مشربتش من نيلها؟ طيب ما تيجوا نغنيلها

[ميسون المصريه]

السلام عليكم و رحمة الله و بركاته

يا رب يكون الجميع بخير يا رب

موضوعنا النهاردة عن بلدنا اللى احنا عايشين فيها

مـــصـــــــر حبيـــبتى

و الله بحبك يا بلدى

تفتكرو بلدنا دى هتتغير؟

طيب هتتغير إزاى؟

تعالو نشوف حاجة بسيطة اوى من حياتنا فيها

الواحد يصحى من نومه كدة علشان يروح كليته او شغله و يصحى من بدرى اوى و ينزل بدرى بردو

تفتكر المواصلات تكون عاملة ازاى؟

بنشوف العجب فى المواصلات

زحمة شديدة جداً

و مع اول باص يجى تلاقى هجوم بشرى على الباص دة

و دة يزق و دة يضرب و دة ينط من الشباك و حاجة زى الفل و الله على الصبح كدة


تعالو بقى كدة لما تكون فى ازمة مواصلات السواقين تلاقيهم يزودو الاجرة شوية و يتحكمو فى الناس و تلاقى الباص زحمة جدا و ناقص يركبو الناس على سقف الباص




دة حال الشخص اللى بيركب مواصلات

نيجى بقى للشخص اللى عنده عربية خاصة بيه

الواحد يكون ماشى فى امان الله

و مرة واحدة يلاقى دة بيزنق على عربيته و دة خبط فى عربيته و الدنيا بردو تبقى زى الفل

نيجى للمترو اللى معظم الناس بتركبه

الحكومة عملت احلى نظام فيه و هو باب للدخول و باب للخروج فى بعض الناس تدخل من الخروج و تخرج من الدخول طيب دة نسميه ايه بقى

انا بقول بعض الناس مش كلهم

يعنى الواحد يجى يخرج من باب المترو تلاقى اللى زقه على جوة تانى طيب نعمل ايه بس طبعا مش الكل كدة
فى ناس محترمة كتير بتنفذ التعليمات دى ربنا يعزهم يا رب

نجى بقى و احنا ماشين على الطريق

تلاقى اعمدة النور كلها اللى على الطريق منورة بالنهار

طيب ليه

اه صح افتكرت

اصل البلد فيها كهرباء زيادة مش عارفين نوديها فين


نجى للجامعات و اللى بنشوف فيها مصايب و كوارث ربنا يعزكم بين الشباب و البنات انا مش هوضح لأن الكل عارف ايه اللى بيحصل
و بردو فى شباب ما شاء الله عليهم اخر احترام و لا بيكلم بنات خالص و دى انا شوفتها كتير
بردو اعرف بنات كتير مش بتكلم اولاد فى كليتها و لا حتى لمجرد الزمالة ربنا يكركم يا شباب أمتى



تدخل محاضرتك تلاقى الدكتور مطلع كل ضيقته على الطلبة و فى بردو دكاترة كويسين


نيجى للشغل تلاقى المظفين اخر فل و اسهل كلمة تتقال فوت علينا بكرة و فى بردو موظفين بيراعو ربنا


فى مصايب و كوارث و الله بتحصل فى البلد


بجد كفاية كدة انا تعبت و الله من اللى كتبته دة


تفتكرو البلد دى هتتغير و الشعب بالمنظر دة؟


البلد يعنى الشعب يعنى انا و انت و انتى اللى عملنا البلد دى تفتكرو اننا هنتغير امتى؟


لحد امتى البلد هتفضل فى تخلف دائم و من سيئ الى أسوأ؟


بتحلم بايه يتغير فى البلد دى؟


نفسك ايه يحصل فيها؟


انا مش بفترى على البلد و لا على الشعب



و الله هو دة اللى بيحصل


اكيد فى جانب كويس بيحصل بس الجانب دة مبقاش باين



محدش سأل نفسه ليه احنا بقينا كدة؟


(( و من أعمالكم سُلط عليكم ))


يعنى كله من ذنوبنا و معاصينا


يا رب ارحمنا



يا شباب أمتى يلا نغير من نفسنا علشان ربنا يرضى عننا و نطلع للسماء ببلدنا الحبيب


و الله بحـــــــبك يــــا بـــــلدى

يا مشرفين انا و الله متضايقة و انا بكتب الموضوع دة دلوقتى

لو عايزين تحذفوه احذفوه لو هيعمل مشاكل

و اسفة على انفعالى و ضيقتى

بس مفيش حد اتكلم معاه غيركم يا اخوتى

اسفة على الازعاج

[لحظة عتآب]

ميسون عندك حق

بس لآزم يكون فيه نسبه كده ونسبه كده

يعني 50% كويسين و50% عكسهم

دآ لو كل النآس كويسه 100% في أي بلد

تبقي أحسن بلد في الدنيآ ومفيش زيهآ

طبعآ أنآ مش ضد أن النآس تكون كويسه

والمفروض أن النسبة الكويسة تكون أكتر

وأحنآ اللي نقدر نغير دآ بنفسنآ

وكل اللي بيحصل وحش في حيآتنآ وسوآس شيطآن

والمفروض علي النسبة الكويسة أنهآ تسآعد عكسهآ علي الألتزآم

صدقوني فيه نآس مقنعة كتير لو أستغلوآ أقنآعهم في كدآ هيعم الخير

البلد هترتقي

غير الثوآب اللي هيعود عليهم

هي فعلآ بلدنآ جميلة

وزي مآ قآلت شرين

بلدنآ أمآنة في أيدينآ نعليهآ مآدآم عآيشين

يعني وآجب علينآ أننآ نعلي ببلدنآ

لأننآ هنتحآسب علي دآ في الآخرة


تسلمي ع القضية اللي تستحق المنآقشة

[ميسون المصريه]

مرسى ليكى على المرور الجميل دى ياقمر

[رحيق الجنه]

وا اسفاه على كنانه الله فى ارضه
شكرا ميسون على الموضوع

[ميسون المصريه]

مرسى على المرور

[Boy dreams]

واحصرتاااااااااااااااااه



بجد يا ميسون عندك حق


انا بجد مش عارف أرد



تحياتى ليكى _ فتى الاحلام

[ميسون المصريه]

مرسى على المرور