في خفوقي لك حكايه

[عاشق 05022]

بسم الله الرحمن الرحيم
في خفوقي لك حكايه ضمنها كتاب المشاعر.
وفي عيوني لك مدينه يا حلوها من مدينه.
انت لو تامر علي روحي من غلاتك بس تامر.
فدوي روحي من غلاتك والله ما هي بالثمينه.
شفت عاد اش قد غالي؟لا وعندي شي آخر.
كل هالعالم بدونك اشبه بدمعه حزينه.
احنا قصتنا قديمه و حبنا صادق و طاهر.
انقي من حبة رذاذ فوق خد الياسمينه.
احنا لو نكتب عشقنا ضاقت اوراق الدفاتر.
وان كتبنا شي تبقي اغلب كنوزه دفينه.
انت تبحر في عيوني و انا في عيونك اسافر.
فوق غيمه من محبه لا شراع و لا سفينه.
جيت لك كلي وضوح بلا قناع و لا مظاهر.
وجيتني من طيب اصلك لا غرور ولا ضغينه.
تذكر يوم تواعدنا؟كيف خانتنا الحناجر؟
الحكي عيا..وحروفه في حناجرنا سجينه.
وكانت عيونك مرايا بعثرت اوراق شاعر.
وكنت اقرا في عيونك رعشة الشوق و حنينه.
كانت الفرصه دقايق...عشتها مثل مغامر.
مرني فصل العواصف و الهداوه و السكينه.
تصدق اني من بعدها صارت ضلوعي منابر.
كم تعلاها خفوقي يشجب البعد و يدينه.

بصراحه في غيابك تنغلق كل المعابر.
كل هالدنيا بدونك تنقلب صحراء وشينه.
افتدي نظرة عيونك و اشتريها بالف خاطر.
ومن غلاك بس عندي عيني صارت لك مدينه.
وسلامتكم تقبلو تحياتي

[زهرة النرجس17]

نتمنا المزيدمن كلماتك

[اهلاوى 10]

	مشكوووووور والله يعطيك الف عافيه اسمح لي ابدي اعجابي بقلمك وتميزك واسلوبك الراقي وتالقك

[عاشق 05022]

مشكور اخي اهلاوي علي مرورك الرائع

[بقلمي]

يعطيك العافيه