لو سمحت

[hana]

لو سمحت..بلاش النظره دى ...دى حرام.

ياعم بلاش اوى كده....دا ذنب صغير !!!

بعد إذن حضرتك...بلاش تحطى مسخره...قصدى مسكره..دى حرام.

ياستى بلاش تضييق كده...دا ذنب صغير !!!

ياباشا ...سجاير ايه بس اللى بتشربها..صحتك هتبوظ...وكمان حرام.

ياعم الحاج طنش وعيش...صحة ايه فى السقعه دى...وبعدين..دا ذنب صغير !!!

ذنب صغير .. .ذنب صغير .. .ذنب صغير...

بأه دى كلها ذنوب صغيره !!! وإزاى حددناها انها صغيره !!!

طيب ناخدها واحده واحده...عشان فعلا لو ذنب صغير...نطنش ونعيش على رأي اخونا المُدخن..

تخيل وانت طالب فى المدرسه لسه..

وقاعد فى الفصل...وهاتك ياطبل ورقص وغُنى....

ومره واحده ...اتفتح باب الفصل...بحركه فجائيه...

كله قلبه وقف..

والجميع اتجه بعينه للباب...

فلاقيت العامل..

هههههههههههههههههههه

مش ضحكتى دى...لا دى ضحكة الطلاب...وهيكملوا الفرح اللى عملينه..

طيب لو طلع اللى فتح الباب موظف فى المدرسه !!!

يعنى هيبقى فى شوية خوف فممكن يبطلوا عشانه..

طيب لو طلع مدرس !!!

لا دا كده ممكن يكون فى عقاب....وهتبقى فى مشكله..

طيب لو وكيل المدرسه !!!!

المشكله أكبر..وممكن فيها نزول للمشرف الاجتماعى...

طب لو مدير المدرسه !!!

المشكله أكبر وأكبر..

طب لو وزير التعليم !!!

مشكله كبيره جدااااا

طيب لو ؟؟؟؟؟؟

المشكله اختلفت باختلاف الشخص اللى عملنا المشكله معاه..

فهى مشكله صغيره ...لصغر عظمة العامل..
ومشكله كبيره جدا...لكبر عظمة الوزير

ولله المثل الأعلى..

انت بتعصى مين ؟؟؟ عامل فى مدرسه ؟؟؟مدير مدرسه؟؟؟بتعصى رئيس الجمهوريه حتى؟؟؟؟

انت بتعصى الله....بتعصى ربك ورب العامل ورب المدير...ورب كل عظيم...

انت بتعصى صاحب الملكوت...العظيـــــــــــــــم...

ينفع يكون فى ذنب صغير وانت بتعصى العظيم !!!!

بل كلها معاصى كبيره تستحق المراقبه والمواذبه على البعد عنها...والتطهر منها إن وقعت..

أخى...انما الجبال بُنيت من الحصى...وما صنع النار إلا صغار الشرر...

فلا تعصى...وتستهين بالمعصيه...حتى لا تاتى فتجد جبالا منها يوم القيامه...تكون سبب لهلكتك..

ودائما وأبدا لا تتذكر صغر المعصيه...ولكن تذكر عظمة من تعصيه..

اللهم استرنا فوق الأرض وتحت الأرض ويوم العرض عليك

آمين

موضوع جميل شكرا لكى وتقبلى مرورى

[الواوا]

اللهم استرنا فوق الأرض وتحت الأرض ويوم العرض عليك

آمين..آمين

هانا

الف شكر لكي

في انتظار جديدك القيم

دمتي بود

مع خالص تحياتي
/
/
الواوا

[Mahmoud Kamel]

ياباشا ...سجاير ايه بس اللى بتشربها..صحتك هتبوظ...وكمان حرام.

ياعم الحاج طنش وعيش...صحة ايه فى السقعه دى...وبعدين..دا ذنب صغير !!!



علي فكـرررررررررررررره دي بتحصل معايا بس الحمـدلله ربنـا بيسترهـا معايا ومش بشرب

الشيـطـأن ربنـا يغيتنـأ منه

ربنا يسترهـا علينـأ

[نزف الذكريات]

موضوع تحفه والله

أشكرك من عميق قلبى



الاخت الفاضله / هـانـا
دائماً تتألقين بكل جديد ومفيد
لا يسعنى من كلمات الشكر شىء
الا ، ان أقف عاجزاً من الشكر

تقبلى شكرى ووافر أحترامى

أخوكى / نزف الذكريات

[عاشق الأحزان]

اختى الغالية/¨°o.O ( هنا ) O.o°¨


هههههههههههههههههههه
ههههههههههههه
والله الموضوع تحفة
سيبك من هالدنيا وعيشي يا هنا
هههههههههههههههههههه
يسلموووو يسلموووو يسلمووو

موضوع راااائع ومتالق وراقي
قلمك مميز ودمتى مبدعة

دمتى بود

مع خالص شكري وتقديري

¨°o.O ( عا الأحزان شق ) O.o°¨

[خلود]

سلمت يداك يا غالية

وشكرا لك