حلقات ( اجمد عضو ) مع ( morshooo )

[morshooo]

اقتباسالمشاركة الأصلية كتبت بواسطة أنغـ قلم ــامهعلق بس على كام نقطة

ودهـ مش معناهـ اني مع أو ضد باقي الحوار




أتفق معاكـ ماعدا في المحاكمة

محاكمة الرئيس السابق مش تأديبية له

هي رسالة للي بعد كدهـ

انه هتغلط يبقى هتتحاسب مش أكبر من القانون

وانه القانون أكبر و أهم من العواطف الشخصية

انما بقى الغلط في مباركـ

فللأسف دهـ مش أخلاق خالص

ومباركـ مهما حصل هيظل في ذاكرة التاريخ

رجل شاركـ في تأسيس مصر قبل حكمه

و رجل سياسي حكم مصر ...





تمااااااااااااااااااااااااااااااام

وبدل ماكل شوية نعمل ثورة

و نقول ننزل الميدان

نغير أنفسنا الأول

الرئيس تنحى والحكومة تغيرت

و البلد بترجع ورا

قبل مانطالب الحكومة تتغير

لازم نطالب أنفسنا بالتغيير ..



وفي النهاية حوار حلو

بالتوفيق للجميع

دمتم بحفظ الرحمن .............

اولا اشكرك على التواجد الرائع

ويمكن انتى اول مرة اعتقد تدخلى توبيك اجمد عضو

وكويس انك متفقة معايا فى بعض الامور ويمكن انتى اكلمتى فى نقطتين

مهمين واكيد احنا لازم نغير من نفسنا الاول وبعد كدا نصلح من الى حولينا

عموما اشكرك على التواجد الرائع

[♥..pure]

دي تاني مرهـ اعتمد الرد وبفصل ::: مش عارفه مين اللي فقر بالظبط ,,
ما علينا .. المهم الله ينور يا رجاله >> عصرتوا الباشيمنديز مرشدي
دا انا كنت مفقوعه منه ايام الثورهـ دي وارجع واقول اهوهـ غلبان وبيتفرج على القناهـ الاولى
عندكـ حق والله تعمل كدا واكتر .. انا ماما كانت بتعيط وتقول دا راجل غلبان ^^
فككـ بقا من الحوارات دي ... بس بجد حلقه طويله جدا بس مشوقه
مفرقتوش ليه فشار في الاخر يا طارق ^_^
تسلم ايديكو يا رجاله ,, حلقه ممتعه من حلقات أجمد عضو
دوام التألق يا شباب .. تحياتي ,,

[Silver Flower]

انا الي تعليق
بس بدي قول كل واحد عنده رايه وشخصيته

وممكن نقول ارحموا عزيز قوم ذل

بس القصه بتختلف لما تشوف الانسان ده عمل افظع ما يمكن عمله في شعبه او غيرهم

وربنا قال برضوا العين بالعين والسن يالسن

حتقول عمل ل مصر وعمل

طب انا لما كنت ازور مصر

اقول حرام والله

ليه الشعب عايش هيك

الزعيم الي بيزل شعبه عشان اكل العيش

مش زعيم

واكيد شعب قادر على انه يتغلب على المحنه هادي

وزي ما بيقولوا لكل شي ضريبه

ودي ضريبه الثوره


اما بنسبه ل موضوعك ااجمد

انا بعتبره او بشبهه في الصحافه الصفراء بتاعت الفضايح

هي مش غلط طبعا

الانها بتجني الكتير من المشاهدين

الانا للاسف شعب بيحب التطفل على كل شي


بتمنا انه ما تزعل مني بس هادا هو رايي

[sεηυσяιтα ησOση]

هى حلقة اكثر من رائعة
بس رايي بخصوص السياسة مختلف شوى عن الاجابات
ومنووور الحلقة واكيييد شكرا الى نظموا الحلقة

[a m i r a]

بصراحه آلحلقه دي عايزه يومين علي ما نقراها كلها

مفروض كانت تبقي علي جزء اول وجزء تآني
بس يآلي بأه حلوه الاسئله آوي

عجبتني صرحتك يآ مورشو اووي

ليا تعليق علي اراءك السياسيه لما اكمل الحلقه

[عازف الاحساس]

اقتباس
المشاركة الأصلية كتبت بواسطة SiLver Spectra

حلقة جديدة من أجمد عضو
الإستضافة المرادي لصاحب برنامج أجمد عضو الي هو مشرف قسم اليوميات (مورشو)
الاستضافة مشتركة بيني و بين (خارج عن القانون)
حبينا نعمل فيه زي ما بيعمل فينا :biggrin:

هحاول اقدمه بنفس طريقة البرنامج
نبدأ بالعناوين

---

انا مقتنع تماما بأن مبارك رجل سياسى من الدرجة الاولى خارجيا ولكن داخليا للاسف كان صفر

