.. ليه يا دنيا ؟؟! ..(( بقينا وحشين ))

[Ќonto]

في مرة .. كنت بتكلم مع والدي .. قلي .. الشباب اليومين دول عمره ما هيتجوز البنت الي يمشي معاها .. هيتجوز وحده امه هتختارها .. ومش بس هو الي قلي كده .. سمعت اكتر من شخص بيقول الكلام ده .. يبقى ليه تمشي معاها ؟؟ لو هي بتحبك بجد .. واعتبرتك اغلى انسان ليها .. وشافت فيك كل الي تحلم بيه واتمنتك زوج ليها .. تبيعها كده ليه ؟؟ هتقولي البت هي الي بتعمل بنفسها كده .. هقولك .. مليون بالمية كلامك مزبوط .. بس لو عندك النخوة .. وبتخاف على عرضك وخواتك يبقى ليه تعمل كده .. بتحب واحده .. حافظ عليها .. صونها زي ما بتصون عرضك .. لان هي عرضك بجد ( لو بتحبها عن حق وحقيق ) البنات بيغلطوا .. بيركضوا ورا مشاعرهم واحاسيسهم .. بس بنفس الوقت محتاجين الشخص الي يعرفهم الصح من الغلط .. ليه متكونش انت .. اه انت .. بدل ما تتفاخر بانك ماشي مع البنت دي .. حافظ عليها .. واكيد اكيد .. مش هترضى لاختك زي ما انت بتعمل ببنات الناس انت كده وحش .. وحش اوي كمان لسه الكلام مخلصش انا سمعت وقريت تجارب فاشلة للزواج والسبب هو الخيانة الزوجية عن طريق نوع جديد مثال : امرأة متزوجة وعندها 4 اطفال .. عندها مشاكل مع جوزها .. في مرة اتعرفت على شاب عن طريق الانترنت .. وبدات شوية شوية تعجب بيه وتحبه .. وقالها بحبك وقالتله بحبك مع العلم انه عارف ان هي متزوجة وعندها 4 عيال .. مش عيب عليك ... لأ لأ .. عيب عليكي انتي تعملي في جوزك كده مش حرام الي بيحصل ده .. ازاي مفيش احترام .. مفيش اخلاص .. مفيش خوف من ربنا دي خيانه وعلى فكرة .. بردو بتحصل مع الراجل بيخون مراته بالطريقة دي بس انا لغاية دلوقتي مش قادرة استوعب ازاي توصل بيهم الجراة دي انهم يعملوا كده في بعض .. يعني انتي متجوزة وليكي زوج وعيال حتى لو جوزك وحش .. الا الخيانة هتبقى ايه في نظر ولادك .. ولا في نظر جوزك لو عرف .. ولا من عذاب ربنـــــا ليــــــه تبقى وحشة كده .. وحشة اوي كمان وهو وحش انا بحب .. يبقى بحافظ على حبيبي بوجوده و بغيابه .. مش اكلم صبيان خالص انا متجوزة .. يبقى بحافظ على زوجي بوجوده وبغيابه .. معملش حاجه تمس شرفي .. لان شرفي هو شرفه .. اكون مخلصة ليه عالحلوة والمرة ليه يا دنيا بقينا وحشين كده ؟؟ ليه ماتت النخوة ؟؟ ليه الحب ضاع من قلوبنا ؟؟ ليه نعمل في نفسنا كده ؟؟ ليه يا دنيا ..؟؟ بقينا وحشين .. آسفة على الاطالة ولكن اتمنى ان أجد جواب تحياتي همس

[тoкα..♥]

همس يا حبيبه قلبي احلى موضوع قريتو من ساعه ماسجلت في المنتدى
وبصراحه معنديش اي رد لان الرد هيكون للشباب
تحياتي,,,,

[Ќonto]

ربنا يخليكي يا تقى يا حبيبتي

وكان نفسي أشوف رأيك ورأي الأعضاء كمان