الإنتقام الأعظم وحلقة خاصه جدا من المصيده ادخلو وانتو تعرفوا

[тoкα..♥]

لو كنتي في مظاهرة ماهي العبارة التي تهتفي بها ولمن تهتفي !!

-من يكون الرجل الذي تقفي امامه ضعيفتاً !!

عندما تكوني معجبتا به .. ماهي طريقتك في الوصول الى قلبه !!

والدتك هل هي النموذج في حياتك .. ولو لم تكن والدتك هل تكون كذلك !!

- ماهو الموقف الذي تضبطي فيه نفسك متلبستا بالتناقض ؟

هل تتزوجي من تحبينه.. ام تحبي من تتزوجيه !! وايهما ترينه اجمل ؟

ايهما اجمل ولماذا : الرجل في الواقع ام في الخيال!!

- هجرك من تحبينه .. هل تبادليه الهجر ام تتوددين له حتى تنعمين بوصاله مرة اخرى !!

- لو كان مديرك رجل .. بماذا تهمسين له في كل صباح !!

- هل خضت يوما حربا من اجل الوصول الى قلب رجل .. وهل ظفرت بقلبه !!

امتي بتتعصبي ؟

بتكذبي امتي لو رديتي مبكذبش يبقي كذبتي ؟

دعاء حاسة انك مقصرة في ايه ؟

ايه لو حصل هتقولي اخيرا الحظ ابتسملك ؟

وقت فراغك بتقضيه ازاي .؟

　
　

البنت لازم تكون ازاي علشان لا تفقد رقتها ؟

ماهوهدفك في الحياة؟

-

اكثرشي بتتمني انه يتحقق؟

-

ايه اكثرشي بتخافى منه؟

-ايه هي اكثرصفة تحبيها؟..وأكثرصفة تكرهينها؟

-هل تحبين القراءة؟
وقريتى لمين؟

-

ماهواكثرشي تحبيب فى الطبيعة؟

-

ماهي البلاد التي زرتيها؟؟


موقف مضحك حصل معك؟؟

-

أكثرمادة دراسية تحبينها؟

اكتر حاجة تحب انها تحصل في بلدك
اكتر حاجة وحشة فيك ومدايقاك
اكتر حاجة بتحبها في نفسك
ماذا تعنى لك؟؟
؟
دمعه المراه
دمعه الرجل
دمعه الطفل
البحر
الغروب
الحياه
　

اكتب اسم كل عضووو

&

عضو مفقود... ( )

&

عضو تفرح بوجوده.. ( )

&

عضو تحسه واثق من نفسه ... ( )

&

عضو داخل مزاجك ... ( )

&

عضو يغيظظك. ( )

&

عضو تخاف يوم أتشوفى اسمه موجود..( )

&

عضو ودك تغير اسمه ... ( )

&

عضــو يجذبك أسلوبه وطريقـة ردوده... ( )

&

عضـو أحيانا تنرفزك بـ ردوده ...(

&

عضو تحسيها طفولي .. ( )

&

عضــو يناسبه لـقب المحبوب ... ( )

&

عضو تقولله (( ماينساك أبد قلبي )) ... ( )

& عضو تقوله (( الله يسامحك )) .. ( )

ولينا عوده

:Sport-007:

[тoкα..♥]

اقتباس دهـ بالافترى والاكراهـ ولا ايهـ بالظبطـ

ههههههه اها هو كده
منور
::

::

اقتباس هههههههههههههههههههههههههه ياا دعااء اناا مش هقووالغير ربناا معااكي وربناا يستر وتطلعي منهاا بااصااباات خفيفه ده انتي وقعتي معاا اللي مش بيرحمووو

ايوة ادعيلها ههههه
منور
::

::

اقتباس قلبى معاكى يا حياتى ياعنينى كنتى طيبه ههههههههههههههههههه وقعتى فى ايد اللى مش بيرحمووووو ههههههههههه براحه عليها يا قتى ديه حياتى طيبه ربنا يويقكى يا حياتى ويعينك عليهم انتى وقعتى فى ايد العصابه هههههههههههههههههه