كل المواضيع الى قولتها هتلاقى حاجا انا مكنتش منحاذ للنظام والا حاجا ولكن كنت بطالب باستمرار الرئيس لحد انتهاء فترتة

الى بيحصل دلوقتى مكنتش عايزة يحصل ومش بقول على انتشار البلطجة والا عشان الحالة الاقتصادية الى ماشاء الله بقت زفت

هو عشان كنت معارض ليك يبقى انا بتفرج على القناة الاولى

دلوقتى افتح اى قناة فضائية هتلاقى الضيوف ماشاء الله نازلين رغى وشتيمة وقلة أدب على الرئيس السابق وحكومتة طيب انتو كنتو فين من 7 شهور والا من 30 سنه

بالوضع الحالى اعتقد هيكون للاسوء لما نبقى قاعدين بقالنا 30 سنة مستحملين وفجأة عايزين البلد كلها تتغير فى 6 شهور يبقى رايحين لمكان غلط

البرنامج ناجح حتى لو كلمنى 100 عضو المهم انى مقتنع باسلوب البرنامج وطريقة طرحة

مفيش حد الاعضاء كلهم بيحبوة من اول مدير لمنتدى لحد اجدد عضو

---

نبدأ الحوار
(( معلش الحوار طويل شوية لكن ان شاء الله يكون ممتع ))
الأسئلة باللون البرتقالي = خارج عن القانون
اسئلة باللون الأحمر = سيلفر سبيكترا

الغالي مورشو
الغالي محمد عكاشه
الغالي طارق
جميل ما قدمته لنا
وبكل صدق حلقه متميزه جداا
لكن لدي بعض التعليقات
فارجو من الجميع قبولها

أولا : الثورة والسياسة

- لاحظ الجميع انك فى خلال ايام الثورة كنت منحاز للنظام السابق ... ايه السبب فى كده وايه اللى كان مخليك حابب النظام جامد كده؟؟؟

تمام بس لو تشوف كل المواضيع الى قولتها هتلاقى حاجا انا مكنتش منحاذ للنظام والا حاجا ولكن كنت بطالب باستمرار الرئيس لحد انتهاء فترتة ونقل السلطة بطريقة سلمية وكنت بقول انة مايرشحش نفسه مرة تانية والا هو والا ابنة والمواضيع موجودة وشوفها

يعني يا غالي معنى كده ان لو دا حصل مكناش كشفنا
المصايب الي عملها مبارك تاجر السلاح
والمصايب المشترك فيها في تصدير الغاز
تفتكر ان دا كان تفكير سليم ؟

طيب انت قولت فوق ان الرئيس داخليا صفر,, ليه بقا كنت مؤيد انه يستمر لاخر فترته؟؟؟

عشان الى بيحصل دلوقتى مكنتش عايزة يحصل ومش بقول على انتشار البلطجة والا عشان الحالة الاقتصادية الى ماشاء الله بقت زفت والا عشان السياحه الى خلاويص بقت بخ والا عشان الفتنه الطائفية الى كل يومين بنلاقى جديد فيها ويقولولك دى موأمرة من النظام السابق والا عشان كل يومين نلاقى فى مباراة كرة قدم اعتداءات وخناقات لالالا مش عشان كل دا انا كنت مع استمرار الرئيس حتى نهاية فترتة الرئاسية عشان مش كل يومين نلاقى مجموعه نازلة الميدان بتطالب بمطالب جديدة بالرغم من لو الناس الى بتنزل كل يومين دول قعدو مع بعض هتلاقيهم اصلا مختلفين فى مطالبهم

يا راجل بجد
افهم من كده انك كنت عوزنا نفضل وخدين على قفانا
ومعنى كلامك دا انك مش حابب الي بيحصل في التحرير دا
طيب عوز اسالك سؤال يا مورشو
قولي وجهة نظرك انت ناخد حقنا ازاي من الناس دي؟؟
ولى انت رايك اننا نسيبهم وعفى الله عما سلف
ولى عفى الله عما قتل ولى سرق ولى غدر
قولي يا مورشو
ناخد حقنا ازاي من الناس دي
يعني بالله عليك لو اخوك الي مات في التحرير
بالرصاص وعرفت ان الي قاتله خد برائه
كنت هتسيبه برضو
ولى عشان انت ايدك في الميه مش في النار!!!
مستني وجهة نظرك تقولنا ازاي ناخد حقنا ؟؟؟؟

- ايام الثورة كنت بتعمل مواضيع تخص الثورة كنت بتستمد وتستند بمعلوماتك وكلامك ع التلفزيون والا النزول للميدان والا اجتهادات شخصيه والا ايه بالظبط؟؟

