ارفع راسك

[عصام العويضى]

ارفع راسك يبنى ارفع
انت ابن المصريين
وميهمكش ان لفو معاك شمال ويمين
ان سالوك بسين جاوب انتى بجيم
وميهمكش مهمن عملو
انت ابن المصريين
انت صاحب حكمه ونيل وشعب عددو بلمليين
ميهمكش ان قالو حكومتك مطهداك
كل شعوب العالم تعرف انت منين
انت المصرى
صاحب رايه وعلم وغايه
صاحب فكر صحيح ودرايه
صاحب تقوى وصاحب دين
ارفع راسك انت ابن المصريين
انت صاحب ملك وطين
بس خصاره علينا يناس اننا مطهدين
من حكومتنا
من ريسنا
من ابناء الطبقه العليا
مهما حصلك
شم تراب الارض الغليه
شم تراب مصر العليا
وارفع راسك
وكلم كل شعوب الارض من مناخيرك
كل شعوب العالم كانت تاكل من ورى خيرك
ارفع راسك انت المصرى
مهما قالو رغيف العيش مش لقينو
جاوب يبنى بعد نظيف هناكل فينو
جه نظفنه
وحط ايدو جوه جيبنا
حتى عرقنا خدو من ادنا
ومش لقينو
بس كمان هو معزور
بياخد امر من ريسنا
ويدى اومرو هو لغيرو
اما حكمنا كتر خيرو
واخد حقو اول بول
وفى سوسرى كتير ملينو
ارفع راسك انت المصرى رغم الفقر
رغم القهر انت المصرى
مقتول يبنى من جواك
مطحون يبنى لقمة عيشك طحناك
مظلوب يبنى وانتى فبلدك وقلبى معاك
لما اكون رئس لدوله بعد الحزب الحاكم
مش هنساك
وهحط ايدى فايدك يا غلبان واخلك تغنى
انت وكل الغلابه الى وراك
ارفع راسك انت ابن المصريين

[خالد ابو النجا]

الله مااجمل هذه الخاطره الجميله
ويسعدنى ان اكون اول من يرد
وفى انتظار جديدك
واهلا وسهلا بيك ياعزيزى
ودمت بخير

[sokara]

كلمات راائعه بسهوله الفاظها ومعانيها
تسلم الايادى على هذه الكلمات الرائعه
واهلا بك قلم واحساس ان شاء الله التميز
تقبل مرورى وتحياتى

[عصام العويضى]

اشكركم على تواجدكم
دمتم بخير