نكديه ومطلعه عينيه ولما اموت تصوت عليا

[ARAGON]

بسم الله الرحمن الرحيم

أهلا بيكم يا جماعه منورين الموضوع

نكديه ومطلعه عينيه ولما اموت تصوت عليا

حديث بين اثنين بيحبوا بعض.. واحد مرح وبيحبها قوي .. والثانية كل يوم تيجي تغلت عليه على طول (زي ما تقولوا كده << غاوية نكد>> بس المشكلة ان الموضوع ممكن يتكلم عن كذا واحده )
لكن في النهاية ((تساؤل صريح للجميع)) هل كل النساء بتحب تبقى غاوية نكد..

بقول ليكم.

نكديه وعلى طول مطلعه عينه
من كتر بؤسه وشقاؤه خلعت عينه
كل اما يشوفوه الناس يقولوا الله يعينه
شوفوا ابن الناس بعد الجواز اتحاس وطلع عينه
هو ده كيد النسا تخلي الراجل تطلع عينه

طيب المشكلة مع الست النكديه
انها بعد اما جوزها يموت تلاقيها
بتقول انتي سبعي وجملي..
هل سبعها في ايه
سبعها لأنه صبر على سبع فيها
(الأولى)
خربت بيته على اما جهز حاله واتجوزها
(والثانية)
كل اما تيجي تعمل اكل تخبيه منه
شوفتوا الافترا
(والثالثة)
شربه المايه كانت تخليه يقوم يشربها بنفسه
لما مات من العطش
(والرابعة)
هدومه كان كل يوم يلبس جلابيه واحده
ولا كانت بتغسلها ولا كانت بتنشفها
(الخامسه)
فلوسه (اول اما القبض) ينزل تنفض ليه جيوبه
خليها تشبع بفلوسه
(والسادسه)
كانت كل يوم توفر عليه الغاز والبوتاجاز
وتولع في البيت كل يوم وتخليها حريقة
(والسابعة)
كانت عايزاه يغور علشان مش فايقه
انها تعمل حاجه من الستة اللي فاتم

وهو جملها (( أكيد عشان صبر على نكدها))

وخلو بالكم من النكديه
يا جماعه

اعتذاري للجميع من البنات خاصة
مش قاصد حد من الموضوع ده

:769::769::769:

[أنثـے مًنْ الّخٍـْيـِالْ→♀]

اقتباس (الأولى) خربت بيته على اما جهز حاله واتجوزها

على اساس انها مجهزتش نص البيت معاه

اقتباس (والثانية) كل اما تيجي تعمل اكل تخبيه منه شوفتوا الافترا

بتحصل فين ده

اقتباس (والثالثة) شربه المايه كانت تخليه يقوم يشربها بنفسه لما مات من العطش

عندها حق هو كان مشلول يعنى !!

اقتباس (والرابعة) هدومه كان كل يوم يلبس جلابيه واحده ولا كانت بتغسلها ولا كانت بتنشفها

بردو مش بتحصل دى

اقتباس (الخامسه) فلوسه (اول اما القبض) ينزل تنفض ليه جيوبه خليها تشبع بفلوسه

هههههههه
لا تعليق

اقتباس (والسادسه) كانت كل يوم توفر عليه الغاز والبوتاجاز وتولع في البيت كل يوم وتخليها حريقة

خير .. خير

اقتباس (والسابعة) كانت عايزاه يغور علشان مش فايقه انها تعمل حاجه من الستة اللي فاتم

موضوع خفيف و جميل و الله يا احمد

تسلم الايادى

بس توقع رد فعل زى العسل فى المواضيع الجاية

ههههههه

اوعى تخلى خطيبتك تشوف التوبيك ده

:netherlands-flag:

[SiLver Spectra]

ياعم دول بموتوا في النكد
ليه يا أحمد؟
اقولك أنا

البنت طبعا كلها مشاعر
يعني مره تلاقيها طايره من الفرحه من غير سبب
و مره تبقى حزينه و نكدية من غير سبب برضو و لو في سبب بيبقى سبب تافه
فبتحب دايما تأجج مشاعرها
و تزعل نفسها من أي حاجه بسيطه
و تقلبها نكد

عشان بعد كدا لما جوزها يصالحها تفرح و تحس بنفسها
(تأجيج مشاعر)

مشاعرها عامله زي الموجه
(الموجه بتاعت الفيزيا)
تطلع و تنزل
مد و جزر

عارف لو كسرت الموجه
تدمر الدنيا
لكن لو سيبت الموجه تطلع و تنزل هتعرف تتزلج عليها و تبقى هادية و حلوة
^_^

شكرا يا أحمد على الموضوع
عودة موفقة....

