محلاها العيشه ف السعوديه
وهجر الفول والطعميه
ويا محلا الجاليه المصريه
والشغل ف بلاد بره
محلاها عيشه الدولارات
ف قطر ولا ف الامارات
ويا محلا كتر الزيارات
لقرايبك والجار بالمره
فضيتوا مكاننا يا جماعه
ويا مر هجركوا لو ساعه
وسيبتوا الجنه هتبقي مجاعه
ويا مراحب بالعيشه المره
ليه انا ابني حاجات مش ليا
ويتكحموا ويمرمطوا فيا
ويا محلا العيش السعوديه
طول ما هي كانت الفيزه حره
انا عمري ما اسيب امي وابويا
ولا اجيب حتي فيزه لاخويا
انا اجيب البذره والميه
ونعمر ف الارض السمره