مش انتا قولتلى انى بتفرج على التليفزيون المصرى ههههههههه مع ان والله عندنا دش وشوتايم كمان ^_^ هو عشان كنت معارض ليك يبقى انا بتفرج على القناة الاولى عموما انا دا رائيى وكنت مع استمرار مبارك حتى انتهاء فترة رئاستة

يعني لسه مصر يا مورشو على ان مبارك يستمر
وانه مينفعش يتحاكم ولى كانت الملفات الي اتفتحت دي
تتفتح ؟

- يعنى دلوقتى اتاكد ان الحزب الوطنى والحكومة والرئاسه كانو ضد البلد,, والا انت هتستنا لما يتحكم عليهم كمان؟؟

اكيد هستنى ومقدرش اقول لحد انتا متهم او حرامى الا لما يصدر علية حكم قضائى عشان اكيد القضاء المصرى لية احترامة وبعدين احنا لحد دلوقتى بنسمع وبنتفاجأ كل يومين حد بياخد برائة مش عارف هياخدو احكام امتى وخلى الشعب كدا عايش فى الوهم ومستنى اى حكم بس عايز اقول حاجا الناس دى مش هبلة عشان بالسهل كدا تثبت عليهم حاجا

يا راجل تصدق اننا ناس عايشين في وهم فعلا
عارف يا مورشو مهو الي مش عاجبك دا
والي بيحصل في التحرير دا والمظاهرات
الي مستفزاك قوي دي
هي الي هتخليك انت تعرف انك انت الي عايش في الوهم
يعني بعد الي بتسمعه دا والي بنشوفه والي بيحصل
وجاي تقول وهم ياراجل
شكلك فل يا موووورشو هههههه
والناس دي يابني كانت عارفه
ان الشعب جبان طول عمره وخلاص
الشعب الجبن الي فيه اتمحى عشان
كده كله بيظهر دلوقتي
والاثباتات كل يوم بتظهر
بس تفتكر ان الوهم الي الشعب وانا عايشين فيه دا
مش هيجيب نتيجه ولى انت ايه رايك ؟

- ايه كان رد فعلك وشعورك وتفكيرك لما سمعت بيان التنحى ؟؟

كنت متوقع التنحى بس زعلت لسبب وهو الفوضى الى كنت متوقع بحدوثها بس قولت الحمد لله انة تنحى ومحصلش زى الى بيحصل فى ليبيا واليمن حاليا

ياسبحان الله يعني انت زعلان من الفوضى
الي بتحصل ومش زعلان ان المصري ملوش كرامه وبياخد على قفاه ؟؟

- نزلت كام مره ميدان التحرير ايام الثورة؟؟ وهل نزلت الميدان فى اى اعتصام او جمعة بعد الثورة والا لا؟؟

بعد الثورة نزلت مرة واحدة ومش فاكر كانت جمعه اية بصراحة بس نزلت قعد نص ساعه ومشيت ايام الثورة نزلت بتاع 3 مرات او 4

طيب يا ترى كنت نازل عشان تتفسح ولى عشان تشارك المتظاهرين
وتعترض وتقول امشي يا مبارك ؟؟؟؟!!!

- ايه رايك فى المجلس العسكرى وطريقة اتخاذه للقرارات التى تخصنا نحن كمدنيين؟؟فى تفكيرك المجلس الاعلى مع الثورة والا ضدها وذلك لانه من النظام القديم؟؟

طيب مطلبتوش لية بترك المجلس العسكرى الحكم بما انة من النظام السابق عموما انا كنت شايف المجلس العسكرى كان ناقصة حاجا واحدة بس انة يرضع المعتصميين وينيمهم بس لان الاعتصامات مكنش ليها اى لزمة الا وقف حال البلد والمجلس العسكرى ماشاء الله كان مهاودهم لاخر مدا وكان بينفذ طلبتهم .

اهم بيطلبو بازلاته يا برنس
لما اكتشفو انه هيستهبل هو كمان
يا راجل يعني انت كنت عوز المجلس العسكري
ينيمنى ؟؟؟؟
اخص عليك اخص
مهو بياخد على دماغه دلوقتي !!!
لما فاكر ينيمنا
يا راجل هو كده المجلس العسكري نفذ طلبتنا
اخص عليك اخص يا مورشو
فين يا مورشو الطلبات الي اتنفذت دي ؟؟؟؟

- ايه رايك فى اعتصام 8 يوليو الموجوده الان؟؟ وايه رايك بما يطالبو به من مجلس رئاسى مدنى وعزل المشير؟؟؟

هما لسة فاكرين دلوقتى بعزل المشير وبعدين فى حاجا غريبا كل واحد من حزب يطلع يقول مطالب الى يقول احنا معتصمين عشان رموز الفساد تتحاكم وانتا بتقول عشان عزل المشير المهم ان محدش فاهم حاجا ولكن انا ضد الاعتصام فى الميدان وبعدين صحيح اصل كلهم خلصو امتحانات وبقو فاضيين فممكن يقعدو كدا لحد امتحانات الترم الاول من العام الدراسى الجديد يعنى لحد شهر يناير القادم بعد الاحتفال اكيد بمرور عام من الثورة

