مين غيرك حبيبتى بقلم احمد صلاح محمود

[احمد صلاح محمود]

مين غيرك حبيبتى ؟

قالت اللى مالكة عقلك
تتهنى بيه
ويا بخت اللى شاغلة قلبك
وساكنة فيه
لازم تشيلك فى عينها
وقلبك تحافظ عليه
قولت لها
انتى اللى فى قلبى
وانتى اللى هنا ومفيش غيرك
قالت
كداب وكلام ع الفاضى
بقالى سنة بحايل فيك ما راضى
واقولك يا واد بحبك
عينيك ترد وتقول عادى
قلت لها خلاص
نروح انا وانتى للقاضى
قالت ومين يضمن لى برضه
جايز كلام وخلاص
من غير دفا ولا احساس
طيب لما انت كده عاشق
دايما ساكت ليه
وكل ما أقولك بحبك تسرح
وقلبى ما ترد عليه
قصدك يعنى ايه
ما تقول
بجد حالك حالة ومش معقول
قلت لها بس استنى شوية
الكلام اخد وعطى
وفى الغرام يبقى بهدواة وحنيه
ولو مش مصدقة
اسألى قلبى يقولك
مفيش غيرك فيه
وحدك اميرة ايامه
وملكة لياليه
وانتى كل احلامه وامانيه
ولاعمره حلم بغيرك
حتى تعالى اسمعيه
هتلاقيه بيقول بحبك
ونفسى افضل ف حضن عمرك
ابوح لك واقولك
على جرى قبل ما قابلك
اه لو تسمعى
كنتى عمرك ما زعلتى منى
كنتى قربتى قبل منى
منى عيني اقولك
فى كل لحظة بحبك
منى عينى اسكن ارضك
وعمرى ما اسافر
اه لو توافقى كنت اجيلك طاير

شعر / احمد صلاح محمود