فاشل يا فاشل .. هل معنى إني فشلت مرة أيأس من حياتي؟؟

[حياتي ذكريات]

السلام عليكم ورحمة الله وبركاته


جئنا لكم اليوم بفكرة جديدة لسلسة كلنا في حاجة لها




فاشل يا فاشل !!!
كتييييير أوي نسمع الكلمة دي إنتى فاشلة .. أنت فاشل ؟

سقطت السنة دي .. ما انت فاشل
حرقتى الأكل .. طول عمرك فاشلة
هي دي درجة تجيبيها في إمتحان تافه زي ده ؟؟
فااشلة ..

مش عارف احفظ .. كل ما احفظ أنسي .. .. بس مفيش فايدة .. أنا يأست !!


دخلت امتحان قيادة سيارة وسقونى .. على فكرة ده ظلم !! .. انا فشلت خلاص بجد يئست !!!


تلاقي الواحد بعد التجارب الفاشلة في حياته او بمعنى ادق غير الناجحة او غير الموفقة


تلاقيه خلاص حاسس ان الدنيا انتهت في اللحظة دي .. خلاص انتهى الأمر


لو مشكلته ان اصحابه ضايقوه او ندلوا معاه (كما يقول المصريين)


يقول خلاص انا مش عايز اعرف حد تانى .. علاقتي بالناس كلهم هتكون بحدود



لو سقط في امتحان .. لا انا خلاص فشلت .. مش هذاكر تانى ..لأن انا لما بذاكر مفيش نتيجة .. يبقى اتعب نفسي على ايه ؟؟



والكثيييير والكثيييير


معظمنا كدة !! وللأسف



طيب تفتكر إيه الحل ؟
هل الكلمة دي ممكن تأثر عليا ((فاشل يا فاشل))؟
وهل معنى إني فشلت مرة في حياتي إني أسأس ؟؟



إنتظرونااااا في الحلقة القادمة ...

[خالد ابو النجا]

بصى ياعزيزتى الكلمه دى
تخلى الواحد من جواه يائس
وبعدين الكلمه تحطم وتهدم الى قدمنا
وتكسره وتخليه مهما يعمل انه مش هيلاقى غير الفشل
مع ان فى ناس كتير دايم كانو يفشو
بسمع القوه والاراده اصبحو ناجحين
وفشل مفتاح النجاح عشان يتذوقو طعمه
وتسلمى على الحلقه الحلوه
وفى انتظار باقى الحلقات
تحيتى لكى

[حياتي ذكريات]

اقتباس المشاركة الأصلية كتبت بواسطة جريح الزكريات بصى ياعزيزتى الكلمه دى تخلى الواحد من جواه يائس وبعدين الكلمه تحطم وتهدم الى قدمنا وتكسره وتخليه مهما يعمل انه مش هيلاقى غير الفشل مع ان فى ناس كتير دايم كانو يفشو بسمع القوه والاراده اصبحو ناجحين وفشل مفتاح النجاح عشان يتذوقو طعمه وتسلمى على الحلقه الحلوه وفى انتظار باقى الحلقات تحيتى لكى

عندك حق والله كلمة الفشل دي من أسوأ
الكلمات اللي بتتقال للإنسان وخصوصا لو
كان لسه في بداية طريقة بس احنا مش لازم
نستسلم لازم نعيد مرة واتنين عشان نحقق
النجاح المطلوب .. ان شاء الله هكمل الحلقة دولوقتي
وشكراً ليك على مرورك العطر

[حياتي ذكريات]

الحلقة الأولى ..


بدأ حياته زي أى شخص عادي
دخل الجامعة .. حاجة جديدة عليه ذاكر شوية .. بس قصر شويتين
جاء وقت الامتحان .. امتحن .. النتيجة ظهرت
راااسب !!!