هههههههههههههههههههه
انت ضد الاعتصام يا مورشو
اهي دي انا شايفها عدم وطنيه مع احترامي للجميع !!!!
لان الاعتصام وعلو صوت تنفيذ الطلبات
هيخلي المجلس العسكري او الحكومه تنفذ مطلبنا
ولى انت موافق على برائة الظباط الي قاتلو الشباب الابرياء
سبحان الله ناس ضد الاعتصام ومش ضد برائة القتله
ولو ضد برائة القتله ليه مرحتش التحرير تطالب بدا!!!
ولى انت من جوه ضددها وخايف تروح تقول انك ضد دا
ومش خايف تقول انك ضد الاعتصام !!!
قول عرفني ايه رايك في الي بقوله ؟؟؟

- ايه تعليقك عن الصورة دي؟

صورة جميلة جدا ^_^

هقولك على حاجا المواضيع انا كنت بنزلها ايام الاحداث الى حصلت ويمكن لو فتحت المواضيع وشوفتها هتلاقينى كاتب وجهة نظرى ان الرئيس يستمر حتى يتم تسليم السلطه عشان مايحصلش الى بيحصل دلوقتى وعلى فكرة الايام الجاية هنشوف اكتر من كدا خاصه وان اهالى السويس بيهددو بانهم هيروحو على قناة السويس يوم الجمعه فربنا يستر

الذهاب لقناة السويس دا شيء عدم وطني
وضد الثوره وانا ضده تماما
لكن هل تفتكر ليه اهالي السويس بيقولو كده
ويعملو كده
عشان يخربو مصر
لالالالا طبعا
لكن دا وسيلة للظغط على المجلس العسكري
والحكومة بتنفيذ طلباتهم
ودا يرجع للمجلس العسكري والحكومه
في الاسرع في تنفيذ طلبات الشعب
مهو الشعب فضل ساكت والبلد رجعت كويسه فتره
بعد الثورة لكن ايه الي هيج الشعب تاني
تصرفات وقرارات واحكام البرائه الي صدرت
على القتله
هنا بقى من حقنا نتظاهر لكن مش من حقنا نخرب
وهنا المتظاهرين بيشوفو اي وسيلة لظغط على المجلس العسكري والحكومه عشان ميفتكرونش اننا هنام تاني او هنسكت تاني

ولو الرئيس استمر كانت هتكون هناك مصايب اكثر من كده
عارف ليه
اولا
مكناش عرفنا المصايب الي كانت بتحصل في البلد
والفلوس وحقوقنا المسلوبه
ثانيا
ان هو وولاده كانو هيخدو مصلحهم وهيفلسعو
والبلد تخرب تبوظ بقى مش هتفرق لانهم خلاص
سابو البلد وساعتها مش هتقدر تعمل معهم حاجه
لان مبارك هيكون ادم استقاله وتنحي وسلمها لحد تاني
يعني كل حاجه هتختفي ومش هيكون في فتح ملفات ولى مجلدات
لانه مش مطرود لا دا مستقيل

- أيام الثورة كنت بتناقش معاك كتير و بوضحلك اسباب الرغبة في تنحي مبارك و عدم استكماله للفترة المتبقية ,,مش هقولك عشان السرقة ,, أنا مش بحب أبالغ أو اقول تهم غير مثبته بشكل قاطع ,,لكن هقولك على الأقل عشان افساد الحياة السياسية ,,كان ردك مختلف تماما عن اجاباتك عن الأسئلة السابقة ,,انت مش شايف ان دا كان تقصير منك لعدم اطلاعك على الحقائق ,,أو ممكن نسميها ضعف رؤية سياسية ؟

انا فاكر النقاش الى كان بيحصل بينى وبينك فى التوبيكات وفاكر انى قولتلك انى مش سياسى وكل الى بقولة وبعرضة وجهة نظرى الشخصية لانى مش مقتنع باى حد عارف كام معلومة يبقى سياسى والا انا اقف فى صيدلية وشهرين والا حاجا هعرف اسامى الادوية ومكانها واقول انى بقيت دكتور المهم حكاية افساد الحياة السياسية دى كانت واضحة جدا ولكن انا عايز اعرف حاجا هو الغلط كان على الى ماسكين البلد والا كان الغلط فى سكوتنا كشعب مع اننا لما اكلمنا حصل تنحى للرئيس يبقى الغلط انا شايف كان فى سكوتنا احنا والغريب بقى دلوقتى افتح اى قناة فضائية هتلاقى الضيوف ماشاء الله نازلين رغى وشتيمة وقلة أدب على الرئيس السابق وحكومتة طيب انتو كنتو فين من 7 شهور والا من 30 سنه .
لا اله الا الله
موشو بتناقذ نفسك انت هنا
طيب لما احنا سكتنا 30 سنه وفوقنا دلوقتي وبنطالب بحقنا
معترض على الي بيحصل ليه
هو انت معترض ان الشعب كان ساكت وجبان
ودلوقتي معترض ان الشعب بيطلب وبيقول
ايه موقفك بالظبط فهمني لان بجد في تناقذ في كلامك
ولى ايه رايك يا مورشو
فوق بتقول انا ضد الاعتصام والتظاهر ودلوقتي هنا
بتقول ان كان في افساد سياسي وان الغلط مننا احنا ساكتيين
طيب ادينا اتكلمنا معترض علينا ليه بقى ؟؟؟؟
- طيب ما الشعب لما فاق و حب يوقف مسلسل السكوت ,, كنت انت ضده على الاقل بموضوعاتك؟


