13083409291390.jpg

6- مزيل لطلاء الاظافر ( اسيتون )
وهاتي النوع العادي خالص بلاش النوع الجديد الا طالع ده الا هو الاسيتون السحري ومهما كان غالي وحش جدا جدا والا في محالات 2.50 تحفه وانا بستخدمه على طول وجميل جدا ورخيص وهتحتاجي حوالي 2 بس كفايه

http://files2.fatakat.com/2011/2/12975319371630.jpg

7- فرشة القدم ( لتمنع الرائحه والتعرق وتعطي شكلا جميلا لقدمك )
http://files2.fatakat.com/2011/2/12975321749821.jpg
http://files.fatakat.com/2010/2/1266344567.jpg

بيكون طبعا زي مااحنا شايفين كده اربع جاهات
الفرشه دى بتنضف الرجل جدا من اى اوساخ خصوصا الاظافر بتاعت الرجل كما موضح فالصوره
http://a3.sphotos.ak.fbcdn.net/hphot...22611271_n.jpg

لمبشره دى علشان تعملى بيها رجلك من تحت علشان لو فيه جلد ميت ولا حاجه بتبقى جميله جدا واحلى من الموس لان الموس لما بتعمليه مره خلاص مش بتقدري تستغني عنه لانه فعلا بيكتر الجلد الميت فيفضل عدم استخدامه

و الحجر طبعا للكعب

و الحجر الابيض ده تصنفرى بيه جسمك بالشاور لو مستعجله بيخلى الجسم ناااااااااااعم اوووووووووووى بس خالى بالكم من ناحيه الديكولتيه ( اللى تحت الرقبه و قبل الصدر ) علشان دى بتبقى العظم واضح فيها فممكن يجرحلك المنطقه دى

هتحتاجي واحده بس وديه هتلاقيها في محلات 2.50 حلوه وانا جربتها شخصيا جميله جدا وهتلاقي بيبيعوا كل واحده فيهم لوحدها بس على ايه هاتي الاهي فيها كل حاجه اوفر وحلوه واسرع ومش هتبقى كركبه كتير

يتبع ،،،،،،،،،،،،،،،