ظاهرة غريبة

[دمعة مبتسمة]

السلام عليكم ورحمة الله وبركاتة
فى ظاهرة غريبة موجودة فى مجتماعتنا والأغرب انها بقت عادية ولو سألت اى أحد عليها يقولك ده الطبيعى
الظاهرة دى زى مثلا تذهبو للجامعة وكل ما تمشو خطوتين فى الجامعة تلاقو شاب وفتاة جالسين سوا بيتكلمو وبهزرو وبيضحكو
ولما تطلعو من الجامعة وانتو مروحين البيت تلاقو بنوتة فى اعدادى او ثانوى ماشية مع ولد بردو فى اعدادى او ثانوى
وهم بملابس المدرسة ماشين سوا بيحكو وبيهزرو
ولو خرجتم بليل تلاقو بردو نفس الحكاية
ايه الظاهرة الغريبة دى!!!!
أنا عن نفسى ضد تماما هذه الظاهرة لانها بتجعلنا نفقد حاجات كتير منها الدين والاخلاق والعادات والتقاليد
خاصة البنت لان البنت عبارة عن عفاف وحياء وكرامة وعزة ولما بتعمل الظاهرة الغريبة دى بتفقد كل الحاجات دى
ده مش معناه ان الشاب او الولد عادى بالنسبه له لو عمل الظاهرة الغريبة دى
لا طبعا هو برده بيفقد اخلاقه
ده رأى
أتمنى أعرف رأيكم

[♥..pure]

هذة الظاهرة بسبب حاجة واحدة
ازمة اخلاق
معتشى فيه اخلاق ولا دم ولا حياء ولا اى حاجة
منه لله اللى كان السبب
تسلم

[شموخ انسان]

والله انا بقول كل واحد يلم نفسة


والا خايف على اختة او الا خايف على حالة


يمشي صح


علشان ربنا يرضى علية



وياريت نتعود على الطريق والمشي الى المساجد افضل من طرق اخري ممكن تضيعنا



تحيتى وتقديرى

[سارة المنتدى]

ولاغرب ان هما ماشيين عادى ولا اكن فى اى حاجة
انا ببقى عاوزة اروح انصحهم بس بقول بلاش

[Dr.nour]

ههههههههههههههههه

والله العظيم لسه كنت ماشيه حالا مع وحده زميلتى ف الجامعه

فشوفت المناظر دى كترت اوى

فقولتلها ايه هو بقى عادى كده

كله ماشى كابل مع بعضه كده

كله ماشى متلغم

^_^

مش عارفه اقول ايه والله غير

لا حول ولا قوه الا بالله

[دمعة مبتسمة]

تسلمووووو على ردكم
ربنا يرحمنا برحمته
ويبعد عنا الظاهرة دى
ويهدى كل شباب المسلمين وفتيات المسلمات

[حياتي ذكريات]

السلام عليكم
للأسف الظاهرة دي من الأمور المعتاده اللي بقينا نشوفها
كل يوم أفتكر رحت في الأجازة اللي فاتت مع بنت عمتي جامعتها
بجد لقيت نص الجامعه اتنين اتنين والمشكلة انهم في مواضع
لا تصح .. يعني لو أي حد معدي هيقول اكيد دول مش محترمين
بقت ظاهرة منتشرة جدا زي ما بتقولي ولو رحتي أي مكان هتلاقيه
ما فيش حياء للبنت والولد دولوقتي ولا احترام للدين والإسلام
تسلمي على طرح الموضوع .. تقبلي مروري وتحياتي .. دمتي بود

[محمد الشريف]

يقول الله تعالى :


" إن النفس لأمارة بالسوء إلا من رحم ربى "

فمن يعصمه الله بهداه فلا يفتتن ببهارج الدنيا وبهرجها وم***************ا وزخرفها

ويتجنب النفس الأمارة بالسوء التى توصله إلى طريق المعاصى والانغماس

فى الملذات المحرمة ، فالإنسان تاريخ وسيرة فماذا سيعطى لأبنائه ليكون

قدوة لهم ففاقد الشىء لايعطيه ، فحرى بالإنسان اتقاء ربه فسبحانه لاتأخذه

سنة ولا نوم مطلع علينا ولا مهرب ولا فرار من مراقبته تعالى .

وسبحانه يهدى من يشاء ويضل من يشاء من عباده

ولا حول ولا قوة إلا بالله

مع تقديرى

[sฝeet αηgeℓ]

فعلا الظاهرة دي مبقتش حاجة غريبه عالناس خاالص
وفعلا هيا سببها نقص الاخلاق
بس اكيد مش عيب البنات والولاد بس الاهالي كمان
يعني ازاي الاهالي تسمح بكده ؟؟
عشان كده بقى في انحلال وانفتاح في مجتمعنا اوووي
مرسي للموضوع الجميل ده