لأنه .. معـــاق ~

[حياتي ذكريات]

السلام عليكم ورحمة الله وبركاته




كتير بيؤلمني منظر الأطفال المعاقين اللي حرمو نعمة الصحة زينا

أجبرو على العيش طيلة حياتهم .. معاقين

أطفال حرمو نعمة العيش واللعب زي الباقي ..

للأسف كمان وجدو في زمن انعدمت فيه الرحمة والرأفة بيهم

لما نشوف طفل طول اليوم محبوس في بيته .. خايف من كلام الغير ونظرات الشفقة ليه

او انه نفسه يلعب مع أطفال زيه لكن مش قادر .. قرر بعديها انه ينزل يقف

قدام باب البيت ويشوف أطفال في نفس عمره بيلعبو بالكورة مع بعضهم

وحصل الغير متوقع ان الكورة جت عنده وهو مش عارف يعمل ايه

الأطفال ينادو عليه عشان يجيبلهم الكورة او انه يحدفها ليهم برجليه

لكن هو مش عارف يتكلم وينطق ويقول.. أنا معــاق

ويلف ويرجع لبيته وكلمات السباب والشتائم تنصب عليه وهو بيتألم

من داخله ومجروح من انه مش قادر يعيش حياته زي ما بيحب

ويقرر بعديها انه يفضل في بيته أحسن ليه خوفا من انه يسمع كلمة

تجرح شعوره ..


مناظر كتير بشوفها قدامي وبتتكرر كتير بلاقي دموعي بتنساب عليا

لما بشوف طفل معاق بس بمسحها على طول بخاف لا اجرح شعوره

او احسسه بشيء من النقص ..

لكن ليه مش بنحس بيهم .. ليه انعدمت مننا الرحمة اننا نعطف عليهم

او اننا نحاول ما نجرحش شعورهم بكلمة او غيره .. مناظر وأشكال

يومية بنشوفها كتير قدامنا ولما بشوف تعامل الناس معاهم بتنبأ بمستقبل

أسود ..

فكرنا في يوم نتخيل نفسنا معاقين ؟

هترضى ان حد يجرحك او يقولك كلمة توجع قلبك أكتر من الالم الجسدي

أكيد كلنا هيبقى جوابنا لأ .. خلاص اللي ما ترضاش بيه لنفسك

ما ترضاش بيه لغيرك ..

وافتكرو كام معاق فقد نعمة الصحة ولكن علم الأصحاء معنى الحياة

وكام من معاق فقد نعمة البصر ولكن نور لينا حياتنا ببصيرته وعقله

وكتير من المعاقين قدر انه يتغلب على إعاقته وبقى عضو فعال في المجتمع

وغيره من الأصحاء ما قدروش يوصلو لمكانته اللي هو فيها

المعاق مش هو اللي فقد عضو من أعضائه في نظري المعاق

هو اللي فقد فكره ومشاعره وأحاسيسه واستهان بالمعاق ده

الكلام يطول والقلب بيتألم لحالنا اللي وصلنا ليه

ولكن يبقى السؤال

ما نظرتك للطفل المعاق ؟ وهل تخيلت نفسك مكانه ؟

[فيصــــل]

هؤلاء يحتاجون الى رعاية إستثنائية سوا في البيت المدرسة وطرق تعامل تكسبهم الثقه بالنفس

ولا نستخدم معهم طرق الاستعطاف الواضحه ولفت نظره بأنه حالة إستثنائية حتى نزرع الثقتهم

بأنفسهم ذوي الاحتياجات الخاصة عالم خاص يغفل الكثير عن إساسيات وفن التعامل معهم


شكرا على الموضوع ..

[قلـــــــــــــــــم]

السلام عليكم ورحمة الله


المعاق ............ ربي يعلم كم قلبي يتقطع وقت ما اشوف طفل معاق


يمكن ربنا اخد مهم الصحة

ليجعل لنا فيهم موقف العظة ...........

