كلامنا لسه ف أوله

[خالد ابو النجا]

السلام عليكم

إستنى بس ...
مش قادر اتكلم بجد
فيه حاجات
ماعرفشى إيه هى الحاجات
حايشة لسانى من الكلام
مش قادر انطق أى حرف
مش قادر اسمع أى حرف

إستنى بس ..
لما روحى
تلقط النفس اللى ضاع منها
وتايه من سنين
لما اشوف نفسى اللى غابت عنِّى فين .

إستنى بس ..
لما المشاعر تستريح م السفر
وتنشف العرق اللى غيَّر شكلها
خليها تلقى نفسها .
خليها تلبس توب جديد
م النهاردة هاينحسب للقلب عيد

إستنى بس ...
لما العيون تحفض جمالك
لساها بادئة تبتدى
تتهجى حرف السحر فيه ..
إستنى بس ..
لما قلبى يبطل الدق اللى فيه .

عدت ساعات
وعنيا قالت :
سبنى حبة
داللى عدى كان ثوانى
والصمت زاد
والكلام بقى بين عيونَّا
كل مَايخلص
يعيدوا الهمس تانى
والإيدين باصين لبعض وغيرانين
والدمع زاد بين الصوابع
والكفوف صوتها طلع .
متشوقين

سيبنا إيدينا لبعضهم
وعيونا حاضنة بعضهم
ماعرفش إحنا روحنا فين؟
ولا أصلاً روحنا إمتى ؟
ولا إمتى رجعنا تانى؟
ماعرفشى إيه كان المكان
الأماكن كلها كانت جميلة
والناس برغم الزحمة
شايفينها قليلة

عدت ساعات
بعد الساعات
والوقت فات
وكلامنا لسة ف أوله
سابت إيدينا بعضها
وعيونا فكت حضنها
وبتنتظر
فرصة تيجى لنا نكمله
بكرة أكيد هانكمله
دا كلامنا لسة ف أوله

كلامكوا لسه ف أوله
بكره أكيد هتكملوا
أصل الكلام لو يبتدى
يتمنى حرف يطوله

واللحظة لو داقت لقا
بتعيش كده متشوقة
للحظة تانية تتملى
بعيون بتحضن بعضها
وايدين بتحكى سرها
وقلوب بيطلع نبضها
موال محبة ف أوله
منقول
واتمنى ان ينال اعجابكم

[sokara]

دائما متميز فيما تكتب وفيما تختار
كلمات راائعه واحساس راقى
تسلم الايادى على الاختيار الراقى
الذى يدل على ذوقك الراقى
تقبل مرورى وتحياتى

[رووكه]

جريج
تسلم ايديك على ما نقلت ودائما متالق
ننتظر الجديد
تقبل مرورى روكه2

[(طائر الشرق)]

خالد

السلام عليكم

تحيه تقدير واعجاب

لزوقك واختيارك وان دل انما يدل

على مشاعر جميله واحساس اجمل

تقديرى واحترامى عصام

[خالد ابو النجا]

اقتباسالمشاركة الأصلية كتبت بواسطة sokaraدائما متميز فيما تكتب وفيما تختار
كلمات راائعه واحساس راقى
تسلم الايادى على الاختيار الراقى
الذى يدل على ذوقك الراقى
تقبل مرورى وتحياتى

الله يسلمك ياعزيزتى
بجد انتى فرحتينى بمرورك الرائع
وبكلماتك الحلوه وعذبه
ومنحرمشى من اطلالتك الحلوه
تحيتى لكى

[خالد ابو النجا]

اقتباسالمشاركة الأصلية كتبت بواسطة روكه2جريج
تسلم ايديك على ما نقلت ودائما متالق
ننتظر الجديد
تقبل مرورى روكه2

الله يسلمك ياقمر
وبتسعدينى بتواجدك الجميل
وبفرح جدا بردك الجميل
تحيتى لكى

[خالد ابو النجا]

اقتباسالمشاركة الأصلية كتبت بواسطة طائر الشرق

خالد

السلام عليكم

تحيه تقدير واعجاب

لزوقك واختيارك وان دل انما يدل

على مشاعر جميله واحساس اجمل

تقديرى واحترامى عصام

اهلا اهلا بغالى
شرفتنى بمرورك الرائع والجميل
واسعدنى بكلماتك الحلوه
ومنحرمشى من اطلالتك المميزه
تحيتى لك