معركة المانيكير إخواني وأخواتي & أبناءي وبناتي أعضاء مُنتدانا الغالي أسعد الله مساءكم وكل أوقاتكم بالخير والسلام لاحظت في الفترة الأخيرة ترابط أخوي شديد بين فتيات المُنتدىَ خاضة في قسم صفحات مكشوفة وصداقتهم المتينة حتى أنهم جميعاً قاموا بعمل صفحة صراحة لتكون ترابط أخوي قوي ومتين بينهم وهذه صورة توضيحية للترابط الأخوي وسعادتهم ببعضهم البعض http://turtlegang.nyc/wp-content/upl...24428770_n.jpg أكيد بعد الصورة التوضيحية عرفتوا الفتيات هجوره بعجوره هابا هابا المجنونة خلود خوخه عازفة الكمان سهر اللي عمرها ما سهرت فجر الإسلام فجوره الطيوبه إيلانا بت ام اسماعين مروة صاحبة الخروف الشهير منة ريا إيمان سكينة لكن النهاردة لاحظت شيء غريب الظاهر حد دخل بينهم وحسدهم فوجئت لما دخلت المُنتدىَ بمعركة شرسة بينهم قلت يا ساتر يا ستار في ايه وايه حصل بينكم ردت هاجر وقالت سوري يا عمو خليك بعيد عشان مش تتعور وانا بضرب هابا هابا وفجورة والبت خوخه ام لسان طويل عشان سرقوا المانيكير بتاعي واعطوه للبت سهر ال ايه فرحها قرب وانا مالي يا عمو ياخدوا المانيكير بتاعي ليه ما خطيبها يشتريلها قلت ادخل واهدي النفوس بينهم عشان يرجعوا اصحاب تاني اللهم أجعلني ممن يهدون النفوس دائماً قلت لهاجر عندك حق يا حبيبة عمو على الاقل كان لازم هابا هابا تستأذنك الأول لكن مين اللي سرق المانيكير بتاعك يا هاجر قالت هبوشه وفجوره وام الخلول يؤيؤ قصدي خوخه اعمو قلت اروح لـ هبة وفجر وخلود عشان افهم منهم كان ردهم واحد بالظبط يا عمو البت هجوره بعجوره نصابه عشان زجاجة المانيكير كانت شبه فاضيه مفيهاش كميه تعمل ايد واحده واحنا خدنا زجاجة ايلانا عشان نكمل الايد التانية للعروسه سهر قلت اروح للبت إيلانا بت ام اسماعين عشان افهم منها قلت يا ايلانا ايه حكاية المانيكير دي قالت مانيكير ايه يا عمو المانيكير بتاعي في الشنطة قلتلها لاء مش في الشنطة عشان البنات اصحابك سرقوه منها عشان يزينوا ايد العروسه سهر وفوجئت بالبت إيلانا بتصوت وتنوح بالبلدي http://files.arabchurch.com/upload/i...3097953051.jpg اه يا مانيكيري يانا يا اللي ملحقتش افرح بيك يا حبيبي منكم لله يا حرامية وعاملين اصحابي وبتحبوني http://3ozzab.com/wp-content/uploads...66CUAACyZ-.jpg رديت وقولتلها ابئي خلي بالك من شنطتك يا بتي احسن يغفلوكي ويسرقوا منها المبرد ابو سوسته ولا المصيبة يسرقوا صباع الروج اللي جبتهولك هدية من خمس سنين فاكراه يا إيلانا المهم قلت اروح اشوف البت مروه وصاحبتها الانتيم ريا عشان يدخلوا يصلحوا بين البنات كم أنت طيب يا أبا عصام :a: رحت عند ريا وقالت من يوم ما اتسرق خروفي يا خويا اتصل على البت مروة واسمع صوت يقول مااااااااااااااااااااااااااااااااااااااااء نعرفش وسرقة المانيكير دي مكنتش موجودة زمان وانا إداريه منتخبه أكيد البت سكينة ورا السرقة دي ولما سألت سكينة ردت وقالت والله يا ابو عصام يا خويا انا مشغوله وملخومه في التصاميم وشغل الاكسسوار بئالي مدة وبريئة من اتهام اختي ريا اللي شكلها هي اللي مدبرة السرقة عشان كان نفسها في المانيكير الفوشيا بتاع بعجوره من زمان قلتلها بس اللي اتسرق المانيكير البينك يا سكينة مش الفوشيا قالت بهدوء عجيب البت فجوره بتحب البينك يا خويا يبئا هي اللي سرقته عشان كانت عينها عليه هي والبت خوخه وأسأل صاحبة ريا الانتيم مروة اللي سرقت خروف ريا واختفت رديت عليها وقولت يا سكينة مروة سرقت الخروف صح بس انا اخدته منها واديتها الليه عشان تعمل عليها ملوخية بعد ما خسرت صاحبتها يا عيني مخدتش غير الليه قلت لنفسي بئا لازم تتدخل يا أبو