فهم بهم ثمرة ليست فينا يا اصحاء

ولكن.. من واجبنا رعايتهم في كافة متطلباتهم

وزرع الثقة المطلقة بأن لهم امكانيات اقوي منا نحن


سلمت خيتي العزيزة على الطرح المثمر المتميز دائما


اليكِ وافر التحية العطرة


دمتِ بود وتقدير

[عاشقة الهدوء]

السلام عليكم ورحمة الله وبركاتوا

اولا تعاملى مع الشخص المعاق او نظرتى ليه زى اى انسان مسلم فى قلبوا الرحمه والعطف

والحنان ليهم والان اختى وحببتى فيه اكثر من دار رعايه للمعاقين فى

جميع الدول العربيه والغربيه وكمان ليهم انجازات هايله فى جميع انواع المجالات

يعنى الحمد لله اختى فيه اهتمام بيهم وبمشاكلهم واحوالهم وسوءالك التانى

تخيلت نفسك مكانهم طبعا ومش هما بس اى انسان فقد اى نعمه من نعم الله

علينا بتخيل نفسى مكانوا بحمد الله عز وجل على نعمتوا عليه ولازم

اختى نتخيل نفسنا مكانهم عشان نرضى بقضاء الله وقدروا علينا ونرضى بما قسم

لنا فى حياتنا واسال الله ان يشفينا ويرحمنا وسائر المسلمين اجمعين اللهم امين

وتسلمى اختى على موضوعك

[حياتي ذكريات]

اقتباس المشاركة الأصلية كتبت بواسطة فيصــــل هؤلاء يحتاجون الى رعاية إستثنائية سوا في البيت المدرسة وطرق تعامل تكسبهم الثقه بالنفس ولا نستخدم معهم طرق الاستعطاف الواضحه ولفت نظره بأنه حالة إستثنائية حتى نزرع الثقتهم بأنفسهم ذوي الاحتياجات الخاصة عالم خاص يغفل الكثير عن إساسيات وفن التعامل معهم شكرا على الموضوع ..

السلام عليكم

أكيد هما ليهم رعاية خاصة غير باقي الناس

والدليل ان ليهم مدارس استثنائية ليهم لوحدهم بعيدا

عن عالم الأطفال السليمين جسديا

بس انا مختلفة معاك في نقطة اللي هي اسلوب الاستعطاف

لو احنا اتعاملنا معاهم بقسوة هنجرح شعورهم

وفي اعتقادي كفاية عليهم التعب الجسدي والنفسي ليهم

هنيجي احنا ونزيد عليهم تعبهم .. لازم يبقى فيه تعامل بحنية شوية معاهم

تسلم على مرورك الكريم يا فيصل

منور الطرح بردك .. تقديري

[جوهرةالقصر]

تسلمي يا حبيبة قلبي علي الموضوع الجميل
وكلامك الرائع
انا لما بشوف اي حد معاق سواء كان طفل او كبير
صدقيني بتالم بجد
وبحاول محسسهومش اني حزينة او زعلانة عليهم
وبحاول اضحكهم وافرحهم
علشان ميحسوش اني في حد بيشفق عليهم

وتسلمي بجد مرة تانية
موضوع اكثر من رائع

[SiLver Spectra]

عارفه هتلر المجنون كان عنده نظرية
يقولك عشان نرحم الروح الي اتظلمت في جسم شخص معاق
فنقتل الشخص دا و نحرر روحه

و فعلا كانوا بيقتلوا المعاقين كنوع من تحسين النسل!!

