الامنيـــــات

[Mo chahin]

اقدم واكتبلم امنيات نفسى ترجع زى ما كانت
او من تانى تتحقق



الامنيات



نفسى كل حاجه ترجه زى ما كانت
يرجعوا تانى احبابى واحلامى اللى اتهانت
يرجعوا تانى اخواتى وخطيبتى اللى ماتت
ترجع تانى كرامتى اللى علشان اصحابى انداست
............
يرجع تانى أبويه يرجع لو حتى مات
او اشوفه فى احلامى ويحكيلى حكايات
ترجع تانى أمى واخواتى البنــــات
يرجع بيتنا الصغير ونعيش فى تبات ونبات
............
يرجع أعز اصحابى .. يوسف احمد فاروق
يرجع عشان احكيله واقوله ليه انا مخنوق
ترجع تانى خطيبتى .. ترجع تنى سماح
ترجع ياما نفسى اشوفها لو حتى ثوانى .. أرتاح
..........
ترجع تانى الامانه يرجع تانى الامان
يرجع زمن النخوة ترجع ايام زمان
ترجع تانى الصداقه والجيرة فى البيوت
يرجع تانى صوتنا وينتهى السكوت
.........
ترجع تانى القدس وترتاح فلسطين
يرجعوا تانى العرب ايد واحده متجمعين
ترجع تانى حضارتنا يرجع تانى النيل
يرجع ابن الاصول من تانى يقول مواويل
..........
ترجع تانى الفرحه يرجع تانى الحب
يرجع يعيش اليتيم فى حضن أم وأب
ترجع تانى اللمه والسهرة فى كل ليله
يرجع تانى الخال والعم وترجع كل العيله
يرجع تانى الابن يقدر عمه وأبوه
ويرجع تانى الاخ يتمنى الخير لأخوه
............
يرجع منتدى بنات مصر احلى الاماكن
اعضاء مشرفين ادارة .. الكل جواه ساكن

...........................................
نفسى فى حاجات كتيرة عارف انها صعب تحقق
بس اهو الواحد بيفضفض
يمكن شويه يقدر يرتاح
كان معكم من أمام سور الامنيات

محمد شاهين