موت وخراب ديار

[انين الاشتياق]

لو كان الفقر رجل لقتلته
انسان بسيط يشتغل علي باب الله يوم في ويوم مفيش وبيشكر ربه وراضي
بس لما تزداد الهموم وابنه يحتاج اللي عملية بالالفات ويلف علي حد يساعده ويلاقي باب الرحمة مقفول
وفجاة يظهر اللي يحلله المشكلة اكيد بيجري عليه
ماهو مفيش اغلي من الضنه
بس المقابل انه يبيع حته من جسمه ويوافق المسكين علشان ينقذ ابنه ويكتب علي نفسه مبلغ حتي اتمام العملية عشان ايه ميرجعش في كلامه
ويعمل العملية وياخذون كليته ويهربون ولما وجدهم قالوا له احنا صرفنا عليك اثناء المستشفي وماكش عندنا حاجة واحنا معنا وصل امانة يدخلك السجن ياااااااااه علي الظلم
ويرجع منزله المسكين ويلاقي ابنه مات ويبقي موت وخراب بيوت
السؤال هل تصرف الرجل دا كان صح لما باع كليته عشان يعالج ابنه ؟
ولو تصرفه كان غلط ايه الل كان ممكن يعمله؟

[Golden Mind]

اقتباس السؤال هل تصرف الرجل دا كان صح لما باع كليته عشان يعالج ابنه ؟ ولو تصرفه كان غلط ايه الل كان ممكن يعمله؟

ما فعله خطأ لانه باع جزء من جسده الله خلقه فيه

وهذا يعتبر حرام لانه تصرف فى شئ خلقه الله به

..............................

اما التصرف الثانى هو

الدعاء لله والايمان ان الله قادر على كل شئ

ولو كان هذا عمرو ابنه فاليؤمن بذلك

اما لو كان للفتى عمر اخرى

كان الله وقف بجانبه بدون الحاجه الى ان يبيع جزء منه

[حبيبتي]

لاحول الله ولاقوة الابالله
صحيح لو كان الفقر لقتلته
بالنسبة لسؤالك لا انا مش معاه انه يبيع جزء من اعضائه لانه طبعا مش حل للمشكلة اولا لان دا حرام
ولان لما يبيع جزء من اعضائه اكيد حيتعب ويحتاج لعلاج والغلاج عايز فلوص كتير يعني بيزود الهموم
وهل كان في حل اخر في مستشفيات في مصر كتير وبتعمل عمليات مجانا وباب الرحمة دائما مفتوح
اشكرك علي موضوعك وتقبلي تحياتي

[رحيق الجنه]

تجارة الاعضاء اصبحت سوق سوداء فى معظم الدول
ليس من حقه ان يبيع شيئا ليس ملكه
هذا جزاء من يخالف شرع الله

اعانه الله على الحياه هووامثاله

[قلب القمر]

ما فعله خطأ لانه باع جزء من جسده دا فعلا حرام وبعدين دا كدا جة يكحلها عماها اكتر اكيد لما يبيع حتة من جسمة اكيد هيتعب ومش هيلاقى حق العلاج

وفعلا فى مستشفيات مجانى



تسلم ايدك على الموضوع الجميل دة

[lost heart]

لا اله الا الله
الحمد لله بجد كل مالواحد يسمع الحاجات دى لازم يشكر ربنا الف مره
هو طبعا اتصرف غلط بس تفتكروا لو حطيت نفسك مكانه لحظه هتعمل غير كده لو شوفت اقرب انسان ليك بيروح منك وانت مش قادر تتصرف
ساعتها لو طلبوا روحك هتوافقك مش جزء منك بس
ربنا يصبره ويرحمه ويرحمنا جميعا
رحمتك يارب

[mon 14]

لااله الاالله
ربنا معاه ويصبره
بس بجد لو اي حد مكانه مش حيفكر يعمل غير كدا
هو بيع الاعضاء حرام بس دا ابنه ياناس وشايفه بيموت
ومفيش مصدر تاني يلجأله بعد الله
استغفر الله العظيم ولا حول ولا قوة الا بالله

[حَرفُُ هجآءّ]

طبعا الانسان لما الدنيا بتقفلها عليه من كل حته
بيبقى عايزة يخبط على كل باب
وده جاله لحد عنده
واستغلوا نقطه ضعفه اللى هو ابنه
لان عارفين انه استحاله يرفض
وكان ممكن يبيع اكتر من كده عشان يشوف ابنه كويس
معافى
طبعا التصرف غلط
لكن فى مثل هذة المواقف
احتل القلب وحب الابوة مكان العقل
الانسان ده غلطان ومش غلطان
غلطان لما فكر انه يبيع جزء من جسمه
ومش غلطان لما فكر انه يفدى ابنه بروحه اى كانت الوسيله
ربنا يصبر ويدى كل محتاج