جنون بعيد عنك

المعاقين فعلا اكثر الناس ظلما
مهما قولنا او تعاطفنا معاهم
في الآخر هتلائيك مثلا لو اب و معاق اتقدم لبنتك هترفضه

بس اقل شيء نقدر نقدمه هو اننا نعاملهم باحترام و بقدر من المساواة
هما في الاخر بشر و ظروفهم خارج ارادتهم
و أهم شيء تربية الاطفال على احترام المعاقين
لأن دا سن خطير لما يكون المعاق صغير و يلاقي اطفال بيعيبوه
بتترسب عنده عقد نفسية


شكرا يا دعاء على الموضوع

[حياتي ذكريات]

اقتباس المشاركة الأصلية كتبت بواسطة قلـــــــــــــــــم السلام عليكم ورحمة الله المعاق ............ ربي يعلم كم قلبي يتقطع وقت ما اشوف طفل معاق يمكن ربنا اخد مهم الصحة ليجعل لنا فيهم موقف العظة ........... فهم بهم ثمرة ليست فينا يا اصحاء ولكن.. من واجبنا رعايتهم في كافة متطلباتهم وزرع الثقة المطلقة بأن لهم امكانيات اقوي منا نحن سلمت خيتي العزيزة على الطرح المثمر المتميز دائما اليكِ وافر التحية العطرة دمتِ بود وتقدير

وعليكم السلام ورحمة الله وبركاته

عندك حق يا قلم .. والواحد اما بيشوفهم دايما بيردد

الحمد لله الذي عافانا مما ابتلاه به عباده

لكل شيء حكمه في الحياة .. وربنا كان قادر انه يخلينا كلنا معافين

ولكن يمكن فعل ذلك عشان نستشعر قيمة الصحة ونشكره على نعمه

وأكيد واجبنا تجاههم اننا نحفزهم انهم يبصو لقدام وما يخلوش إعاقتهم

ترجعهم لورى وتهدم احلامهم وياما شفنا ناس معاقين انجزو أشياء

كان في نظرنا احنا مستحيلة تتعمل

شكرا ليك يا قلم .. زدت موضوعي شرفا بمرورك العظر عليه

تقبل تقديري وخالص ودي

[فيصــــل]

اقتباس المشاركة الأصلية كتبت بواسطة حياتي ذكريات السلام عليكم أكيد هما ليهم رعاية خاصة غير باقي الناس والدليل ان ليهم مدارس استثنائية ليهم لوحدهم بعيدا عن عالم الأطفال السليمين جسديا بس انا مختلفة معاك في نقطة اللي هي اسلوب الاستعطاف لو احنا اتعاملنا معاهم بقسوة هنجرح شعورهم وفي اعتقادي كفاية عليهم التعب الجسدي والنفسي ليهم هنيجي احنا ونزيد عليهم تعبهم .. لازم يبقى فيه تعامل بحنية شوية معاهم تسلم على مرورك الكريم يا فيصل منور الطرح بردك .. تقديري

أستغفر الله ... ! شنو نعاملهم بقسوة ؟؟ !!

يعني لو قمنا بزيارة مريض مقعد على كرسي المرض نبين له ان صحته في تدهور؟ !

اما اننا نرفع من حالته المعنوية ونوضح له ان صحته جيده ..

كبير السن عندما يفقد قدرته على تسيير حياته اليوميه نقول له انت كبير وراحت عليك ؟ !!

قرب كفنك ليس بينك وبين الموت الى ايام معدوده ..

اقصدي من ردي :

يجب ان نشعر ذولي الإحتياجات الخاصة بأنهم جزء من المجتمع وليس دخلا عليه وان لا نبين لهم انهم

حالات شاذه حتى يكسبوا الثقه بأنفسهم هذا قصدي ولا اقصد ان نعاملهم بقسوة !!

[rehoba]

ما اعتقدش ان فى حد لا يتعاطف مع المعاقين بالعكس الواحد لما

بيشوف معاق بيكون عايز يوفر له اى شىء هو محتاجله عشان

يفرحوااا ويحسسو ان فى ناس بتهتم بيه اكثر من اى حد ومن لا يفعل

ذلك بيكون متحجر القلب ومعندوش احساس بالاخرين


مشكورة على الموضوع

تحياتى