منتديات بنات مصر - كيفية فرش شقة العروسة

وهقدم للعروسه شويه نصايح

ويااااااااااارب تقدر تستفيد منها

اولا
فرش الشقه المفروض يتفرش قبل الفرح بفتره مش كبيره
يعنى ممكن قبلها بأسبوع وممكن قبلها بتلات ايام مثلا
وده حسب ظروف كل عروسسة وعلى حسب الشقه جهزت ولالا
العفش وصل كله ولالا
وانا شخصيا افضل اننا نفرش حجات منها قبل اسبوع من الفرح وحجات تانيه قبل الفرح بيوم لو امكن
ونبدأ بقى

http://n4hr.org/up/uploads/n4hr_13491088481.gif

اولا كده متكتريش اوى ف الناس اللى هتاخديها تفرش

يعنى انتى واختك واتنين او تلاته من صحابك ومامك ومتكتريش عن كده عشان متبقاش الدنيا هيصه وتبقى مركزه معاهم وهما بيرصوا..

وكمان حاولى يكون ذوقهم وستايلهم زيك عشان يسهلوا المأموريه عليكى

يعنى لو اختك او حد من صحباتك عنده اطفال بلاش يجيبهم لان طبعا هيبهدلوا الدنيا

لان حوار الفرش ده بيتأخر ومش معقول هتجوعى الناس اللى انتى واخداها

وكمان مش معقول هتطبخى ف حاجتك الجديده

هههههههههه

اما الميه عادى ممكن تجيبى ازايز فاضيه من البيت وتملوها وتحطوها ف الثلاجة لان كده كده هنشغل التلاجه عادى

كمان خدى معاكى بيجاما او عبايه قديمه شويه عشان تلبسيها وانتى بتفرشى

المستلزمات وادوات النظافه اللى هتاخديها معاكى

والحجات دى

ملهاش علاقه بأدوات نظافتك

يعنى مش هنقرب لادوات نظافه جهازك

دول خارج الحسابات

وخدى فوط مطبخ نظيفه وورق جرايد

وممكن كمان تستعملى جردل النظافه ابو شرشوبه لو مضحيه اوى ههههه

واماكن تانيه كتير

دلوقتى وصلتوا الشقه

كمان يفضل متاخدوش اى اطفال معاكم

وانتى رايحه تجيبى اى اكل سريع او من البيت ليكم

وفى حاله لو حد من قرايب العريس جاى يفرش معاكو خدى عبايه حلوه البسيها زى بعضه ههههههههه

عشان المنظر العام بس

خدى كيس اريال الحجم الكبير وخدى بريل وخدى سفنجه مواعين وخدى جلانس وبخاخه فاضيه لو امكن

وياريت لو ديتول او اى مطهر

اما المقشه والزعافه والمساحه ممكن تستعملى بتوعك عادى مش هتفرق

وكمان عدى على محل بلاستيكات زى الشطوره وهاتيلك رول مفارش فضى او دهبى حسب ذوقك لان هنحتاجه لفرش المطبخ ودولاب اوضه النوم وبوفيه السفره من تحت

هتدخلوا وتبدأوا تقسموا المهام
يعنى فلانه ف المطبخ فلانه ف النوم
ولو انى افضل ان اوضه النوم انتى اللى تفرشيها وترصى حاجتك بنفسك
ليه؟
اولا لان فيها متعلقاتكم الشخصيه انتى وجوزك وميصحش حد يطلع عليها
وكمان لان الهدوم دى زى حاجه المطبخ هتستعمليها كل يوم ومش معقول كل لماتحتاجى حاجه تسألى مكانها فين ولو الامر كان صعب عليكى خلى حد قريب يساعدك مامتك اختك المهم انك تكونى موجوده

و بالنسبه للستاير الخفيفه او لو عندك براويز للشقه هتتعلق او تتركب تركبى وتعلقى كللللللل ده قبل التنظيف
لان دق البراويز ممكن يبهدل الدنيا شويه
والستائر لو متعلقه لميها على فوق كده وممكن تغطيها بملايه قديمه كده عشان متتعفرش