[♥..pure]

يا نهار ابيض كل دة حوا بتعمله فى ادم
والله حرام عليك نكديه ايه
يا سلا م
يا سلام
يا سلام
هى ممكن تكون نكديه اه
اومال تصوت عليك لما تموت
لا طبعا
وتبهدل الاحبال الصوتيه بتوعها عشانك بعد ما مت
يعنى هى عملتلك حاجة وانت عايش عشان تعملك وانت ميت
بعد الشر عليك طبعا من الموت
بس يعنى مقولتش ادم بيعمل ايه فى حوا
عاوزين الموضوع الجاى تقول انتم بتعملوا فينا ايه
دة احنا غلابه والله

[big bốss]

هههههههههههههههههه




نايس توبيك



اهلا يا احمد بيك فى الجمعيه نو ومن



بجد كلامك كله صح


النكد بيجرى جو الدم عندهم

[حنونة]

ازاي يعني من غير سبب يا سي طارق؟؟؟؟؟

هو يعني الراجل كان سهل

و لا انتو طيبين و احنا دايما اللي غاويين نكد

اقتباس





(الأولى)
خربت بيته على اما جهز حاله واتجوزها

حقها

اقتباس





(والثانية)
كل اما تيجي تعمل اكل تخبيه منه
شوفتوا الافترا

عمري مسمعت حاجة زي كده جبتها منين دي؟؟؟

اقتباس





(الخامسه)
فلوسه (اول اما القبض) ينزل تنفض ليه جيوبه
خليها تشبع بفلوسه

احسن ميروح يصرفها فمكان تاني هي اولى

شكرا يا احمد على الموضوع الخفيف

[Dr.nour]

يارااااااااااااااااااااااااااااااااااااااااااجل

بجد ؟؟؟؟؟

من امته ده بيحصل يابو حميد
هقولك حاجه

الست مش نكديه هى بس بتستخدم مشاعرها بطريقه غلط وسلبيه فى الحته دى

يعنى هى عندها ايموشن زياده ومش عارفه تطلعه على مين

هههههههههههه قالت هطلعه على مين غير جوزى

ودى كلمه طالعه من دكتور والله فى الكليه يعنى راجل زيكم

وكان بيتكلم بلسانكم

عارف قال ايه ؟؟؟؟

قال احنا الرجاله جزء الايموشن ده معدوم عندنا اومال احنا رجاله ازاى يعنى

لما يبقى الراجل متجرد من المشاعر هيحس بيها ازاى

دا الورده يابو حميد على الرغم انها شى شبيه بالجماد بس اما تيجى تقطعها بتحس بيها وبتحس بيك

انما الستات مش زى ما انت قولت كده خالص

وموضوع حلو يا عم مش هقولك وحش ولا حاجه

بالتوفيق يابو حميد........

اختك

[sasow]

هههههههههههههه
هنستعبط طب احنا نكدين تقدورا تستغنوا عننا
على راي(الفتاة الحائرة )
هنطلعه على مين

[countess]

نوووووووووووو


احتج ثم احتج ثم احتج لا طبعا



المراءه ارق بكثيرررررررررر من كلامكم عنها


المراءه ملااااااااااااااااااك من كثر ماهي هاديه ماتشوفها

[اسمهان محمد]

هاي ياجماعة اكيد مفيش حد من البنات زعل يعني احنا اخوات..بس بردوا تؤتؤتؤ المرأة نصف المجتمع يعني كل رجل عظيم اكيد وراه امرأة وبعدين الراجل ممكن يكون نكدي والعكس صحيح بص يااحمد ممكن يكون في ستات كدة بس مش كلوا زي مافي رجالة كدة بس مش كلهم على العموم لالالا للعنصرية شكرا على مواضيعك المميزة والمولعة نار
سلام ياشباب