اوجاع

[zeanalabden]

اوجاع النيل




يشفى القلب العليل

وافى حتى الحوافى

الصفصاف عليه يميل

تغوينى لحن السواقى

قلة ميه قناوى

لقمة عيش بتاوى


نيلى يمشى يتمخطر

شباب عفى متغندر

قلبه نضيف متعطر

الميه فيه سلسبيل

الزرع لونه اخضر

سنابل دهب اصفر

الزهر نواره احمر


اليوم دبحو قناوى

المجرى اصبح مراوى

الميه فيها بلاوى

الزرع دبلان يلالى

مين يقول لمين

ياللى صاحيين فى الغطان

ياللى واعيين للزمان

استعدوا للقيام

اقبلوا منى الكلام

عصافير الحب حزانه

كاشين مرعوبين

الغربان ويا الحدادى

نافشين متربصين

لا تنفع الندامه

القلب مليان ملامه

والعين عليها غشاوه

مبهورين بكدب الظالمين

الفلاح عايش بجوعه

يتغدى على دود الغيطان

خايف يا ولداه على عياله

تنهشهم كلاب الغلان

يربطوه فى سلاسل

يحدفوه معرفش فين

ياللى ساكن القصر عالى

قوم اقطع الايادى

اللى تعشق الاعادى

شربونا سم هارى

يسرى جوه عيالى

هو انت مش دارى

بانين المنكوبين

اوعى تكون ناسى

ان جدك من بلادى

كان بيشرب من المراوى


نحلفك يا غالى بالمرحمه

والاهل وكتب الملحمه

ودموع المرحومين

تفك اسر بلادى

من قبضة الاعادى

هو انت مش من بلادى

ولا انت فى صف مين

ولا انت مش من بلادى

ولا انت فى صف مين

بقلمى من ديون ملحمة الظلم

زين العابدين
عطشان ودوايا نيلى

[احمدمنشستر]

بجد تسلم ايدك
كلمات بسيطة وجميلة
فى غاية الروعة
تقبل مرورى مع خالص تحياتى
يابن النيل

[zeanalabden]

اخى الكريم احمد

لك منى كل الشكر

اسعدنى مرورك

وزين صفحتى حرفك

تقبل تحياتى

ولا تحرمنا من طلتك علينا

[asdlove]

كلمات جميلة
فى غاية الروعة سلمت يمينك
نقبل مرورى

[الملكة كيلوباترا]

كلماااااااااااااااات جميـــــــــــــــــــــــلة

[AnGeL SenSe]

بجد تسلم ايدك على ما خطتة يداك من جمال ميرسي جداااا على المجهود ....تقبل خاالص شكري ومروري اختك angel

[zeanalabden]

شكرا اخى لمرورك

اسعدنى تواجدك

[zeanalabden]

الى البرنسيسه
==============
شكرا لمرورك

كلك ذوق لك منى تحياتى