وبرغمـ كل ده .. أنا مفائلهـ !!

[snow wh!te]

آآآآآآآآآه يا دنيا

الظلم فيكي ألوان

مبقاش فيكي لا أمان ولا سلام

الضعيف مهضوم حقه وغلبان

والقوي دايما هو الـ كسبان

لو قاتل قتيل وقريبهـ << بوليس مان

يبقى طلع منها وادبس الغلبان

مفيش للضعيف في الزمن ده مكان

عايز تعيش وتكون انسان

اسرق واقتل ومتبقاش جبان

خليك دايما قوي بالكدب والحلفان

شباب فاشل ملوش أحلام

سهران بالليل والصبح بينام

لو سألته أي سؤال

ولا هيجاوب ولا هيقول

والغريب والـ مش معقول !!

ان نهايته هندسة بترول

ده الطبيعي ما باباه مسئول

وشاب تاني مليان أحلام

بس المشكلة عنده الفقر

كافح عشان يفضل قدام

بس ازي وملوش ظهر

وفي النهاية بقت أوهام

أصله فقير ومعندوش قصر

وبرغم كل ده

والله العظيم متافئلة كتير

لأن ليا رب كبير

عادل ومش ناسي الغير

شايف الغني والمحروم

عارف الظالم من المظلوم

مين كداب ؟ ومين برئ ؟

هو القادر على كل شئ

وطول ما ثقتي في ربي كبيرة

هفضل متافئلة ومعنديش حيرة

كنت غنية ولا فقيرة

عايشة في كوخ أو كنت سفيرة

حالتي يسيرة ولا عسيرة

هتفضل ثقتي في ربي كبيرة

دمتم بود

ماري

[حياتي ذكريات]

جميل بجد أبدعتي في الطرح يا قمر

وطول ما جنبا رب كبير كل حاجه ان شاء الله هتهون

ربنا مش بيسيب حق حد .. ولا بيظلم حد فينا

وزي ما قلتي الدنيا ألوان .. كل واحد ليه لونه اللي عايش فيه

كل واحد شايف الدنيا بنظرة تانية عن الآخر

فيه اللي سعيد .. فيه اللي زعلان .. فيه الغني والفقير

فيه الظالم وفيه المفتري .. فيه الضعيف وفيه القوي

بس جميل انك تعيشي بتفاؤل وتشيلي عنك اليأس

وده المفروض اللي نعمله كلنا .. لو فضلنا نبص للحاجات الوحشة

اللي عندنا هيجيلنا احباط وغيره .. لسه في حاجات حلوة وايجابيات

كتيرة في مجتمعنا بس مش حاسين بيها

شكراً ليكي على الطرح الجميل .. بالتوفيق ليكي

[sฝeet αηgeℓ]

روووووووعه الموضوع

سلمت اناملك على الطرح المميز

[Dr.nour]

جميل جدا يا مارى

بتناقشى فكره المحسوبيه والكوسه

انا هقولك ع حاجه يا ستى

البلد الى احنا فيها دى

والله العظيم لو ما كانش فيها محسوبيه

وكوسه ونهب للمال الى بيدخل للبلد

كان زمانا بقينا

غير كده خالص

ميرسى يا قمر ع التوبيك

دمتى بود اختى .........

[♥..pure]

اه والله برغم كل دة عيشين ومستحملين وكمان بنقول الحمد لله

هى فعلا بقت كدة

بس انتى نسيتى ان فى الاخر الحق هو اللى لازم يفوز

الخير هو اللى بيفضل عايش جوانا

تسلمى يا قمر على الطرح الجميل اوى دة

بالتوفيق....

[رحيق الجنه]

فعلا كل ده ومتفائله؟

لكن التفائل دعوة رائعه للحياة

الحياة بها الكثير والكثير

ان فقدنا التفائل فقدنا الامل انتهت الحياه

تحياتى على الموضوع الرائع

[smsma666]

كلمات جميله جدا استمتعت بقرائتها
واجمل ما فيها

اقتباس هتفضل ثقتي في ربي كبيرة

طول ما الانسان بجد واثق فى ربنا سبحانه وتعالى
عمره ماهيفقد الامل ولا هييأس

شكرا ليكى يا جميل على موضوعك الرائع

[مدحت شحاته]

مشكوووووور والله يعطيك الف عافيه

[صمت الضياء]

اكيد متفائلة لانك تشوفي الحياة بعين لا يرئ بها المتشائمون
بس اكيد الحياة فيها الحلوة والمرة...

[snow wh!te]

اقتباسالمشاركة الأصلية كتبت بواسطة حياتي ذكرياتجميل بجد أبدعتي في الطرح يا قمر

وطول ما جنبا رب كبير كل حاجه ان شاء الله هتهون

ربنا مش بيسيب حق حد .. ولا بيظلم حد فينا

وزي ما قلتي الدنيا ألوان .. كل واحد ليه لونه اللي عايش فيه

كل واحد شايف الدنيا بنظرة تانية عن الآخر

فيه اللي سعيد .. فيه اللي زعلان .. فيه الغني والفقير

فيه الظالم وفيه المفتري .. فيه الضعيف وفيه القوي

بس جميل انك تعيشي بتفاؤل وتشيلي عنك اليأس

وده المفروض اللي نعمله كلنا .. لو فضلنا نبص للحاجات الوحشة

اللي عندنا هيجيلنا احباط وغيره .. لسه في حاجات حلوة وايجابيات

كتيرة في مجتمعنا بس مش حاسين بيها

شكراً ليكي على الطرح الجميل .. بالتوفيق ليكي

فعلا << احنا دايما بنبص على الوحش ومش بنشوف الحاجات الحلوة

عشان كده كلنا محبطين دلوقتي :surrender:

ميرسي للمرور الجميل يا سكر

نورتي