على فكرة انا قولت انا مكنتش ضد الثورة ولكن كنت ضد الى حصل لية ومازلت ضد اهانة مبارك حتى الان يعنى لما الاقى على اليوتيوب عملينة مسخرة ليهم وشاكال كرتونية وملبسينة ملابس غريبة اعتقد ان دا جهل مننا وانا لحد دلوقتى ضد محاكمتة واعتقد ان مفيهوش حيل للمحاكمة اصلا وكفاية الى هو فية
يا راجل
مش بقولك الي ايده في الميه مش زي الي ايده في النار
مهو انت لو نزلت التحرير ايام الثورة وشوفت الشباب الي
بتموت مكنتش قولت كده
لو اخوك هو الي مات مكنتش قولت كده
لو دخلت قسم وخدت على قفاك واتهنت وتلعن ابوك وامك
مكنتش قلت كده !!!
مهو الاهانات دي بسبب نفسه هي الي ظلمته
مهو دايما كان بيهين وبيظلم شعبه
اشمعنا لما جينا ناخد حقننا زعلان قوي
ولى هي الاهانه لينا احنا حلال وليه هو حرام
ولى احنا ولاد تيييييت حيوانات وهو بني ادم
يا مورشو شكلك فل وربنا ههههههههه
العين بالعين والسن بالسن والبادي اظلم
ولو هو مفيهوش حيل
مرحمش الناس الي عندها 80 سنه مرميه في الشوارع
مش لاقيه تاكل ولى تنام ليه واولادهم متسوليين
ومتقوليش هو ملوش ذنب في الاهانات دي وفي
جوع الناس وتسول الاطفال
دا حبيب العادي او الوزراء
هقولك مهو هو الكبير بتاعهم
زي ما انت بتغلط كده وتشتم حد
ابوك بيتخدك ياما يعقبك انت على خطائك
ياما يجاريك في غلطك ويبقى هو كمان مذنب
ولى الي انا بقوله دا غلط ؟؟؟

- في موضوعك الي كتبته بعد الخطاب التالت كان ليك موضوع تقريبا من غير مضمون في قسم الاقلام ,, كان واضح فيه انفعالك من الخطاب بقولك (اقسم بالله انك أعظم رئيس)
هل شايف ان موقفك و حكمك كان صح وقتها؟

انا نزلت التوبيك دا بعد ما اعلنت جميع القنوات الفضائية خبر تنحى الرئيس يومها وكنت مش حابب ان دا يحصل وقولتلك اسباب قناعتى باستمرار مبارك حتى انتهاء فترة رئاستة لما الخطاب اتقال يمكن استغربت فى البداية انة مسجل ويمكن فى وسط الخطاب كان واضح المونتاج ولكن كنت مبسوط انة لم يعلن تنحية فنزلت التوبيك الى بتقول علية وممكن فعلا كنت منفعل لان وقتها الناس كانت مصدقت تهاجم مبارك والى يقول علية حرامى والى يقول علية فرعون والى يقول علية متخلف ....الخ والجميع تناسى يومها انه مازال رئيس جمهورية مصر العربية

انت بتناقذ نفسك
ياخي فوق برضو بتقول ان في عصره
فساد سياسي وانه سياسته داخليا صفر
ازاي هنا بتقول انه اعظم رئيس
وايه بتحلف بالله كمان
بص انا هقولك اقعد مع نفسك
وقرر وشوف انت عوز ايه !!!!
وهل هو اعظم رئيس ولى فاسد سياسي
ولى سياسته الداخليه صفر

- لو كان الرئيس استمر في حكمه ,,تفتكر كان هيبقى في تغيير واضح زي تنحيه ,,من حيث الاقتصاد و تعديل القوانين و غيره ,,و كان ايه الي هيضمن دا اذا كان بقالنا 30 سنة ماكناش ضامنين حاجة وقتها ,,بمعنى ان الوضع لما يهدا كان هيعيد نفس سياساته ,,مش شايف انها كانت هتبقى نفس سياسة الاصلاح في سوريا ؟

