الورد أحلى ولا الفل؟

[حَرفُُ هجآءّ]

الورد أحلى ولا الفل؟

التمر حنا

الفل أحلى ولا الياسمين؟

التمر حنا


طبعا كلكوا هتقولوا هى اتجننت ولا ايه؟ دى جاية تهزر بقى

هقولكوا لاء أنا حبيت أكتب موضوع والجملتين دول بحبهم جداااااااا

وبيفكرونى بحد بجد بحبه أوى قلت أفتح كلامى بيهم

وبالمناسبة خلونا نتكلم عن الإختيار بين حاجتين بما إننا بنقول الورد أحلى ولا الفل؟

وحاجة صعبة أوى إنك تختار بين حاجتين إنت بتحبهم

وماينفعش تحتفظ بالإتنين أو كمان لازم ومجبر إنك تحتفظ بالحاجة اللى ممكن تستغنى عنها

وتسيب الحاجة اللى عايزها وماتقدرش تعيش من غيرها حاجة صعبة مش كده؟

بغض النظر عن الأمثلة لإن الأمثلة كتير ومختلفة فى مواضيع وحاجات كتير

خلى خيالكوا مفتوح لكل واحد وقع فى الموقف ده قبل كده

انا عن نفسى اتحطيت فى الإختيار الصعب ده

بس فى الآخر بتطلع ان التمر حنا هى الأحلى طول عمرها ومش هييجى زيها

حد فاهم حاجة؟

اقعدوا بالعافية

[big bốss]

وبعدين انا مفهمتش حاجه


على العموم الياسمين احلا من راى


وتسلمى يا تمر حنا ههههههههه


يا امى القمر على الباب افتح انديله ولا ارد الباب

[غريب010]

[/color][/size]والله منا فاهم حاجة
ولكن الورد جميل

[همس ايمان]

فعلا ضصعب تختار بين حاجتين انت بتحبهم بنفس الدرجة زى لما متعرفش تختار بين الورد والفل

مثلا صعب تختار بين الحب والصداقة او بين صديقتين انتى بتحبيهم وصعب تفضلى واحدة على التانية


انا كمان اتحطيت تقريبا فى نفس الموقف والاخر اخترت حاجة تانية خالص زى التمر حنة كدة


شكرا على الموضوع

[حياتي ذكريات]

ههههههههههههههه

انتي وضحيلي في الأول يعني ايه كلمة التمر حنا
بجد ما فهتمش يعني ايه معناها بس اللي فهمته منك
انه الإنسان بيبقى صعب عليه انه يختار بين حاجتين بيحبهم أووي
وده كلام بجد صح لأني اتحطيت في موقف زي ده وكنت مش عارفة
أختار ايه

[حَرفُُ هجآءّ]

اقتباس المشاركة الأصلية كتبت بواسطة همس ايمان فعلا ضصعب تختار بين حاجتين انت بتحبهم بنفس الدرجة زى لما متعرفش تختار بين الورد والفل مثلا صعب تختار بين الحب والصداقة او بين صديقتين انتى بتحبيهم وصعب تفضلى واحدة على التانية انا كمان اتحطيت تقريبا فى نفس الموقف والاخر اخترت حاجة تانية خالص زى التمر حنة كدة شكرا على الموضوع

اشكرك همس على مرورك الرائع وفهمك واستوعابك للموضوع

[اتيتو]

انا فهمتك فعلا اختيار صعب

تسلمي

[حَرفُُ هجآءّ]

صباح الخير عليكوا

انا زعلانه عشان مفهمتونيش

على العموم انا هوضح

عبدوا

غريب

حياتى ذكريات

فى بدايه الموضوع قلت جمله من فيلم لفايزه احمد ونعيمه الصغير ورشدى اباظه

كان رشدى اباظه فى الفيلم بيحب نعيمه الصغير

وكان اسمها تمر حنا

كانت ديما تخيره وتقوله


الورد أحلى ولا الفل؟

هو:التمر حنا

الفل أحلى ولا الياسمين؟

هو:التمر حنا


مع ان الفل والورد والياسمين فى منتهى الجمال بس كان بيختارها لانه بيحبها

وحاجه صعبه لما بنكون امام اختيارين والاتنين انت عايزهم ومتقدرش تعيش من غيرهم بس لازم تختار واحد بس

فاكيد كل واحد وقع فى موقف انه يختار بين حاجتين مهمين عنده

فهمتونى؟؟؟

[حَرفُُ هجآءّ]

اقتباس المشاركة الأصلية كتبت بواسطة اتيتو انا فهمتك فعلا اختيار صعب تسلمي

الحمد لله اهو اسر فاهم

ميرسى اوى اوى ليك

كان نفسى فكرتى توصل على طول

[sokara]

موضوع صعب لمسات لو كان الاختيار بين حاجتين بتحبيهم
والاصعب ان الانسان يختار حاجه تالته خااالص
تسلموووووو على الموضوع
وعلى فكرة كتير منا بيكون فى الوضع ده
وياريت يطلع فى الاخر تمر حنه
ههههههههه
تقبلى مرورى