ههههههههه
ماشي يا هانم
حاااااااضر
منورة يا اوحي
::

::

اقتباس هههههههههههههه ربنآ معآكي يآ دودو ~ بجد صعبتي عليآ

ههههههههه
ميصعبشي عليكي غالي هههههه
منورة
::

::

اقتباس بس بالراحه عليها برضوووووو ياتوتي ارحـموا من في الارض هههههههههه

هههههه
حاضر يا يويو
منورة يا جمر
::

::

اقتباس ههههههههههه انتي يا توقتي مفروض تاخدي جايزة نوبل في المجاملات :smile: بس حلوة هتقتنع هتقتنع دي هههههههه ودخلتي محمد في المصيده ده انتي وهمس شغالين جامد هتبقو مثلث الربع دولوقتي ^_^ تسلمي يا قمر على التقديمة الجميلة

اخص عليكي والله يابت الكلام ده بجد
يا وحسه
منورة

[الحان الورد]

منـورة المصيدة يادعاء
وفرصة عشان نتعرف عليكي اكتر
بالتوفيق دآيما ياقمر
*،،

[♥..pure]

وقعتى يا دعاء
ولا حدش سمى عليكى
يلا بقى منورانا فى المصيدة
وربنا معاكى بقى

[حياتي ذكريات]

اقتباس المشاركة الأصلية كتبت بواسطة nooody منورة المصيدة يا دعاء ربنا معاكى يا قمر

ان شاء الله يا جميل

المصيدة منوره بضيوفها

[~♥ Queen sozan♥~]

احم احم احم
عدناااااا
والله منورة يا حياتى ذكرياتى
انا بقول النور دة منين اتارى انتى هنا
ههههههههههههههههههههههه
كلمتين حلوين اهو
اى خدعة
ههههههههههههههههههه

سنعود با الرصاص والقنابل بعد قليل

[حياتي ذكريات]

لو كنتي في مظاهرة ماهي العبارة التي تهتفي بها ولمن تهتفي !!

تحيـاا مصر هههههه

هو فيه غيرها .. احنا مش بنشترك في مظاهرات ^_^

-من يكون الرجل الذي تقفي امامه ضعيفتاً !!

والدي وأخويا الكبير تقدري تقولي ضعف مع احترام


عندما تكوني معجبتا به .. ماهي طريقتك في الوصول الى قلبه !!

اما بكون معجبة بحد مش ببين بخبي في قلبي

والدتك هل هي النموذج في حياتك .. ولو لم تكن والدتك هل تكون كذلك !!

أكيد مامتي هي نموذج اللي بحطه قدامي في حياتي .. اتعلمت

منها كتير ولسه بتعلم

- ماهو الموقف الذي تضبطي فيه نفسك متلبستا بالتناقض ؟

لا ما اتمسكتش قبل كده متمسكة بالتناقض

لاني مش بحب اقول لا واعمله انا .. اللي مقتنعه بيه بعمله


هل تتزوجي من تحبينه.. ام تحبي من تتزوجيه !! وايهما ترينه اجمل ؟

لا أكيد هتجوز اللي يحبني .. في نظري كده اجمل لاني لو اتجوزت واحد انا

بحبه لكن هو مش بيبادلني نفس الشعور يقدر يتجوز اللي هو قلبه اختارها

لكن لو اتجوزت اللي بيحبني وانا مثلا مش بحبه يمكن مع تعامله معايا

تتغير نظرتي ليه وأقدر أحبه بعد كده .. لان طبيعه الانسان لما حد بيعامله

كويس بيتغير وبيعامله كمان زي معاملته


ايهما اجمل ولماذا : الرجل في الواقع ام في الخيال!!

لا أكيد في الخيال .. لان اصل زي ما قلتي اسمه .. خيال ..

يعني كل اللي بتحلمي بيه وانتي شايفاه احسن واجمل هيبقى خيالي


- هجرك من تحبينه .. هل تبادليه الهجر ام تتوددين له حتى تنعمين بوصاله مرة اخرى !!