اكيد كان هيبقى فى اصلاح وتعديل للدستور خلال فترتة المتبقية واعتقد كانت هتبقى الفترة دى فى وجودة افضل من الفترة الى احنا فيها دلوقتى بمعنى احنا دلوقتى محدش فاهم اى حاجا لا حد فاهم الناس عايزا اية والا فاهمين هما بيطلبو بى اية وانا اعتقد انة لو موجود الامور كانت هتبقى اهدء من دلوقتى وبعدين حكاية نضمن منين ومش نضمن منين اومال احنا عملنا الثورة ازاى يعنى انتا تفتكر ان الى حصل كان صدفه ومنقدرش نعمل ثورة تانى لو حصل فساد تانى بس الى متاكد منة انة اكيد كانت سياسته هتتغير وهو نفسه كان هيهتم بالاصلاح خلال الكام شهر الى كان هيفضل فيهم
ياراجل يعني واحد قاعد 30 سنه
هيهتم بكام شهر دول
وتفتكر انه هيقدريصلح الي خرب في 30 سنه
في كام شهر
ويجي حد تاني ياخد منه الكرسي ويغير النظاام تماما
يا مورشو
مهو في ايامه كانت كل حاجه بتعرض على التلفزيون
من عشوائيات وناس مش لاقيه ميه تشرب
هل هو مكنش بيشوف دا
وايه الي اتغير
ياعم مورشو دا كله كلام اونطه
ولو كان فضل كان هيبقى الحال كما هو عليه
وساعتها البلد هتخرب اكثر

- الفكرة ان لو النظام نفسه عمل اصلاح ,,عمر ماكان هيبقى في تغيير جذري ,,التغيير هيبقى شكلي فقط مع بعض التغييرات الضمنية ,, طيب تعليقا على جزئية ان مبارك لو كمل كان الوضع هيبقى افضل من كدا ,,انت ماحستش ان مبارك كان عايز يستمر بس الوضع ماكنش مستحملة ,,بمعنى تفتكر الناس كانت هتروح بيوتها لو فضل مكمل!!؟زي ما شوفت القذافي قاعد و بشار قاعد و صالح قاعد ,,هل وضع البلد افضل و لا لو كانوا تنحوا كان هيبقى افضل زي مبارك ؟ دي نقطة ,,ثم تفتكر مين السبب في تأزم الوضع مش النظام؟

وهو دلوقتى حصل تغيير جزرى المشكلة دلوقتى ان الناس مستعجلة وهو دا الى مخلينا مش فاهمين احنا عايزين اية
اكيد مبارك مكنش متخيل انة يسيب الحكم وكلنا عارفين انة كان بيجهز الحكم لجمال ولكن الى حصل حصل والثورة قامت والميدان موجود ومحدش كان هيمنع الثوار انهم ينزلو لو مكنش عمل اصلاح فى البلد والا عجبك الى بيحصل دلوقتى انا بحس ان الناس بقت تتلكك مش ملاحظ ان ميدان التحرير اصبح نكتة لينا اى واحد عايز يهزر مع حد يقولة الميدان عندك روح اعمل اعتصام واحد زعلان مع زوجتة تلاقى الى يقولة روح على الميدان اعمل اعتصام الموضوع انا شايف انة زاد جدا عن حدة
يا راجل يعني انا دلوقتي متخانق مع خطيبتي مثلا
هروح اعمل اعتصام مليش دعوه
يا مورشو
احنا ناس عاقلين
الي في التحرير والسويس واسكندريه
وكل محافظات مصر دلوقتي
عوزين طلبات واضحه وصريحه
محاكمة رؤوس الفساد السياسي في النظام السابق
وغيرها
لكن دا اهم طلب بالتحديد
لدرجة اننا لما نزلت التحرير اكثر الناس الي سمعتها
بتقول احنا مش عوزين فلوسنا اكثر محنا عوزين رقبيهم
حتى بقول لناس بشوف وجهة نظرهم
ان السعوديه تدفع ال 4 مليارجنيه
وتاخد مبارك وميتحكمش
الناس كانت هتتضربني
يا مورشو
احنا مش بننزل التحرير عشان نلعب
روح انت التحرير وانت تعرف ايه الي متفق عليه هناك
بس قبل ما تنزل التحرير شوف الاول انت جواك عوز ايه
هل انت شايف ان مبارك فاسد سياسي ولى مبارك اعظم رئيس

