على ايه الملام(كتبها /حسين حمدى)

[ozokozomozo]

على أيه الملام كان حب والسلام
مش بأيدى يدق قلبى ولا بأيديكى الخصام
الحب مش كلام ده حصان ملوش لجام
يخطفنا معاه ونتوه ويامحلى التوهان
وانتى حاسه دق قلبى والمحبه والحنان
وفعنيا شايفه صورتك يبقى ليه تخافى الى كان
استكترتى الذكرى عليا؟؟؟ ولا دى غيرة وشغل جنان؟؟!!
كده أو كده فبقولك أسف من غير ذكرى مليش عنوان
ترضى أكون انسان عالهامش أحزانه ملهاش مكان
ده الانسان من غير أحزان صدقينى ده مش أنسان
يبقى مجرد شجرة طويله ويا الريح بتقول ألحان
لحن سقوط
لحن الموت
لحن يقول:-ده كان انسان

mech_eng/Hussein hamdy

[دمعه على خد القمر]

تسلم ايدك عن جد حلو كتير