اللي باعنا بعناه حتى لو كان غالي

انا من الناس اللي لو حد خدعني او سابني بشيله من

بالي نهائيا لاني مش بحب اسمح لقلبي يتعذب وهو مش حاطط في باله

ده ومش هامه اصلا الموضوع


- لو كان مديرك رجل .. بماذا تهمسين له في كل صباح !!

عادي يعني زي اي حد بكلمه اول ما اشوفه .. السلان عليكم وصباح الخير


- هل خضت يوما حربا من اجل الوصول الى قلب رجل .. وهل ظفرت بقلبه !!

حرب مرة واحده ^_^ لا لسه ما حصلش

امتي بتتعصبي ؟

لما تحصلي حاجه مديقاني او يحصل غير المتوقع اللي كان في بالي

بتكذبي امتي لو رديتي مبكذبش يبقي كذبتي ؟

هههههههه ما فيش حد ما كذبش وانا مش هنكر اني كدبت كتير

بس يمكن كدبي كله بسيط لاني انسانة صريحة مش بحب

اكدب وأخبي في قلبي الحقيقة

دعاء حاسة انك مقصرة في ايه ؟

في كتيير

في حق ربي ونفسي وكمان فيه في حياتي ناس مقصرة معاهم

بعاد عني بس بجد قلبي معاهم


ايه لو حصل هتقولي اخيرا الحظ ابتسملك ؟

لو كنت بحلم بحاجه واتحققت ليا


وقت فراغك بتقضيه ازاي .؟

فراغي عشاني في الغربة بيبقى طويل أوي بس غالبا

بيبقى مقسم بين نوم .. عباده .. نت .. قراءة .. دراسة .. خروج .. تيفي

البنت لازم تكون ازاي علشان لا تفقد رقتها ؟

اهم حاجه صوتها ما يبقاش عالي دولوقتي تلاقي بنات في الشارع

صوتهم بيوصل لآخر الشارع دي بقى في نظري ما عندهاش ذرة رقة


ماهو هدفك في الحياة؟

اني أنجح اول حاجه في امتحان الآخرة

واني أحقق اللي بتمناه في بالي

وأوصل للي انا عايزاه وأعيش سعيده


اكثرشي بتتمني انه يتحقق؟

اني أدخل المجال اللي انا عايزاه


ايه اكثرشي بتخافى منه؟

المستقبل بخاف من بكرة جدا .. لانه بيبقى مجهول

مش بعرف هيبقى فيه فرح ولا حزن ولا لقاء ولا فراق


-ايه هي اكثرصفة تحبيها؟..وأكثرصفة تكرهينها؟

بحب الانسان المتواضع وبكره عكسها المتكبر


-هل تحبين القراءة؟

انا بحب القراءة جدا يمكن عشان في الغربة عندي وقت

فبقرأ كتير


وقريتى لمين؟

بقرأ منوع الكتاب اللي بعجبني مقدمته او فكرته بقرئه

بقرأ لأنيس منصور بعض الحاجات

ولسه في كتاب قرئته من فترة اسمه ( دفء الليالي الشاتية ) لعبدالله العريني

كتاب وقفات في رحلة طبيب لسعود التركي



-



ماهواكثرشي تحبيب فى الطبيعة؟

انا بعشق الطبيعه جدا أي منظر طبيعي بيجذبني

ماهي البلاد التي زرتيها؟؟

زرت مصر والسعودية


موقف مضحك حصل معك؟؟

هنا عندنا في السعودية اول ما تخشي اولى اعدادي غصب

عليكي تلبسي عباية على الراس ونقاب أكيد انتي عارفة

المهم اول يوم لبسته فيه وانا طالعه من المدرسة في سلم

كده بنزل عليه قمت متكعبله فيه ووقعت بين كمية شباب ورجالة

وكلهم بقى فاطسين ضحك راح بابا جه شالني وقومني وخد شنطتي

ومشي قدامي فأنا اصلا مش شايفة حاجه قدامي عشان النقاب

فرحت بدل ما اركب عربيتنا ركبت عربية شبهها بنادي كده على بابا

لقيت شاب بيبصلي كده مستغرب مني قمت صرخت وطلعت من العربية

بس كان يوم اسود هههههههه