الأم: تولول أصل انت فاشل ..
الاب :ياريتني ما صرفت عليك .. حرام عليك اللى بتعملوا فينا ده؟!
الشاب : قمة الخنقة .. خرج وترك والديه .. يسهر مع اصدقاءه للتغلب على الحزن القاتل جواه
ارتسمت في ذاكرته كلمة (( فاشل )) وسيطرت عليه تماماً



ثم ماذا ؟؟
السنة اللى بعدها .. ناجح بالعافية اللى هي اعادة سنة أولى
السنة اللي بعدها دبلر (عادها تانى)
مبيحضرش محاضرات !
مذاكرة خلاص .. بح


والديه .. لم يضعون أملاً ولو واحد في ال100 انه يتفوق مرة تانية
بعد ما دخل كلية الهندسة او الطب بمجموع كبير !!


وبعدين ؟؟
إنت فرحان بنفسك كدة ؟
مرتاح في حياتك كدة ؟؟
دي نهاية الدنيا بالنسبة لك ؟؟


تعالوا نفكر بالعقل ..
مش ممكن يكون التقصير من عندك انت ؟؟
طب لو انا شايف انى ذاكرت ودخلت الامتحان ونسيت ..
نقف هنا ؟!!!
هو ده مش بتدبير من ربنا ؟؟
فكرت قبل كدة ان في حكمة من رسوبك او من انك تجيب مجموع قليل ؟



للأسف كلنا بنحسب انها النهاية ....
ولكنها البداية
...
نعم والله انها البداية
بداية إيه ؟؟ .. بداية طريق الفشل ؟؟
لااااا
دي بداية التفوق والتميز
هي ايه انى افشل في الأول ؟
هقولك مش عيب الفشل خصوصا اول مرة ..
بس الفشل الحقيقي هو الإستسلام ..



ركزوا معايا ..
حساباتنا بتختلف تماما عن حسابات ربنا جل وعلا لينا
إنت شايف انك لما حصل لك كذا وكذا .. ده شئ مفزع وشر كبيير ليك
والله لعله خير ..



اذكر لكم تجربتي في الثانوية العامة ..

في المرحلة الأولى .. كان مجموعى في الثمانينات بالنسبة لهدفي وطموحى .. ولا حاجة ؟!!!
لم استسلم .. فكرت انه تدبير من ربنا .. فكرت ان اكيد ده الخير ليا .. فكرت وقلت ربنا مستحييييل يضيعني
اجتهدت وزي ما بيقولوا عملت اللى عليا
بفضل الله جبت حوالى 95%
كان أمامي أن أدخل كلية كويسة جدا علمية لكن فضلت ان ابقى هنا حتى لا اسافر دون محرم
فكرت كثيرا وقلت أنا تعبت وعاوزة أوصل .. هسافر .. ولكن توقفني نفسي .. لاااا ..ربنا مش هيوفقك

والحمد لله (( وعسى أن تكرهوا شيئاً وهو خير لكم ))
ربنا وفقنى في الكلية و ليا ترتيب على قسمي ..



نتعلم من اللى فات 3 حاجات أساسية .. واللى اتعلم حاجة تانى من اللى سبق يشاركنا
1/ الفشل بداية طريق النجاح اذا حاولت بعده الإصلاح الجاد
2/ الفشل الحقيقى انك تستسلم لعدم نجاحك في التجربة الأولى
3/ خلى عندك يقين كبيييير في الله أنه لن يضيعك واسعى واجتهد




ألقاكم في الحلقة القادمة ..

[خالد ابو النجا]

احيكى على هذه الحلقه المميزه
بجد حلوه اوى
ويدفع الواحد
ويعزم ويسرعلى النجاح
وتسلمى على الطرح القيم
وفى انتظار الحلقه القادمه
تحيتى لكى

[صافي]

يسلمووووا

اختك

[sฝeet αηgeℓ]

انا بكره الكلمة دي ماشي حتى لو الانسان فاشل

المفروض انها تتقال بشكل الطف

لانها بجد بتخلي الناس تيأس

ويمكن هيا سبب الفشل اصلا

مش اي حد يقلك انت فاشل خلاص تياس لا

المفروص توضح للقلك كده انك مش فاشل وعمرك ما تياس حتى لو فشلت ..

مرسي على طرحك للموضوع المميز ده