دوخـــــيني يا لـــمونة

[Mo chahin]

احنا كل يوم بنتعرف علي ناس , فيهم اللي بيقربوا من قلوبنا اوي وفيهم اللي مهما مر وقت علي معرفتنا بيهم بنفضل في مسافه كبيره بينا وبينهم , ممكن يكون السبب منهم او احنا اللي فشلنا في فهمهم


ربنا يعلم اللي في القلوب بنقولها احيانا لما بنلاقى صعوبه نعبر بيها عن اللي جوانا يمكن لاننانفسنا موش قادرين نفهم طبيعة المشاعر اللي جوانا دي .. وبرضه بنقولها ساعات لو حسينا بنبرة الشك في الانسان اللي بنوصفله مشاعرنا تجاهه .. واحيانا بتبقي وسيله للهروب من اننا نبوح بحقيقة مشاعرنا



ليه ساعات كتير بنحس بدموع كتير جوانا خنقانا نفسها تنزل مش عارفين ليها سبب او يمكن عندنا اسباب كتير للدموع بس احنا كنا عاملين نفسنا اننا مش واخدين بالنا لكن في لحظه بيتجمع الحزن اللي جوانا علي شكل غمامه مستنيه المطر





دايما كنت بحلم يكون عندي جناحين احلق بيهم في السما , لكن دلوقتي بقيت احلم اسيب الارض كلها , معرفش اروح فين لكن المهم ابعد عن الارض لاني بقيت احس اني مليش مكان فيها






كنت زمان وانا صغيرة بحلم الاقي مصباح علاء الدين واطلب منه يجبلي فلوس كتير اوي يمكن اقدر احقق بيها السعاده لناس كتير اوي لكن لما كبرت لقيت ان الفلوس وحدها موش هي اللي ممكن تحقق السعاده , السعاده صعبه اوي وممكن كمان تكون سهله اوي , احنا ممكن ندور كتير ومنلقهاش وممكن نكتشف انها حوالينا واحنا مكناش واخدين بالنا



حد مره سالني ازاي بنحس بالوحده واحنا حوالينا ناس كتير, معرفتش ساعتها اجاوب علي السؤال , لاني برده كنت بدور علي اجابة لنفس السؤال





دوخيني يا لمونه ..لعبه كنا بنلعبها واحنا صغيرين , ان حد كبير يمسكك من ايدك ويقعد يلف بيك لغايه لما تدوخ وكنا بنبقي في قمة سعادتنا ساعتها , لكن لما كبرنا اكتشفنا ان الدنيا بتلعبها معانا دايما

[حنـــــون]

والله معاك حق يامحمد

دلوقتى مابئاش حد عارف ايه الى ممكن يسعده

ممكن نحاول نوصل لشئ متخيلين ان فيه كل السعاده

ولما نوصله نعرف قدايه احنا كنا غلطنين

واوقات كتير بتكون السعاده حوالينا بس احنا الى مش واخدين بالنا ومشغولين

بحاجات تانيه بتكون فى النهايه السبب فى حزننا

الدنيا فعلا بتلف بالناس بس المؤمن هو الى دايما عارف طريقه ومش

بيسيب الدنيا تلعب بيه

بشكرك جدا على موضوعك وكلامك الجميل

تحيااااااااااااااااااااتى

موفق دايما

[Mo chahin]

أشكــرك يا حنــــــــون لمرورك الموفق ديما

والمفيد كتير .. أسعدنى تواجدك كما يسعدنى دائما

فى رعايه الله

بالتوفيقــ