- حلو كلامك ,,يعني السبب هنا هو الشعب ,,ماعندوش وعي كاف أو معندوش الجرأة انه يتكلم و يعارض ,,أنا متفق معاك في الكلام دا ,,بس تفتكر يا احمد لو كلنا ايام الثورة ايدنا مبارك ,,كانت هتحصل ثورة اصلا ؟ ,,مش كنا هنبقى زي الدول التانية الي ماحصلش فيها ثورات برغم كم الفساد و غياب الحرية الي فيها ؟
انا مقولتش نأيد مبارك انا قولت نخلية يكمل فترتة الانتخابية واكيد مكنش حد يأيدة لفترة رئاسية جديدة ويمكن هو اعلن دا فى ثانى خطاب مع اننا كنا بنطالبة بكدا انة ما يرشحش نفسه مرة تانية ويبقى لية نائب رئيس ويسلم الحكم وكل دا اعلنة فى الخطاب ولكن الثوار كانت مطالبهم مش محددة وكانت كل مرة تظهر مطالب جديدة وانا بقولك انا نفسى دلوقتى جميع الاحزاب تقعد مع بعض والى بيقولو احنا ابطال الثورة كمان معاهم وتشوف هيحصل اية لو محصلش خلاف بينهم يبقى ليكم الحق
يا مورشو اي مكان في خلافات
لكن الاهم من دا والي وجهة نظري
حتى لو في خلافات هو المصلحه العامه للبلد
مصر ام الدنيا
يعني دلوقتي اكثر الي في التحرير متفقين على الاسرع
في محاكمة رؤوس الفساد في النظام السابق
يعني في حاجات بنتفق فيها واكيد لازم يبقى في اختلافات بن الناس
لان لو مفيش اختلاف يبقى كنا زمنا في الجنه
وربنا خلقنا مختلفين حتى التوام مختلفين
في بصمة الصوت وبصمة الصوابع
بالرغم من انهم توام
فالاختلاف وارد لكن الاهم هو وجود حلول لهذه الاختلافات
وان شاء الله
مصر في المستقبل هتكون افضل

- شايف مستقبل مصر أفضل و لا أسوء ؟

اتمنى يكون الافضل ولكن بالوضع الحالى اعتقد هيكون للاسوء لما نبقى قاعدين بقالنا 30 سنة مستحملين وفجأة عايزين البلد كلها تتغير فى 6 شهور يبقى رايحين لمكان غلط لما الناس تهدد بقفل قناة السويس يبقى رايحين لمكان غلط لما نقول هنعتصم لحد محاكمة الفاسدين يبقى رايحين لمكان غلط لما نطالب بتعيين شرف رئيس الحكومة عشان نزل الميدان ودلوقتى البعض يطال بأقالتة عشان منزلش الميدان الاسبوع الماضى يبقى رايحين لمكان غلط لما كل ما يحصل حاجا او مشكلة نقول اصل دول بلطجية متاجرين من رموز العهد السابق ومنعترفش ان هو دا حال البلد حاليا يبقى رايحين لمكان غلط .

يا مورشو عوز اعرف من وجهة نظرك
ايه الي هيج الناس كده تاني
مهي الدنيا كانت مشيت وبقت كويسه
رد عليا ؟؟؟

بجد حلقه ممتعه جداا يا مورشو
لكن بصراحه ومتزعلش انا علقت على ردودك
في جزء الثوره
ورايت شيء من التناقذ في نفسك
لكن ليا سؤال بجد
هل دي وجهة نظرك الشخصيه انت
ولى لوالدك ووالدتك تاثير في فيها؟؟؟
لكن بالنسبه للاجزاء الثانيه فايجاباتك كانت رائعه
وبجد الف تحيه مني لعكاشه وطارق على الحوار الرائع



تحياااااااااااااااااااااتي

هشـــــF@reSــــــام

[Lαzєzα]

انا مش هكلم على موقعه الجمل والى حصل فيها مع ان فى حاجا

الى فى الميدان كانو ملايين والى داخلين بالجمال لو قولنا 50 واحد وهما اقل من كدا بكتير

يعنى مستحيل هيقدرو يعملو حاجا للمعتصمين ولكن انا اكيد ضد الفكرة نفسها

وهى ان ناس تستاجر اشخاص بجمال عشان ينزلو على المتظاهرين وفى حاجا كمان مهمة

احنا كنا فى ثورة ومستحيل ما يبقاش فى شهداء بس الغريب بقى لو احنا بنعمل كل دا

عشان شهداء يناير الى فيهم كتير من وجهة نظرى مش شهداء والا حاجا يعنى لما بنت ترمى نفسها

من البلكونة تبقى شهيدا ازاى ولما واحد يبقى رايح يحرق قسم وهو اصلا رايح ونيتة شر يبقى