وهنبدأ

بحجرة النوم

http://n4hr.org/up/uploads/n4hr_13491089491.jpeg

لان فيها شغل كتير
زى رص الدولاب
وطبعا احرصى انك تقسمى الدولاب بالعدل بينك وبين زوجك
يعنى هو ربع وانتى تلات ارباع هههههههههه
نظرا لان حاجتك كتيره عنه طبعا

وبفوطه نظيفه كده امسحى ارفف الدولاب

هاتى بقى رول المفاارش وقسميها على ارفف الدولاب وكرريها وقصيها مره واحده

يعنى تاخدى مقاس رف واحد وتحطى عالرول كزا مره لحد ما تقصى العدد المطلوب

وافرشيها بقى وابدأى ف الرص وانتى وزوقك فيه

ولية عودة معاكم فى رص الدولاب

وانا شخصيا افضل ان ملاياتك وكوفرتاتك تكون فوق

اما هدومك والفوط تكون قريبه لايدك اما البطاطين واللحاف والمفارش بتوعك حسب مساحه دولابك
لو اخدها خير وبركه ماخدش يبقى تحت السرير
او فى دولاب اوضه الاطفال لو جايباها
وكمان احرصى على تعدد الالون ف الرص يعنى خليه شكله مبهر لما جوزك يفتح الدولاب كده

اما بالنسبة للشوفنيرة

اللى بتيجى مع اوضة النوم

http://n4hr.org/up/uploads/n4hr_13491090141.jpeg

ممكن

نستخدمها لرص شويه حجات خفيفه

زى شرابات جوزك ممكن طرحك ومن تحت كمان ممكن تستغليهم ف التخزين

وممكن تحطى عليه من فوق تلفزيون صغير ويبقى زى مكتبه ف اوضه النوم

ندخل بقى

عالتسريحه

http://n4hr.org/up/uploads/n4hr_13491090661.jpeg

امسحيها وامسحى المرايا بملع اللى جبناه وافرشي مفارشك ورصى الميك اب وحاجتك فيها واحرصى على تنوع الحجات اللى بترصيها مش الكميه

يعنى لو جايبه علبتين ايشادو كبار مش لازم تحطى الاتنين كفايه واحده وكذلك لو جايبه اقلام تحديد او كحل مش لازم نرص كله

هو مش معرض ياعروستنا

واعرفى دايما ان الرقه مطلوبه

ادراج التسريحه كمان استغليها ف رص باقى الميك اب وادوات عنايتك الشخصيه واى متعلقات ليكى او له

وكمان عندك

الكوميدينو

http://n4hr.org/up/uploads/n4hr_13491091221.jpeg

ممكن نستغله ف تخزين اى حاجه

ومن فوق طبعا هنمسحه ونفرش المفارش

وعلى مزاجك تحطى اباجوره او متحطيش حسب ذوقك

http://n4hr.org/up/uploads/n4hr_13491091991.jpeg

وده منصحش انك تفرشيه قبلها بفتره

يعنى يتفرش قبلها بيوم او يومين بالكتير عشان المفرش مش يتبهدل

اوضة الاطفال

http://n4hr.org/up/uploads/n4hr_13491097161.jpeg
هنضفها كويس ونفرش الملايات والمفارش بتوعها لو جايبين ونفرش دولابها بمفارش وممكن نرص فيه اى حاجه زايده عن اوضه النوم بتاعتك
ونحط انتيكاتها
ونمسحها

