كلام الناس // الناس قالت كده // يا لهوي الحق .... ادخل قولي رأيك معلش

[بنتوتة مصرية]

بصرااحه الالهام جالي دلواتي اني اكتب موضوع قرب يشلني ان مش كنت اتشليت صحيح

يوووووووووووووووووه نسيت أصبح / أمسي عليكوو واقول صباحو فل وورد وكل حلو انشالله ...

** ليه دايما الناس وكلامها مخوفنا وبنعملو حساب وهو ولا حاجه أساسا ..
المشكله انو ولا حاجه ولا ليه اي عازا ولا لزمة ، بنخاف من الناس وكلامها يمكن اكتر من خوفنا من ربنا ودي المشكله , لما نعمل اي حاجه غلط لا سمح الله نقول يا لهوي ده الناس والناس والناس وساعتها لا نفتكر ربنا ولا نقول ربنا ربنا ربنا غير بعد خراب ملطاا ..

المطلقة تقول ............ كلام الناس

العاطل يقول ............ كلام الناس

الفقير يقول ............. كلام الناس

ليه كل ده وليه نعمل حساب لناس ولا رأيها يفرق معانا

المكشله الكبيرة خصوصا للمطلقة أو الأرمله او الي مش عايزة تتجوز ..
طبعا يفهموها غلط ويقولو كلام يا ساتر يا رب الواحد يتكسف يقولو ...

والناس تتكلم على الناس بدون اي وجه حق ولا حد اداها مساحه ..

كل ده ليه ؟؟

أسبلكوو الرد

بس قبل ما اعمل حاجه احب اقول يمكن كل ده عشان المجتمعات المغلقة الي نسبة التخلف والجهل فيها زياده حبتين ..

انا قلت كده عشان انا بجد الناس وكلامها قرب يجبلي مرض من أمراض العصر ..
حد يقولي ليه كده ..

وليه بنعمل حساب للناس وهي ولا حاجه ولا حتى نعرفها عشان نطلب رأيها

ومعلش اني طولت عليكوو

[ماتركس]

السلام عليكم ياا حزب البناات
مووضووع انوو نقعد قصااد كلام النااس يبقي مش هنخلص يبقي مش هنشتغل يبقي مش هنتعلم يبقي مش هنليس يبقي مش هنعيش من اصلا
كلام النااس والا بيوودي والا بيجيب طووال عمره
لازم الوواحد اذاا كاان مش بيعمل حااجه غلط يبقي ميهمهووش حااجه وميعملش اصلا لحسااب حد طووال مااهووه صح
علشاان كلام النااس والا بيوودي والابيجيب
وتسلمي علي مووضووعك ياا بنتووته

[سارة المنتدى]

بصراحة انا رائى مثل رائى ماتركس مش زيادة ولا كلمة

[fankosha]

اولا اشكرك طرحك مميز
ثانياكلام الناس ده شىء دائم
لو بتعملى الصح بيتكلمو ولو غلط بيتكلمو برضوة
مبيسبوش حد فى حالة ابدا فالواحد المفروض
مياخدش بكلام الناس بدال ماشى فى طريق صح
لان كلام الناس بيجبنى لورا مش بنتقدم بيه
تقبلى مرورى

[~®§§][][ سيد دندنة ][][§§®~]

موضوع جميل بنوته

فعلا هو كلام الناس مش بيودى ولا بيجيب ده كلام بنقولوا هنا بس

سورى يا جماعه احنا بنقول الكلام ده هنا وبس

بس طعالوا فى الشارع كده هتلاقي كلام الناس فعلا بيقصير على الواحد

الناس بتعمل حساب للناس ومش بيعملوا حساب للى لله عز وجل

احنا طبعا عرفين كويس جداااااااا ان الناس بنتخاف من كلام الناس

تسلمى يا بنوته موضوع جميل جدااااااااا

[đΘόđΘό]

على راي جورج وسوف (كلام الناس لابيقدم ...... ولا يأخر ملامه وحيره مش اكتر)

دلوقتي مين الناس دول طيب ما احنا من الناس مفيش حد مبقاش عندو فضول انو يعرف كل حاجه عن الي حوليه ممكن بقصد وممكن لا

بس مهما قالو الناس مش مهم المهم تكوني متأكده انك صح ومش غلط

[~®§§][][ سيد دندنة ][][§§®~]