شهيد ازاى وبقول دى وجهة نظرى فى بعض الشهداء طيب هما فين شهداء 73 الى فعلا

اسمهم شهداء عملنالهم اية


مورشو ع ما اعتقد كده
مفيش حد من معارفك اتوفى ف الاحداث
موقعه الجمل معظم اللى اتوفى فيها كان بليل
برصاص حى
واحنا هنعمل ايه بقى معاهم ؟
اما الصبح كانت الاصابات كتيييير كده
بس قليل اللى اتوفى وبسبب ان الطوب ممكن يفتح راسه او كده
بس يومها بجد كان معظم الشباب متصابين
بس الاصابه اللى مش تموت
لان يومها مكنش مع الثوار اى سلاح يدافعوا بيه عن نفسهم
اما كلمه شهداء
فمش هتكلم فيها كتير
لانى مش ليا انى احكم ع حد هوشهيد ولا لأ
بس انت جبت امثال لناس معينه ودى قليله
بس ليه مش جبت امثال الناس اللى ماتت يوم الجمعه تحت العربيات
وده عدد كبير صدقنى
واللى ماتوا وهما ف بيوتهم ع السطوح او البلكونات
ف البيوت اللى جنب الاقسام
وما اكثرهم فعلا؟
والناس اللى فقدت عيونهم وانا عن نفسى ومعارفى قليله مش كتيره
اعرف يجى 6 اتوفوا ويجى 10 فقدوا عيونهم وبيعملوا عمليات بره
بخصوص الناس اللى راحت الاقسام
حط نفسك مكانهم بليز
لو اخوك اتوفى او حد تعرفه
اقل حاجه هتتعملها هتروح تخرب المكان اللى بيمثلك الداخليه اللى هما قتلوا اخوك
انا مش بقول كده صح
تؤتؤ
بس بجد دى اقل حاجه يعملوها




انتى بتقولى مفيش أمن فى البلد وهو مين الى عمل كدا الشرطة

مش كل لما ينزلو يحصل مشاكل معاهم من المواطنيين وكل لما قسم

يفتح الاهالى تجرى تحرقة ازاى عايزنهم ينزلو بسهولة كدا بعد كل

الى حصل معاهم مع انى ضدهم فى العهد السابق والى كانو بيعملوة

مكنش بيتعمل فى اى مكان فى العالم


اممممم
انت جبت الغلط ع الناس؟
مع انه رد طبيعى جدااااا ومتوقع
ناس مطحونه ومتبهدله منهم 30 سنه؟
ومتربى ان الشرطه بعبع وعفريت وبيعذب الناس
دلوقت عايزينا نغير رأينا فيهم ف 5 شهور ونقول دول ملايكه؟
بقول تانى برده مش بقول ان ده صح
بس بحب ابرر موقف الناس الاول
الامن ف الشارع منعدم
لسببين الناس والداخليه
الناس وفيه ناس بدأت تعدل موقفها عشان الوقت الحالى يمر
اما الضباط مش عايزيين ينزلوا الشارع خوفا من الناس
طب محضرتك عمال تبهدل ف الناس اد ايه ايام مبارك
استحمل بقى شويه ودى وظيفتك وواجبك
واحب اوضحلك مورشو
انا اعرف ضباط نزلوا وبيؤدوا وظيفتهم من غير مشاكل
وده لأنه مش كان بيعمل حاجه غلط ايام مبارك
واعرف منهم سابوا المحافظه اللى كانوا فيها خوفا من الناس
مش تقنعنى انه مش كان بيعمل حاجه غلط ايام مبارك
ولا ايه رأيك؟
ولما تكون ماشى ف الشارع بليل
مفيش رجال مرور؟
ده برده بسبب الناس مع ان الناس بيبقوا نفسهم ف رجال المرور عشان الزحمه دى


وسورى ع المداخله تانى:blushing:

[morshooo]

اقتباسالمشاركة الأصلية كتبت بواسطة برنسيسه Sحلقه جامده جدا

وعكاشه بجد انت محاور سياسي فاجئتني هاعمل معاك عقد لقسم السياحه ماشي بالمبلغ الي تحبه )

طبعا القعده الحواريه بجد قريتها سطر سطر واستمتعت مع بعض تحفظي لسؤال كدا بس موش هاعلق عليه كثير لني علقت بما فيه الكفايه في اجبات الثورات بقسم السياحه

عكاشه وطارق ومورشو ميغسي ليكم ع الحلقه النايس :cv10:

اليسا اهلا اهلا بالغالية

نورتى التوبيك

وسعيد بمشاركتك الجميلة

[morshooo]

اقتباسالمشاركة الأصلية كتبت بواسطة yasmine refatحلقه بجد مميزه جدا

والاسئله رائعه جدا

ومنور يامورشو باجوبتك المميزه

بالتوفيق للجميع

اهلا اهلا

نورتى يا استاذة yasmine

وسعيد جدا بوجودك المميز دائما

تحياتى

[ᗩ ᕼ ᗰ ᕮ ᗪ]

حلقة جميلة جداا

وبجد استمتعت بيها

محاورين متألقين

وضيف رااائع

بالتوفيق للجميع