ممكن حل؟؟؟

[ميدو العثل]

لي صديق محيرني بمشكلته
هو متزوج وعنده اولاد
وبيحب جلسة النت جدا
وكل يوم يحب واحده على النت
اعمار من يحبهم اقل من عشرين سنه
والفرق بينه وبينهم حوالي عشرين سنه
يعني ضعف اعمارهم تقريبا
العجيب في الموضوع انه بيصارحهم بعمره وانه متزوج وعنده اولاد
الا انه بيجد اكثرهن بيحبوه حقيقي ونفسهم يرتبطوا به
ومنهن من اعترفت له بانها لا تمانع ان تكون زوجه ثانيه
سالت صديقي موقفك ايه مع زوجتك اعترف انه بيحب زوجته جدا واولاده ومش ممكن يعمل اي شئ يغضبها كالزواج من اخرى عليها مع انه مقتدر ويمكنه الزواج من اربعه
والصراحه مش عارف افيده افاده كامله
لان مقتنع بصدقه وبنفس الوقت حاولت اخليه يتمنع عن النت
رغم انه بيصلي ويصوم ويزكي وحاجج بيت الله

[dr.marmar]

سوري يعني إسمحلي ياميدو
ضديقك ده خاااااااااين
ايوه خاين
لان الي بيعمله ده خيانه لزوجته
يعني ايه راجل متزوج وعنده اولاد
وبيحب بنات علي النت في عمر ولاده
وفي الاخر تقول بيقول انه مايقدرش يزعل زوجته
طيب والي بيعمله ده ايه
إسمحلي لو صاحبك ده صريح زي مانت بتقول وصادق
وعاوز يرتبط بزوجه تانيه
كان عمل كده في النور قدام الناس كلها
مش علي النت في السر زي الحراميه
ياريت تقوله يتقي الله في زوجته واولاده
بدال مايرجع يندم

[ميدو العثل]

د. مرمر العثل

صدقيني هو ده كلامي له
بس هو زي ماسبق وقلت بيبرر انه بيضعف
امام اي بنت يعرفها خاصه لما تظهر له حبها
اما عن خيانته لزوجته
فلما قلت له كده
قال انه بيقول لها على كل شئ بيحدث على النت بالتفصيل
بتزعل شويه بس هي تقريبا تعودت على كده
رغم انها ماتعرفش طريق النت
واشكرك على مرورك
تحياتي بكل ود

[نلتقي لنرتقي]

مووضووووووووووع لا يستحق النقااااااااااش

لأن الرأي في هذا المووووووووضوع معرووووووووف

[نورالعيون]

يستغفر ربنا
هو لو عاوز يبعد هيبعد
لكن هو مبسوط بيهم

[تانيا]

بيحب من على النت ازاى يعنى ؟؟؟؟ بيحب بنات عمره ما شافها قبل كده وميعرفش عنها أى حاجه إزاى ؟؟
وكمان ؟أقل من 20 سنه يعنى مراهقات .. يعنى سورى من السهل ان أى حد يلعب بمشاعرهم

انا شايفه انو الحل الوحيد انو ميبقاش يقعد على النت تانى ... ولو قعد ميكونش صداقات مع بنات
مدام هو بيضعف أدامهم ومش بيقدر يتحكم في مشاعره
ويفكر شويه في زوجته وأولاده
وياريت متزعلش من كلامى ..... أنا اتعودت دايمااا انى أتكلم بصراحه
تقبل مرورى

[fankosha]

هو كدا اصلا من الاول خاين لانة بيحبهم
بدال هو بيحب مراتة واولادة
المفروض ميعلقش حد بيه
ويسيبة من النت ده

[الحلا مبتليني]

ام المشكله دي مشكله نفسيا ادا هو عاوز يتصلح من نفسو يتيصلح
انت نصحتو مره مرتين من نتفعش احسن حاجه انك تبعد عنه وعن مشاكله
لان بعدين راح تصير معاه مشاكل وراح يوقعك معاه
ولله هو واحد كبير وفاهم ويعرف الي بيعملو
ميحتاج نصايح دا الاخ رايح فيها.. ربنا يهديه ويهدي جميع المسلمين يارب
يا ميدوو بعد عنه .. نصيحه من اختك
^__^
هو دا الحل

[ميدو العثل]

اقتباس المشاركة الأصلية كتبت بواسطة نلتقي لنرتقي مووضووووووووووع لا يستحق النقااااااااااش لأن الرأي في هذا المووووووووضوع معرووووووووف

لو مش يستحق النقاش ماكنتش عرضته هنا
بل بالعكس يستحق مليون في المائه لان صديقي قد يكون صريح اما غيره فلايمكن ان يكون بصراحته وصدقه
وكون صديقي اعترف بضعفه
فانا باعتبر اعترافه قوة وليس ضعف
لان غيره على النت لا يعترف بما يرتكبه من معاصي
للاسف

[ميدو العثل]

اقتباس المشاركة الأصلية كتبت بواسطة نورالعيون يستغفر ربنا هو لو عاوز يبعد هيبعد لكن هو مبسوط بيهم

للاسف لكل انسان بعض الهفوات
قد يكون هو سببها وقد يكون الطرف الاخر من البنات هما سبب ليها
فلماذا نفترض انه هو اللي غلطان والاخريات مش غلطانين؟؟؟