ونفرش سجادها او مشاياتها ونكنسها بالمكنسه ونقفلها
ندخل على

اوضة السفرة

http://n4hr.org/up/uploads/n4hr_13491098181.jpeg
وطبعا دى بتاخد موال ف الرص
هنبدأ بالبوفية او الباار

http://n4hr.org/up/uploads/n4hr_13491098631.jpeg

برده هتفتحى البوفيه وتمسحيه بفوطه وتفرشي مفارشك البلاستيك وتحطيها ف الادراج وفى البوفية من تحت
وابدئى برص البوفيه
وابدئى بطقمك الصينى
لييييه؟
اولا عشان كرتونته كبيره وواخد مساحه ومعطل المرور
ثانيا عشان نستغل كرتونته اننا نجمع فيها باقى الكراتين الفاضيه اللى هنفتحها او اى ورق بيطلع
وهنرص معظم الصينى ف البوفيه
ونخلى حجات بسيطه للنيش على جنب يعنى طبقين من كل حجم وطقم الشاى والقهوه والسوسييره او سلطانيه الشوربه الكبيييييييره اللى بتتحط ف النص دى ههههه
والباقى ف البوفيه
وهنرص فيه اى اطقم مينفعش تترص ف النيش او زايده عن النيش وده حسب حاجتك
ادراج البوفيه رصى فيها اجزاء من شنطه المعالق لو ملهاش مكان
او رصى فيها اطقم معالق فردانيه قيمه كده مثلا
او ترصى اى حاجه تحبيها

ندخل على

النيش

http://n4hr.org/up/uploads/n4hr_13491099441.jpeg

هتمسحى ارففه بملمع الزجاج من بره ومن جوه وتمسحى الخشب بملمع الخشب
وتفرشي مفارش النيش
الشيك او ممكن لما تخلصى تحطى ورد مجفف ف الاركان وفى النص
وتبدئى ترصى كاساتك القيمه فقططط

http://n4hr.org/up/uploads/n4hr_13491099921.jpeg

مش كل كاساتك وكذلك طقم الشربات والخشاف والقهوه والشاى

http://n4hr.org/up/uploads/n4hr_13491100411.jpeg

http://n4hr.org/up/uploads/n4hr_13491100901.jpeg

وتكون كلها حاجات شيك وقيمه
وبلاش تكلكعى ف الرص النيش بالذات كل ما يفضى ينور كده ويبقى اجمل
وهنحط ف النص جزء الصينى اللى احنا سيبناه ع جنب
وزينيه بكريستالات وانتيكات صغننه كده
وبعد مانخلص نقفل النيش بالراحه
ندخل على
طرابيزه السفره نفسها

ننفض كراسيها كويس
ونلمع السفره ونفرش مفرشها
ونحط انتيكاتنا

http://n4hr.org/up/uploads/n4hr_13491101451.jpeg

عالبوفيه وعالسفره
اما سجاده السفرة
طبعا المفترض انها تتحط قبل السفره ولو مش حطينها
هنمسح
ونفرشها ونكنس بالمكنسه الكهربائيه
ونقفل الاوضه
ده لو كانت السفره ف اوضه
لو السفره مفتوحه ع ريسبشن يبقى نخلى المسح كله مع بعض

وكده خلصنا رص اكنسي الاوضه بقا

وكده خلصنا من اوضه النوم

وامسحيها

اما فرش مشايات النوم او السجاد كمان خليها قبلها بيوم او اتنين
ومش هيختلف كتير

وندخل ع الريسبشن او الانترية او الركنة
ع حسب شقتك

http://n4hr.org/up/uploads/n4hr_13491106071.jpeg

http://n4hr.org/up/uploads/n4hr_13491106581.jpeg

هتنضفى الكنب بالراحه كده وترصى
الخداديات وتمسحى الطرابيزه اللى ف النص وتفرشي مفرشها
وتمسحى مكتبه التليفزيون
وتمسحى التلفزيون وتفرشى مفارش فيها ورصى انتيكاتك فيها او كتب اى حطى الريسيفر او اى جهاز عندك
لو جايبه ال سى دى يبقى تمسحيه وبس كده
وهنمسح الاوضه

ونفرشها بالسجاد لو حابين ونكنسها بالمكنسة الكهربائية ونحط اخيرا الانتيكات على الترابيزه
وتذكرى دايما ان الرقه مطلوبه