عصام عشان تصالح بينهم محدش هيصالحهم غيرك :272: أخدت الكاميرا بتاعتي وقلت اصور البنات وهم بيصالحوا بعض وقلت انزل الصور هنا عشان الاعضاء يشوفوهم وهما اصحاب زي ما كانوا قبل سرقة المانيكير لكن من غير قصد صورت المعركة بينهم http://cdn.akhbaar24.com/09f34f3b-5b...006a9c9299.jpg دي صوره هجوره وفجوره شايفين الرقه والحنيه بينهم http://s.alriyadh.com/2009/11/14/img/542362350005.jpg ودي صورة خوخة وهي ماسكه هبوشه بتحظرها من غضبها واضح حبها للكمانجة والبيانو في الصورة الحقيقة https://www.lbcgroup.tv/newsimages/N...9972982748.jpg ودي صورة ريا وسكينة وهما ماسكين في بعض ريا بتقول لسكينة بتفتري عليا وعلى صاحبتي الانتيم الحراميه ده انا هقطعك النهاردة والدور الدور موعوده يا اللي عليكي الدور شايفين البنات مبسوطين ازاي واضح حبهم لبعض وواضح انهم اكتر من الاخوات كمان https://encrypted-tbn0.gstatic.com/i...cFQ9nOcBgzhkEd ودي صورة العروسه سهر وهي بتضرب بعجوره وبتقولها قضحتيني وانا بئا هقطع شعرك ولسانك راحت البت إيلانا الطيوبه قالت لنفسها لازم تتدخل تصلح بينهم وكان ده جزائها المسكينة http://www.lmaghribiya.com/upload2/i...353652367n.jpg البت مروة المُفترية خطفتها وسفرتها موزمبيق تشتغل هناك معلش بئا يا إيلانا عشان مش تسمعي كلام قلبك الطيب تاني https://www.assawsana.com/portal/image/imgid150560.jpg ودي صورة هبوشه هابا هابا وهي ماسكه شعر اختها حبيبتها بعجوره يا نهار يانهار كل ده عشان زجاجة مانيكير طيب تعالوا المحل عندي وانا اهدي كل واحدة منكم زجاجة اخر ما زهئت منهم قلت ابلغ عنهم وادخلهم الجيش واخلص منهم http://img.dotmsr.com/uploads/uploads/large-246961.jpg ودي صورتهم بعد ما دخلوا الجيش الحمد لله كسبت فيهم ثواب عشان بئوا رجاله http://masry-now.com/images/stories/...an%20girls.jpg ودي صورتهم وهما بيزفوا العروسه سهر عقبال عندكم بئا ابناااااااااااااات وكفاية كده النهاردة عشان مرهق من الشغل أبو عصام |
😅😅😅😅😅😅😅😅 عسل والله أستاذنا الغالي أبو عصآم بس ايه الخيآل الوآسع ده كله ههههههههههههههه ربنآ يسعدك ويفرحك زي ما أسعدت القلب هنا محبتي 😊😊 |
ههههههههههه وربنا فصلت ضحك هههههههه جميييل اووي التوبيك ي عمو ابو عصام بجد مبهج ومضحك تسلم ايدك ❤❤ |
احلى حاجه الزفه دى اللى ف الاخر بقينا تبع داعش ههههه باشكالنا دى انا من مكانى هذا اعلن بكل هدوء انى ما اخدش حاجه هههه تسلم استاذى ربى يسعدك جميل الموضوع |
.. ههههههههههههههههههه متأكد انها قزازة مونكير مش اطنان ذهب؟ ههههههه والله ضحكتني اوي |
ههههههههه جميل الحوار تسلم |
انت دوما كدا اخى ابو عصام دايما مودينى بلاد حلوة ههههه سلمت استاذى ودامت خفة ظلك |
هههههههههه احيه ايه دا اسمي مكتوب واتهزقت ههههه كدا ياعمو |
😅😅😅😅😅😅😅😅 عسل والله أستاذنا الغالي أبو عصآم بس ايه الخيآل الوآسع ده كله ههههههههههههههه ربنآ يسعدك ويفرحك زي ما أسعدت القلب هنا محبتي 😊😊 طول عمري عثل يا بقايا عثل اسود ومهبب بعيد عنك الحمد لله أني كُنت سبب في إسعادك يا بتي واحد بيكتب أكيد بيكون خياله ليس له حدود دُمتِ بود وَحُب وَسَعادة أبو عصام |
ههههههههههه وربنا فصلت ضحك هههههههه جميييل اووي التوبيك ي عمو ابو عصام بجد مبهج ومضحك تسلم ايدك ❤❤ طبعا الصورة اللي انتي ماسكه فيها صاحبتك هابا هابا من ايديها وبتحذريها فيها جت على هواكي صح الأجمل وجودك فيه وردك عليه يا بتي ربي يسلمك من كل سوء وشر آمين دُمتِ بود وَحُب وَسَعادة أبو عصام |
الساعة الآن 07:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب