حلقات ( اجمد عضو ) مع ( morshooo )

[ღ Gի๐sτ ღ]

جميل اوى الاجابات من الاخ مسك الشهادة
حوار جميل جدا وانا استمتعت بيه من بدايته لنهايته واستفدت منه ايضا
و اتمنى لدكتور مرسى التوفيق ان شاء الله فى النهوض بينا و اعادة الاستقرار و استرجاع حق الشهداء ومع انى مدتلوش صوتى ومدتش لشفيق ايضا ولكن ان شاء الله يكون خير علينا وكلنا معاه و ربنا يقدم اللى فيه الخير إن شاء الله ..
شكرا ع الاستضافة يا احمد
منور يا خالد

[مِسكُ الشَهادة]

	المشاركة الأصلية كتبت بواسطة η Ő ō г

	حلقة مميزة مع شخصيه متميزة زي خالد ربنا يكرمه . اجابات جميلة جداااا.. تسلم.. مجهود مميز ي احمد منور .. تحياتي ليكووو

التميز والرقي في مرورك يا اختي ربنا يكرمك
شرفتينا والله
دوام التميز والرقي والخير

[مِسكُ الشَهادة]

	المشاركة الأصلية كتبت بواسطة ღ gի๐sτ ღ

	جميل اوى الاجابات من الاخ مسك الشهادة حوار جميل جدا وانا استمتعت بيه من بدايته لنهايته واستفدت منه ايضا و اتمنى لدكتور مرسى التوفيق ان شاء الله فى النهوض بينا و اعادة الاستقرار و استرجاع حق الشهداء ومع انى مدتلوش صوتى ومدتش لشفيق ايضا ولكن ان شاء الله يكون خير علينا وكلنا معاه و ربنا يقدم اللى فيه الخير إن شاء الله .. شكرا ع الاستضافة يا احمد منور يا خالد

ربنا يكرمك يا غالي لمرورك المشرف
الذي اسعدنا دوما
اشكرك لرقي حضورك

[Silver Flower]

الله عليك يا خالد
جبت المفيد
انا بدي علق على نقطه
ما بعرف ليه الناس بدها تخاف من حكم شرع ربنا ؟
اليس حكم شرع ربنا من كتاب الله ظ
ليه الخوف ؟

وبنسبه ل مرسي
احنا كتير انبسطنا فيه بغض النظر عن الي صار
الي بعرفه انه السياسه لعبه والشاطر بيعرف كيف بده يتعامل ويتصرف في الاجواء الي موجوده حوليه
وربنا خلق الدنيا في سته ايام
فما بالك في العبد الله
كل شي في وقته حلوا


شكرايا احمد للاستضافه القيمه

[مِسكُ الشَهادة]

	المشاركة الأصلية كتبت بواسطة silver flower

	الله عليك يا خالد جبت المفيد انا بدي علق على نقطه ما بعرف ليه الناس بدها تخاف من حكم شرع ربنا ؟ اليس حكم شرع ربنا من كتاب الله ظ ليه الخوف ؟ وبنسبه ل مرسي احنا كتير انبسطنا فيه بغض النظر عن الي صار الي بعرفه انه السياسه لعبه والشاطر بيعرف كيف بده يتعامل ويتصرف في الاجواء الي موجوده حوليه وربنا خلق الدنيا في سته ايام فما بالك في العبد الله كل شي في وقته حلوا شكرايا احمد للاستضافه القيمه

ربنا يحقق الخير لكل المسلمين يا رب
وان نهضت مصر فتنهض الامة
كلماتك غاية في الروعة يا اختي
مرورك شرف لنا نعتز به
دمت بالف الف خير

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

( اجمد عضو )



الاغلبية فى المنتدى الفترة الاخيرة شاف الــ حصل فى توبيك

( القسم المسيحى ) البعض كان موافق بعمل القسم والبعض الاخر

كان معارض وبشدة ولكن كل المعارضين كان ليهم وجهات نظر مختلفة

بعضها صحيح والبعض الاخر من وحى الخيال زى مثلا اقتناع البعض ان

فى حالة عمل القسم كدا احنا بنساعد على انتشار الدين المسيحى دا على اساس

ان مثلا احنا مهزوزين للدرجة دى فى ايمانا بالله والديانة الاسلامية .

كلنا نعلم ان ( الدين لله والوطن للجميع ) ولا يجب ان نعامل اصحاب الديانات الاخرى

على انهم أعداء لنا فى المجتمع والوطن .

بعد كل الاحداث الاخيرة وفى وسط ما حدث ظهر احد الاعضاء وهو ضيفى اليوم

واعلن انسحابة من المنتدى ولكن عاد مرة اخرى وهنعرف من خلال الحوار اية الــ حصل معاة



معايا ومعاكم النهاردة

كبرياء رجل
مشرف قسم اليوميات



اهلا بيك يا نجم :biggrin:

تعالو نشوف كالعادة

عناوين من الحوار



كبرياء رجل : بعد ما عملت المشاركة الاخيرة فى التوبيك سجلت خروج ولكن لقيت 9 تنبيهات منهم رسائل خاصة وزوار

اول لما التوبيك نزل حسيت احساس متناقض وحسيت ان ممكن القسم يجيب اعضاء كتير ولكن كنت مضايق لما عرفت ان الفكرة تم رفضها قبل كدا

كنت حاسس ان الموضوع هيوصل لكدا ولكن فى بداية التوبيك لو كان الجميع قرا التوبيك كويس كان كلة وافق

انا طلبت ان التوبيك يتقفل وكنت اتمنى كدا عشان كنت عارف ان المشكلة هتوصل لكدا لان طارق كان مصمم على عمل القسم

عمرى ما حسيت انى غريب فى المنتدى انا قريب من قلوب ناس كتير فى المنتدى وسعيد جدا بتواجدى معاكم

كان ممكن القلب الصامت يدخل يعارض بس بأسلوب غير كدا لانة صاحب المنتدى ويهمة مصلحتة

انا عايز اقولك ان حياتى كلها مع مسلمين رغم ان كان فى نظرات من ناس مسيحين بتشتمنى لانى مصاحبهم الموضوع محتاج وعى وانك تتقبل الدين الاخر

مش هطول عليكم

ودلوقتى تعالو نشوف الحوار الكامل :



س / اهلا بيك يا نجم فى اجمد عضو ؟

يا عم انتا نجم النجوم ولا هتسرقني اللقب منك :biggrin:

س / واخد انتا شهرة اية اوعى وشك اليومين الى فاتو :762:؟

اه طبعا هو انتا اي حد في المنتدى ده
بس بطل قر انتا وخليها ماشيه زي ما هي ماشيه

س / فى البداية حمدالله على السلامة مع انك مطولتش يعنى :biggrin: ؟

كنت عاوزني اطول ماشي يا مورشو
لا والله هقولك ليه
انا بعد ما عكلت تسجيل خروج وكتبت المشاركه اللي اكيد انتا شفتها
وشافها كل المتواجدين في المنتدى لان المتواجدين كلهم كانوا في الموضوع عملت تسجيل خروج
وكانت لحظات صعبه جدا اكيد كنت حزين بجد
قلت اعمل تسجيل الخروج من على الموبايل دخلت على الموبايل طبعا العضويه مفتوحه دائما لقيت 9 تنيهات زوار 5 وخاص 4
قريتهم على السريع وفي لحظه حنيت بقى بعد ما كنت مش طايق نفسي
بس بدئت افكر في قرار موضوع الانسحاب
تاني يوم لقيت الاخ طارق بعت ليا رساله ميل
واتكلمنا انا وهو كتير وقولت له خلاص راجع قال امتى قلت بكره ان شاء الله
قالي يعني هتعمل زي الست اللي زعلانه وهتاخد جنب وعاوز حد ييجي يصالحك طب يلا وهات هدمتينك معاك
ضجكت وقلت له خلاص والله مفيش حاجه وراجع
كفايه الزوار والخاص اللي خلاني كنت قربت ابكي من مشاعر الناس الجميله
وحسيت اني لو طولت زياده عن كده هبقى معنديش دم بصراحه
بعد ما شفت الزوار والخاص
صدقني حاسس اني نسيت كل حاجه واي رد ضايقني في الموضوع
بكلامهم وحسن ردودهم وحسيت فعلا قد ايه في ناس متفاهمين
اتعودت على الناس دي
وعلى الروح الجميله اللي موجوده هنا بجد عمري ما حسيت باي فرق في التعامل

س / مبروك ياعم الترقية :biggrin: ؟ شوفتها وانا بكتبلك الاسئلة ؟

الله يبارك فيك يا اخويا
عارف برغم اني فرحت بالترقيه
والحمد لله الواحد كان نشيط على قد ما يقدر
بس حسيت في اعضاء ممكن تفهمها انه اهو مشي ورجع عشان ميزعلش خد ترقيه
انا مش بقصد حد والله ابدا ولا اللي قال في الزوار لا والله كل الناس الللس جت على الزوار اعرفها ويعرفوا نشاطي وكانوا بيضحكوا
بس الناس اللي بعيده عني متعرفنيش انا مين من مثلا نشاطي الاشرافي من حيث متابعه القسم وشغل الارشيف واضافه مواضيع
ولو كان بيبقى عندنا وقت كنا بنرد بره القسم
عموما انا متشكر للجميع وبجد فرحت بكل الناس اللس راسلتني على الزوار او الخاص او الناس اللي كلمتها ميل كانت بجد حاجه تفرح



س / هندخل فى الموضوع على طول وعايز اعرف كان اية شعورك اول لما شوفت توبيك ( القسم المسيحى ) ؟

اول ما شوفت التوبيك كان في احساس متناقض
لاني كان مبلغني بيه كينج ليون اللي مسئلش بس حسابه معايا بعدين
حسيت ان فعلا ممكن يجلب اعضاء كتير
بس في نفس الوقت اضايقت جدا لاني كنت سامع ان الفكره اتعرضت قبل كده واترفضت وبعدين انتا بتتعامل مع عقول كتير مستحيل هتخلي الناس تمشي زي مانتا عاوز حتى لو حاولت وبالاقناع
وبالادله وبهدوء

س / مع دخول الاعضاء ووجود ردود ومعارضين للفكرة حسيت بئية وكنت حاسس ان الموضوع هيوصل لكدا ؟

هقولك على حاجه بصراحه اه كنت عارف بس هقولك حاجه تانيه
لو كل الاعضاء ركزت في بدايه الموضوع وقرت فعلا الاسلوب اللي كان كاتب بيه الاخ قلم الموضوع لو واحد بيقطع ارقاب
وكان قرأ الموضوع باقتناع كان دخل وقال اوك بدون اي اسباب للرفض

س / انتا صحيح طلبت ان التوبيك يتقفل ؟

انا رفضت انشاء القسم
ولما كلموني الاخ قلم والاخ محمد علاء على الخاص
في نفس اليوم طلبت منهم بالفعل التوبيك يتقفل
وكنت اتمنى كده كنت حاسس بجد ان المشاكل هتكمل
خاصه حسيت من ردود الاخ طارق انه مصمم على انشاء القسم
حتى لو الاستفتاء انتهى بلا وده كان هيعمل مشاكل

س / انتا حسيت قبل كدا انك بتتعامل كمسيحى من اعضاء المنتدى ؟

يعني ايه بتعامل كمسيحي
اه قصدك كغريب
لا عمري ما حسيت بكده بالعكس انا قريب من قلوب ناس كتير
وناس كتير بتتعامل معايا بحب لاني بحب الجميع وعمري ما بعرف اكره حد ممكن ييجي وقت عليا وازعل وحتى لو مش بروح واصالح
بس ربنا يعلم قد ايه بتعب من خصام اي حد
والحمد لله مفيش اي حد نختلف معاه في المنتدى رغم اللي حصل

س / لو كان اتعمل القسم المسيحى كان اية الفائدة من وجودة من وجهة نظرك ؟

طب انا هسألك سوال
مين تعرفه مسيحي في المنتدى غيري
ولو اي عضو في المنتدى يعرف حد مسيحي غيري يقول
ايه السر ممكن تلاقي عضو مسيحي يسجل في المنتدى ومنشفوش تاني
هل بيحس انه غريب ولا مش عارف يتأقلم مع الناس مش عارف
ولا عشان مش بيلاقي حد مسيحي فيخاف يبقى لوحخده مسيحي في المنتدى
هقولك القسم كان هيجيب اعضاء مسيحيين
طبعا انا بتكلم لو الكل كان متفاهم ومفيش اي مشكله خالص من انشاء القسم
الرساله اللي عاوزين يوصلوها الاخ طارق والاخ قلم هتوصل
وهو القضاء على العنصريه والتعامل مع الاخر بطباعه وليس حسب دينه الموضوع مش صغير
ولا مجرد انشاء قسم والسلام لا انتا بتوصل رساله من خلال دينك الاسلامي بتقولهم قد ايه انتا متسامح وقد ايه مفيش اي عنصريه ولا اي مشكله في التعامل مع الدين الاخر قدام الجميع
صدقني لو الموضوع كان كمل كنت هتلاقي كل واحد اتعلم يعلم غيره
وهبقى بدينك مختلف واحسن من ناس كتير



س / الناس كانت خايفة من عمل مناظرات بين الاديان يعنى انتا تنزل توبيك حد تانى ينزل رد وندخل فى حاجا احنا فى غنى عنها اية رائيك فى الكلام دا ؟

طب انا هقولك على حاجه
انتا ممكن تقبل موضوع الناظره غيرك يعتبره انك بتهاجم دينه او بتشكك في عقيدته او غيره حاجات كتير
يعني مثلا لما يبقى عندنا حريه في النقاش وقبول راي الطرف الاخر
والتفكير في كلامه ان كان محق او على خطأ
لكن الغريب عندنا ان كل واحد بيقتنع بوحهة نظره حتى لو غلط
ابقى ادخل واعمل مناظرات

س / حسيت ان اكتر رد ضايقك كان رد ( الحب الصامت ) ؟ لية اضايقت من ردة ؟

برغم انه رده اعتبره ان استفسار
وبرغم ام كان في ردود هجوميه اصعب من رده
بس يمكن قلتها للاخ طارق
ده راجل صاحب المنتدى يعني في الاول والاخير تهمه مصلحة المنتدى
طب ما ممكنت يدخل ويعارض الفكره بس باسلوب غير كده
مش ادخل اقول الصليب والثالوث والكلام اللي يولع الموضوع
احنا محتاجين حد يهدي الموضوع
وبجد لما تبقى حاجه زي كده من صاحب المنتدى كان شئ محزن بجد
حسيت انه بيقولنا المنتدى للمسلمين فقط او ملكمش مكان وسطينا
وهو اللي خلاني اكتب قرار الانسحاب
بس بجد بعد ما كلمني عليه امبارح الاخ طارق لاني معرفوش ولا اتعاملت معاه قلت له طب هات رقمه عشان اغلس عليه
وبجد يمكن غيرت انطباعي عنه بعد كلام مستر طارق

س / فى بعض الاعضاء مكنتش تعرف انك مسيحى وكانو بيكلمو على الاساس دا ؟ تحب تقولهم اية ؟

ههههههههههههه اقولهم ايه يعني
معلهش يا جماعه طلعت مسيحي :biggrin:
عارف يا مورشو انا حياتي كلها مع مسلمين
هتستغرب لو قلت لك كانت في نظرات من ناس نسيحيين بتشتمني على اني بصاحب مسلمين نفس الكلام كان عند اصحابي المسلمين
الموضوع محتاج وعي وانك تمشي على دينك صح وتتقبل الدين الاخر
وتتعامل مع شخص بيحرمك مش واحد بيختلف معاك في دينك يبقى لا متعاملش معاه لا طبعا الموضوع موجود عندنا في مصر فعلا صعب بين ناس كتير مسلمين او مسيحيين
واللي كان بيضايقني هنا في المنتدى اني مختلف في الدين وان في ناس متعرفش هو ان ممكن يتبعت ليا موضوع مثلا اسلامي ومردش
ببقى محرج جدا وبخاف العضو اللي ارسل الموضوع يزعل
وفي نفس الوقت لو بعتله سبب عدم دخولي هيدخل ويعزر وهو مغلطش عشان يعتزر الموضوع حاصل بدون قصد فانا كنت بضايق اني مش هدخل ارد على الموضوع وبخاف على زعل العضو برغم اني الفتره الاخيره كسول في الرد على اللينكات بس غصب عني بجد ضيق الوقت

س / انتا قررت انك تسيب المنتدى لية ؟

زي ما وضحت لك فوق
بعد رد الحب الصامت
حسيت انه بيقولي احنا مش عاوزين حد معانا
خاصه انه صاحب المنتدى
والمفروض انه يكون يدير الموضوع بطريقه ميخسرش حد من الجانبين ويعبر عن رايه من غير ما الموضوع يولع
بس بجد بعد ما هديت قلت خلاص واقتنعت بكلام الاخ طارق
وكفايه الناس كلها اللي دخلت واكنت متأثره باللي حصل
حسيت بجد ان الدنيا لسه بخير واني بجد اتعلقت بالمكان ده
وحبيت كل الاعضاء اللي فيه



س / فى حملة موجودة حاليا عن التعايش عن طريق ( قلم بلا حبر ) اية رائيك فى الحملة دى ؟

بيعجبني جدا تفكير الاخ قلم بلا حبر وقد ايه هو انسان حابب التغيير للافضل
وبجد بقلمه ممكن يقنع اي حد
الحمله رائعه اكيد وربنا يوفق الجميع ويهدب الامور
ونشوف كل الناس مشتركه في الحمله لان حاجه زي كده مينفهش حد يرفض انه يشارك فيها

س / تفتكر هتنجح والاعضاء هتفهم ان الدين دى حاجا بين العبد وربة ؟

بالاقناع وبالهدوء
والموضوع محتاج وقت وصبر وبجد نفسي ننفذ كده في كل مكان في مصر
في ناس بتقبل التغيير
شعبنا طيب حساس وده بان لما قلت اني ماشي
كل الاعضاء اللي كانت معصبه في الموضوع دخلت واتعذرات
وكان كلامهم حاجه تفرح دي الروح اللي اتعودت عليها هناد
والحب اللي حسيته من اول ما دخلت
ولا حسيت باي فرق والحمد لله ان موضوع القسم عدى على خير من غير اي خساير ولا حد يتوقف ولا عضو يزعل من التاني

س / لسة حاسس ان المسيحين بيتعاملو كا اقلية فى مصر ؟

هو انا قلت انهم بتعاملوا كاقليه قبل كده
انا قلت الاختلاف بين المسحيين والحكومه وليس المسيحيين والمسلمون
فقط لتحقيق بعض المطالب
اتمنى ان شاء الله انها تتحق
وعلى فكره انا واثق ان مصر هتتغير للاحسن مع الوقت ومتفائل برغم تشائم الكثير
ربنا يوفق الجميع وكلنا ابناء مصر عشنا على ارضها شعب واحد
كان المسيحي بيحمي المسلم في الثوره وهو بيصلي
زي ما المسلم برضو سند وضهر للمسيحي
مش كلام يا مورشو بجد
بس ده اللي بحسه وبعيشه

س / مين من اعضاء المنتدى حسيت ان كان همة رجوعك ؟

لا صدقني يا مورشو كتير قوي بجد
ودي الروح الجميله اللي اتعودت عليها هنا
اني محسش باي فرق اخاف اجيب اسم حد انسى حد
كنت فرحان بالجو ده وخلوني فعلا ولا كأن حصل حاجه الفتره الماضيه

س / بعض الاعضاء قالت ان المنتديات المسيحية مش بتهتم بعمل قسم اسلامى فلية احنا نهتم بعمل قسم مسيحى ؟

اوك بس احنا مش في منتدى اسلامي ولا ايه
يعني لو منتدى اسلامي وطرحت فيه فكره افتتاح قسم مسيحي
تفتكر هتلاقي اقبال لا طبعا اسم المنتدى اسلامي خاص بالاسلام
ونشاطه اكتر الى الدين
بي برضو هجبلك اقتباسات من منتدى مسيحي
وسجل فيه عضو مسلم ونشوف الترحيب من اخوانا المسلمين عليه
وعلى فكره بامانه كان اول موضوع فاتحه عن طريق الصدفه بامانه
شفت ردين عجبوني جدا في الموضوع الخاص بالترحيب بالعضو

اقتباس

انا حبيت اقول اني فعلا مبسوطة اوي للروح الجميلة في المنتدى ده واني كمسلمة مش حاسة ان في اي حد بيرفض وجودي هنا
بجد بتخلوني اتفائل ان مصر بخير

اقتباس

يا الف اهلا و سهلا
نورت بيتنا الجميل ده
يا رب تقضى معانا امتع و افيد الاوقات فى وسط احلى اسره و اجمل اخوات
انا اختك سالى ,,, مسلمه برضه بس احنا فى بيتنا ده مش بنقول مسلم و مسيحى ,,, احنا بنقول مصرى فى وسط اخواته

دي ردود يا جماعه والله لحسن حد يقول بكتب الكلام ده من عندي
الروح دي موجوده هنا وفعلا بعيشها انا مقلتش هنا لا مش حلوين
بس جايب الردود عشان اقولك بره ايه مش اكتر

س / البعض ايضا شايف ان كبرياء بيتعامل باحترام مع الجميع لانة المسيحى الوحيد تقريبا فى وسط مسلمين ؟

الحمد لله لاني بتعامل برضو باحترام زي ما اتعودت من اول ما دخلت
ممكن نلاقي في حاجات ممكن تضايق بس هقول بتبقى عدم وعي مش كره دي نقطه متأكد منها
واكيد سعيد جدا بتواجدي وسطكم وبجد مش متواجد في اي منتدى تاني
ولو حصل وسجلت ونشطت هناك مش هبقى حابب المكان زي هنا

س / اخيرا عايزك تقول كلمة لمنتدى بنات مصر ؟

مش حابب حد يكون زعلان مني
وربنا يعلم قد ايه اتأثرت الفتره اللي عدت لقرار اني كنت ماشي
ولما شفت الرسايل زوار وخاص صدقوني كنت هبكي
حسيت حب الناس بجد وانهم لو مشيت انا هتأثر اكتر من اي حد
بس بعدها رجعت عالطول مقدرتش استنى
عمري ما كرهت حد ولا بكره حد والحمد لله ان الجميع بتعامل معايا باحترام ربنا يديم بينا كل حب وود الاخوه والتعامل الطيب
وانا مقدرش استغنى عنكم اصلا



وبكدا تنتهى حلقتنا النهاردة


اتمنى ان تنال اعجابكم


انتظرونى وحلقة جديدة من


اجمد عضو



تحياتى


mors:003:hooo

[Silver Flower]

اولا بشكر احمد لموضوعه
ما بعرف ليه يعني شو يعني مسيحي ولا مسلم
على اساس انه اسلامنا متعصب وما اعطى لكل ديانه حقوقها سواء مسيحيه او حتى ال يهوديه في التعامل والتسامح والعيش في سلام مع بعض
وبعدين القسم يمكن يجذب اخوه اخرين من الديانه المسيحيه والمفهوم الغلط الي اخذه كل طرف عن الاخر يختفي
وانا برضوا بشكر اخوي طارق الانه بصراحه ماشالله عليه بجد متل ما بتقولوا جنتل في التعامل
والتصرف وعقله كبير الله يحميه
ومره تانيه بشكر احمد
وبقول ل سامي احنا اخوه هون
والانسان في اخلاقه وليس دينه
وحوار رائع اكيد

[مشتاقه للجنه]

حلقه جميله كما عودتنا يا مورشوو
مش بتفوت فرصه )

كبرياء حوارك جميل جداا وأنت من الشخصيات المحترمه

حمدالله على سلامتك وأكيد نحن هنا كلنا أخوا ..

	مين تعرفه مسيحي في المنتدى غيري ولو اي عضو في المنتدى يعرف حد مسيحي غيري يقول

كان هناك عضوه مسيحيه بس لم تعد تدخل ..

[نقاء القلب]

حلقه جميييله مع عضو مميز ^^

وانا مش دخلت الموضوع اساسا انا تابعت من بعيد لانى حسيت بروح ..

مش تليق بالشعب المصرى اللى عمره ماحد فرقه ,,

وع العموم الحمد لله ان الموضوع اتحل وكبرياء رجع لينا تانى ,,

،، وانا مش هقولك مش فيه فرق لانى عارفه انكـ متاكد انه مفيش ،،

وبجد شكرا لطارق لانه حل الموضوع ،، نورت من تانى ي كبرياء ،، مودتى

[нαиαи]

حلقه حلوه يسلمو مورشو .