هى لغتنا وحشة كده

[دمعة مبتسمة]

السلام عليكم
هى لغتنا وحشة كده ...
أنا بتكلم على اللغة العربية لغتنا
هى أصبحت حشه علشان كده احنا بنستخدم كلمات غير عربية مثل :
OK_ nice _ thanks _ mirce
أو حتى لو كتبناها كده :
ثانكس _ اوك _ مرسى _ نايس
ما تفرق كلها واحد
ده حتى لغتنا هى لغة القران العظيم
ولغة النبى الكريم
أنا بتذكر ان كتاب العربى فى المرحلة الابتدائية كان اسمه ( لغتنا الجميلة )
وعلى فكرة فى ناس كتير عايزة تجعلنا نبتعد عن لغتنا وننساها
احنا بقى هنديها الفرصة ولا هنثبت ونترك هذه الكلمات اللغير عربية

هل أنتم من يستخدموا الكلمات الغير عربية ؟
ولماذا ؟
وما هو الحل للقضاء على استخدام الكلمات الغير العربية فى كلامنا بدون حاجة ؟

[حلم مكسور]

موضوعك بجد راااائع

وصحيح كلنا بننطق الكلمات دي

وفي كتير مثلا بيتكلم عربي ونص الجملة لازم يحطلك كلمة انجليزي

انا عن نفسي مستحيل اتخلى عن لغتي

تسلم الايادي يا قمر

[دمعة مبتسمة]

تسلمى
الله يعطيكى العافية
وانا كما مش هستغنى عن لغتى

[قلب القمر]

صحيح انتى عندك حق والله


واكيد طبعا عمرى مستغنى عن لغتى


موضوع جميل اوى تسلم ايدك

[محمد الشريف]

اللغة العربية هى لغة القرآن الكريم وواجبنا الحفاظ عليها قدر حرصنا على عقيدتنا

إذ ليس من العيب التعرف على ثقافات الغرب ولكن لا يجب حال معرفتنا لثقافة الغرب

طمس جوهر وأصل استخدام لغتنا العربية على الإطلاق ، ولعل الدوافع لاستخدام لغة

الغرب أغراض عديدة إلا أن تكون على حساب لغتنا الأم والأصل .

ومن يكون منا نحن العرب أحرص على لغتنا العربية ؟ فنلاحظ ونصادف من بيننا من يكتب اسمه

فى المنتديات العربية بالاسماء الأجنبية ولست أدرى الدافع لذلك حتى لفظ محمد بات بكتب

بالأجنبى والله معظمنا يعرف تلك اللغات الأجنبية ... ولكن مع الأسف من بيننا ماهو حريص

على التمسك بلغة القرآن ويأبى على نفسه استبدالها أو مجرد التقليل من شأنها باستبدالها

ومنا من يتوهم أن الفرنجة قد تضفى عليه ميزة أو سمة . والله اعلم بما فى النفوس والنوايا

إذ لايصح إلا الصحيح ... فليجعنا الله حماة للغتنا العربية فنحن الأولى بالحافاظ عليها بدلا

من طمسها عبر العصور والاستهانة بها إلى هذا الحد المزرى .

ولا حول ولا قوة إلا بالله

[تانيا]

والله معاكى حق
الموضوع ده فعلا بيعصبنى أنا كمان خاصة لما عرفت ان الغرب بيعتزوا بلغتهم جداااا
واحنا بنتكلم بلغه تانيه
والمفروض اننا نعرف ان لغتنا العربيه أعظم وأسمى اللغات
هى دى اللغه اللي نزل بيها القرأن الكريم
ميرسي لموضوعك الجميل يا دمعه
فعلا الموضوع مهم أوووووى
تقبلى مرورى المتواضع

[دمعة مبتسمة]

متشكررررررررررررة جدا على المرور
الله يعطيكم العافية

[حياتي ذكريات]

السلام عليكم

ما فيش طبعا احلى من اللغه العربية .. لغة القرآن الكريم

لغه سيدنا محمد صلى الله عليه وسلم ..

وربنا كرم لغتنا على جميع الغات بانه جعلها خالده عشان

نزل بيها القرآن وجعلها لغة عالمية .. اي مسلم في اي

مكان في العالم بيقرأها

ودولوقتي الغرب بيحاولو انهم يطمسو لغتنا ويجعلوها تتنسي

واحنا بنقلد الغرب في كل حاجه .. فطبيعي تلاقي ناس كتير

بيكتبو باللغه الانجليزية .. وكمان دولوقتي لغه الفرانكو

اللي بقت اغلب الشباب والبنات بيكتبو بيها

كل دي محاولات لطمس لغتنا ومحاولة من الدول الغربية

لنسيان لغة القرآن ..

ولسه في كتير الحمد لله بيكتبو باللغه العربية وبيعتزو

وبيفتخرو فيها .. ربنا يكتر من امثالهم

تسلمي على طرحك للموضوع .. خالص تقديري

[special girl]

السلام عليكم
موضوع مهم اللغه العربيه هي لغه القران والقران كتاب الله وبسبب كده هي اهم لغه وهي من اسهل وابسط اللغات طبعا انا معاكي حاليا كتير الجيل الحالي بيتخلوا عن العربيه الفصحي وبيستخدموا بدلا منها مصطلحات غير عربيه لكن استخدام المصطلحات غير سيء اذا كان مش تباهس ولا تفاخر فلا مشكله من استخدمها ولو بس للعلم والمعرفه واحيانا بيكون سبب استخدمها هو ظروف البيئه الي الانسان عايش فيها مثلا انسان عايش في دوله اوروبيه فغصب عنه مطر يستخدم بعض العبارات مع العرب ولكن الحفاظ علي اللغه دلاله علي الانتماء ...........

تحياتي لكي.

[رعد6]

اللغة العربيه هىاجمل لغه
لكن استخدام البعض للكلمات الاجنبيه خلال حديثه
هى ظاهره جديده ومنتشره هذه الايام بصوره كبيره
واكترها بيكون للمنظره مش اكتر
والافضل التمسك بلغتنا الجميله
ومشكوره على الموضوع
وياريت تعتبر كدعوه للعوده للغه الجميله