معاكسة الشباب للبنات فى الحى الشعبى بس بس ..وفى الحى الراقى

[dr.nody]

بسم الله الرحمن الرحيم

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .


المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .


المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .

وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .


أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان

[gogo]

ميرسي ع الموضوع

[dr.nody]

ميرسي لمرورك جوجو

[scream]

بجد موضعك يجنن هو دة الى احنا الشباب بنعملة بس الحاجات دى كلهة اتعرفت دلوقتى ندور على حاجات جديدة وعلى فكرة فى حاجة اتنست فى معاكسة الاماكن الشعبية احلة واحدة فيكم الى لبسة طرحة وممكن ميكونش اى واحدة لبسة طارحة وفى الهاى ممكن يوقف ادقممها بلعربية ويفتح الباب علشان تركب وكدة يعنى دى حاجات كتير

[~ zahorah~]

والله معكي حق

انا من البنات اللي بعاني من الموضوع دا

وبجد الشاب لما بيعاكس يكون انسان سخيف جدا وقليل ادب وغير محترم

والولد اللي بيعاكس يستاهل الحرق

[سمسمة2008]

موضوع جميل صيغتيه بكلمات جميلة ومعبرة
اتكلمتى بلسان حال كل واحدة فينا
تسلمى تمنياتى ليكى بالابداع المستمر
تقبلى تحياتى

[lorraa]

عندك حق يا حبيبتى وتسلمى على الموضوع

[Little princess]

اقتباس بصراحة أحلى واحدة اللي لابسه جزمة حمرا

ههههههههههههههههههه
اتقالت كتييييييييييير
اسألينى انا ههههههههههه

مشكورة

[فرح***]

موضوع حلووووووو اووووي
ميرسي ليكي

[boussy]

ههههههههههههههه ميرسى اوى على الموضوع انا مره كنت ماشيه مع اتنين اصحابى وانا فى النص واحد قال وحده دكتوره ووحده محاميه واللى فى النص حراميه ههههههههههههههه