[مشتاقه للجنه]

اقرب طريق لقلب جوزك أو خطيبك




موضوع بيتكلم ازاى نختار اقرب الطرق وانجحها لقلب خطيبك أو جوازنا

وازاى تكسبى قلب الرجل وتنعمى معاة بالسعادة

فية واحدة جوزها الطريق لقلبة اكلة حلوة ولذيذة


وواحدة تانية قلب جوزها فى عقلة وبكدة تبقى لازم تكسب عقلة قبل قلبة

وبنوته تانية الطريق لقلب خطيبها الحنان والرومانسية

وواحدة الطريق لجوزها الاطراء والمدح فى شخصيتة وعقليتة وتصرفاتة

طول الوقت

وانواع كتير من الطرق

محتاجة ست عقلة وذكية عشان تقدر تعرف وتختار اقصر الطرق

وانجحها لقلب الرجل


لانى بعتبر نجاح اى بيت او سعادة اى جوازة اساسها ست وفشلها

بردة ست

انا عارفة انة فية بعض البنات حيخالفونى فى الراى دة

وحيقولوا لية لازم الست تكون الاساس ما زيى ما هى السبب ممكن يكون

الراجل بردة السبب

ايوة كلامكم صح لكن البداية لازم تكون من الست والمحافظة على

السعادة بردة لازم تكون من الست ولانى مقتنعة جدا بالمثل اللى بيقول

(وجوزك على ما تعودية)

انا شفت مسرحية زمان بطولة عبلة كامل بتتكلم عن بنت خطفها راجل وحبسها فى بيت

وقالها انة حيعملها احسن معاملة ومش حتخرج من البيت وتروح لاهلها الا بعد شهر

فضلت اول اسبوع تحاول باستماتة انها تهرب او تقنعة انة يفرج عنها

وفى الاسبوع اللى بعدة قل الاصرار شوية

وفى الاسبوع الثالث قل اكتر واكتر

وفى الاسبوع الرابع اتعودت على حياتها وحبتها

وفى اخر الشهر فتحلها باب البيت عشان تروح رفضت وقفلت الباب

انا عايزة اقول انك الوحيدة القادرة انك تعودى الرجل على انة يرتبط بالبيت وبحضنك وباولادة

او يطفش ويدور برة باللى يرتبط بية