ندخل

ع الصالون

هننفضه بالراحه ونمسح الجراندات اللى عالجنبين لو جايبه

او تمسحى الاباجورات لو جايبه وزى ما حفظتم

نمسحها

ونفرش السجاده ونكنس بالمكنسه

وف الاخر نمسح الترابيزه ونحط مفرش الصالون وانتيكاتك

http://n4hr.org/up/uploads/n4hr_13491107291.jpeg

ونقفل الصالون

فى هذه الاثناء هيكون المطبخ بيترص

http://vb.n4hr.com/images/statusicon/wol_error.gifهذه الصورة بحجم اخر انقر هنا لعرض الصورة بالشكل الصحيح ابعاد الصورة هي 760x505.http://n4hr.org/up/uploads/n4hr_13491108221.jpeg
واحرصى انك تكونى عارفه مكان كل معلقه فيه

وطبعا هنظف الارفف والادراج ونمسح الخشب او الالوميتال من بره

ونفرش مفارشنا ونبدأ نرص وعلى حسب حاجتك وكمياتها

والاجهزه اللى جايباها

وحجم مطبخك

كل ده انتى ادرى بيه

بس عامه حاولى متكركبيش فيه اوى لانك بتقضى فيه نص عمرك تقريبا

ولانه هيغنيكى عن بهدله الشقه لو حبيتى تاكلو فيه

وحاولى تبقى الحجات اللى هتستخدميها ع طول تبقى تحت ايدك وقريبه منك زى

الخلاط

طقم توزيع

طقم توابل

حامل مجات

http://n4hr.org/up/uploads/n4hr_13491108851.jpeg

الصوانى

ورصى بقى تلاجتك ورصى التوابل والخزين

واطقم الحلل والصوانى تبقى تحت ف التقفيله

المقشات والمساحه ف دولاب النظافه

بلاستيكاتك وزعيها حسب اهميتها ليكى

خلى باسكت الزباله جنب ايدك قدر الامكان

هتنظفى البوتاجاز وتمسحيه

وهتغسلى الحوض كويس وتنشفيه

وتمسحى الرخامه

وتمسحى المطبخ

وتفرشي مشايته

البلكونة

http://n4hr.org/up/uploads/n4hr_13491111961.jpeg

تركبى الاحبال وتحطى علبه المشابك ع جنب كده وفيهاالمشابك طبعا
ننفض الشيش طبعا كويس او ممكن نخليه مع تنفيض شيش وشبابيك الشقه كله
وبعدها نغسله بميه بس عشان ميجيرش
او ممكن تغسليه ع طول لو تحبى

وياسلام لو جايبه زرع هيديكى منظر كمان

وتمسحى البلكونه كويس وتقفليها

واخيرا ندخل
عالحمام

وهتبدئى بتنظيف البانيو و التواليت

ومسح السيراميك
وتلميع مرايه الحمام
وترصى الحجات على الاستاند بتاع الشامبوهات اللى ع جنب او المتعلق فوق

http://n4hr.org/up/uploads/n4hr_13491112401.jpeg

وطبعا هتكون ستاره الحمام والبانيو راكبه هتفرديهم كده

http://n4hr.org/up/uploads/n4hr_13491112891.jpeg

وهتبدئى تتشطفى انتى واللى معاكى عالسريع كده

وف الاخر اما تخلصوا تمسحوا الحمام بديتول

http://www.egyptladies.net/vb/imgcache/49949.imgcache

عشان التعقيم وتحطى ف التواليت ديتول واستنى اما الحمام ينشف شويه وافرشي طقم الحمام

http://n4hr.org/up/uploads/n4hr_13491113451.jpeg

http://n4hr.org/up/uploads/n4hr_13491114221.jpeg

واقفلى الحماااااااااام

وكده تقريبا خلصنا فرش الشقه وهتكون واقفه على فرش السرير والسجاد لوكنتى لسه مبقياه للاخر

واخيرااا

قبل ماتمشوا بقى لموا كل متعلقاتكم من اكل وادوات نظافه وورتبوا مكانكم

وبخروا الشقه وشغلى اذاعه القران الكريم

http://n4hr.org/up/uploads/n4hr_13491114931.jpeg

واقفلى شقتك ياعروسه

http://n4hr.org/up/uploads/n4hr_13491115741.jpeg