معاكى ان الواحد بيكون متاكد انووا صح او غلط

بس نيجى العيون الناس ونظرات الناس مش ديه الحقيقه ولا انا بقول كلام غلط

تعالى لو بنت مخطوبه وبعد اسبوع فشكيلت انتى اكيد طبعا عارفه انتى فشكلاتى ليه

بس وانتى ماشيه كده فى الشارع الناس بتبوص عليكى ازاى اصحابك نفسهم

مش بيقولك ياالهوى هو انتى يابنتى لحقتى الناس عندهم حب الاستطلاع على الاخر

شكرا

[đΘόđΘό]

طيب لو عن البنت المخطوبه واتفشكلت الجوازه هما الناس هايتكلمو هايتكلمو بس اكيد معرفوش السبب في فسخ الخطوبه يمكن الولد طلع مش كويس هيا اقتنعت انها لازم تسيبو لعيب هيا اكشفتو فيه

بس عشان كلام الناس هاتقول نصيبي كده وخلاص مع انها لسه ع البر


انا بشوف ان اغلبيه كلام الناس عن البنت اكتر من الولد

مش معنا كده ان انا مش بيهمني انا بسمع الناس ممكن تنتقدني في اييه او يقولو عليا اييه بس طول ما كلامهم في الهوا انا مش باهتم بيه بس بعرف هما بيقولو اييه


وبعد لو انا عملت حاجه انا مش مقتنعه بيها عشان كلامهم طيب ما احنا من الناس احترامي للجميع يعني مفيش حد من الاعضاء دول عندو فضول يعرف حكايه شخص معين او مره سئلت قلت هيا البنت دي لحد دلوقتي متجوزتش ليه طيب الواد ده ليه بيلبس كده وطريقه كلامو كد ليه

[روءةالعسولة]

السلام عليكم ورحمة الله وبركاته

بصوا يا جماعة كلام الناس ملهوش حل يقلل منه او يمنعه نهائى

بس لو احنا ماشيين فى حياتنا على منهج الشريعة الاسلامية وسنة نبينا محمد

صلى الله عليه وسلم وكمان الاصول اللى اتربينا عليها لو كانت لسه موجودة يعنى

يبقى مش هنعطى فرصة للناس تتكلم مثال بسيط لو اتنين بنات ماشيين فى الشارع

واحده لابسه جيبه قصيرة وبدى ضيق وبشعرها والتانية لابسه جيبة طويلة وشميز واسع

ومحجبة ياترى الناس هتتكلم على مين فيهم يبقى احيانا احنا اللى بنعطى فرصة للناس

انها تتكلم علينا


انا عارفة ان فى ناس هتقولى الناس فى كل الاحوال بتتكلم على بعض بس انا عارفة الكلام

ده ومش بقول ان كل تصرفاتنا بتخلى الناس تتكلم عنها لكن بقول ان بعض تصرفاتنا

السيئة هى اللى بتعطى فرصة للناس للكلام عننا


تقبلوا مرورى مع احترامى لكل ارائكم

[بنتوتة مصرية]

اقتباس المشاركة الأصلية كتبت بواسطة ماتركس السلام عليكم ياا حزب البناات مووضووع انوو نقعد قصااد كلام النااس يبقي مش هنخلص يبقي مش هنشتغل يبقي مش هنتعلم يبقي مش هنليس يبقي مش هنعيش من اصلا كلام النااس والا بيوودي والا بيجيب طووال عمره لازم الوواحد اذاا كاان مش بيعمل حااجه غلط يبقي ميهمهووش حااجه وميعملش اصلا لحسااب حد طووال مااهووه صح علشاان كلام النااس والا بيوودي والابيجيب وتسلمي علي مووضووعك ياا بنتووته

قوام بقينا حزب البنات طب وعليكم السلام والرحمة
كلام الناس في ناس للأسف ماشية وراه وحاجة اتعودنا عليها واحنا صغيرين ماينفعش ده علشان كلام فلان وعلان لما الواحد زهق ومن هنا بقول لاي حد بيتبع كلام الناس والله لتتعب وياريت يعجبهم حاجة استغفر الله
يسلموو يا ماتركس ع المرور الجميل ^^........لسه العالم بخير