أكثرمادة دراسية تحبينها؟

الحاسب الآلي


اكتر حاجة تحب انها تحصل في بلدك

يكون فيه نظام واحترام للغير

اكتر حاجة وحشة فيك ومدايقاك

يمكن لما حد بيطلب مني حاجه بسيبها لحد ما اتزنق

وبعدين اعملها بكل صعوبة وجهد


اكتر حاجة بتحبها في نفسك

اني طيبة أوي واللي بيتعامل معايا بيعرف كده

ماذا تعنى لك؟؟
؟
دمعه المراه

احساس منها

دمعه الرجل

موقف صعب .. الراجل مش بيبكي على مواقف سهلة ابدا

دمعه الطفل

كلها براءة ومكر في نفس الوقت

وطريقة للوصول للي عايزه

البحر

احلى حاجه بحبه البحر ..

بحب جدا اتمشى قدامه او اني اعد وامسك ورقة وقلم واكتب اللي

في نفسي

الغروب

غروب او شروق بحبهم جدا افضل الأوقات عندي


الحياه
　
حياة حلوة بس لازم نفهمها كويس


اكتب اسم كل عضووو

جينا بقى على الأسئلة اللي مش بحبها

&


عضو مفقود... (رشا فقدتها جدا الأيام دي )


&



عضو تفرح بوجوده.. (كتييير اوي )


&



عضو تحسه واثق من نفسه ... (مستر ميرو .. احمد تكنكال وطارق )


&



عضو داخل مزاجك ... ( فيه كتير اوي )


&



عضو يغيظظك. (لا ما حدش بيغيظني الحمد لله )


&



عضو تخاف يوم أتشوفى اسمه موجود..( احنا مش بنخاف من حد ^_^ )


&



عضو ودك تغير اسمه ... ( فيه اسماء كده غريبة بس كل واحد وعلى حسب مزاجه بقى )


&



عضــو يجذبك أسلوبه وطريقـة ردوده... ( محمد الشريف )


&



عضـو أحيانا تنرفزك بـ ردوده ...( لا ما فيش حد )


&



عضو تحسيها طفولي .. ( انتي هههههه لا انتي احيانا تبقى طفولية بس ردودك في قسم النقاش بحسك عاقلة جدا )


&



عضــو يناسبه لـقب المحبوب ... ( تقى انتي يعني هههه )


&



عضو تقولله (( ماينساك أبد قلبي )) ... (رنوش بما انها غايبة عننا )



& عضو تقوله (( الله يسامحك )) .. ( ربنا يسامحنا كلها )





ولينا عوده

خدي راحتك ووقتك

ولو ما جيتيش يبقى ارحم

:icon30:

[حياتي ذكريات]

اقتباس المشاركة الأصلية كتبت بواسطة الحان الورد منـورة المصيدة يادعاء وفرصة عشان نتعرف عليكي اكتر بالتوفيق دآيما ياقمر *،،

المصيدة منورة بيكي يا جميل

تسلمي على طلتك الحلوة

منورة يا قمر

[حياتي ذكريات]

اقتباس المشاركة الأصلية كتبت بواسطة whisperer وقعتى يا دعاء ولا حدش سمى عليكى يلا بقى منورانا فى المصيدة وربنا معاكى بقى

شوفتي يا رفيف

مش تيجي بقى بدالي ولا ايه

عايزين مواقف الصحوبية تطلع هنا ههههه

قوللهم يخففو عني شوية بقى

منورة يا جميل

[حياتي ذكريات]

اقتباس المشاركة الأصلية كتبت بواسطة همسღ الجراح احم احم احم عدناااااا والله منورة يا حياتى ذكرياتى انا بقول النور دة منين اتارى انتى هنا ههههههههههههههههههههههه كلمتين حلوين اهو اى خدعة ههههههههههههههههههه سنعود با الرصاص والقنابل بعد قليل

انا مش بحب كلمة عدنا دي

تعالي بعد قليل

ههههههه

كلي عقلي بكلمتين حلوين بقى

انا عارفاكي اسئلتك جبارة

تعالي بعد بعد بعد قليل

:006: