اصعب احساس في الدنيا

[أسرة القلوب]

ياترى لما تحس انك خسرت اغلى واقرب حد ليك


ويبقى فى حواجز بينكم ومسافات وتوصل بيكم الدرجة ان الكلام بينكم يسكت


وتفضل تسأل نفسك ليه ؟ايه بس حصل ؟
انا عملت ايه لكل ده؟


وتفضل تلوم نفسك وتعاتبها


وانت برضه مش قادر تعرف ايه السبب ؟؟





ولا ياترى الاصعب انك تحب حد اوى
وتثق فيه جدا وكنت بتعتبره مودع اسرارك


وبعد شوية تكتشف انه كان بيختبرك


وفجأة تلاقى نفسك فقدت الثقة فى كل اللى حواليك وماعدتش قادر تدى الامان


لحد ولا عدت قادر تكون صداقات مع اى حد

ولا ياترى الاصعب انك تفضل تخلص وتخلص وبعد فترة تلاقى الحد ده مش يستاهل


وان اخلاصك ده فى نظره ده كان فرض عليه
وانه انسان مايستحقش اى شئ


وتكتشف انك ضيعت وقتك وتحس ان كل حاجة


جواك حلوة بتموت لانك فقدت الثقة فى كل البشر

ولا ياترى الاصعب انك تحس ان اغلى واعز الناس ليك خانوك مع اختلاف الطريقة


منهم اللى يفضل يغشك ويخدعك وانت طول الوقت فاهم انه صادق


ولكن بعد شوية
بيتضح انه شخص كذاب وحتى لو كدبه ده كان فى حاجة ماتخصكش


بس انت بتلاقى نفسك مش قادر تصدقه فى اى شئ ونفسك تفضل تقولك
اللى يكدب مرة يقدر يكدب كل مرة

ولا ياترى الاصعب انك تحس ان الدنيا بقت غابة
وانك عايش لوحدك ومش لاقي اى حد يفهمك
أو يحس بيك
يسمعك
حد يكون حنين عليك


وتفضل تقول لنفسك هو انا انسان وحش للدرجة دى؟
ليه مش اقدر الاقى حد


يسمعنى او حتى يفهمنى؟


ليـــه ؟



وللاسف هتفضل كلمة ليـه معاك كتير !!

وانت ايه ياترى اصعب احساس عيشته ؟
وياترى قدرت تتغلب عليه ؟

[looney]

الموضوع دة حقيقى للغاية وفعلا بيحدث ويتكرر كتير جدا وفعلا كلمة لية ؟ مش بتفارق الانسان وبيحس انة مقصر وانة مش فاهم حاجة بس الواحد يبدأ فى الوقت دة يناجى ربة لانة كان بيعامل ربنا فى الناس دى وبععدين لاقهم مش يستهلوة وبيسير الانسان وحيد من عدم ثقته بالناس وهيا دى بتكون النهاية

[دعاء هاني]

شكرا لك على موضوعك الجميل
لما فيه من واقعيه
اشكرك وانتظر منك المزيد

[aya1994]

اسمحى لي ابدي اعجابي بقلمك وتميزك واسلوبك الراقي وتالقك

تسلم ايدك