ياما اتكتب شعر في الام .. انما عمركم سمعتم قصيده للاب ارجوكم ادخلوا اقروا القصيده دي

[ana.mosh.katkot]

قصيده من الادب الفلكلوري

كتبها شاعر ما حدش يعرف اسمه لغاية دلوقتي

بيقول


ياللي انت عقلك عقل عيال
اسمع زجل واحد زجال
هيقول كلام له فايده وعال
علشان ما تعرف فضل ابوك



ابوك صرف لجل يربيك
ولا كانش يوم يستخسر فيك
وكنت تعيا وابوك يداويك
وان كنت عشت الفضل لابوك


ياما في صغرك باس في ايديك
وياما وسخته برجليك
وطول حياته بيجري عليك
جسمك ومالك من خير ابوك



يحرم في نفسه ويطعم فيك
ويعري جسمه عشان يكسيك
وان زدت عنه بيفرح بيك
ده شئ طبيعي لانه ابوك




صرف عليك من دمه فلوس
مين نغنغك اكل وملبوس
وان شكتك شكة دبوس
مين كان بيتالم غير ابوك



يسهر عليك لما انت تنام
وان نام يشوفك ف الاحلام
دا انتا ان عرفت مقامه تمام
لولا الايمان تسجد لابوك




ياما شرب ذل وتلطيم
وحط مليم فوق مليم
علشان تتم انت التعليم
ازاي هتنكر فضل ابوك





والدك بيحرم نفسه القوت
وبيشتري عمارات وبيوت
عشان يفوت ليك لما تموت
شئ ينفعك .. شوف حب ابوك



تجيب منين خلق يحبوك
ف الدنيا اد امك وابوك
طبعا مفيش ولا حتي اخوك
ميب صبحك راجل غير ابوك



لو طال يجيب ليك الف قميص
والف بدله عشان ما تهيص
مين اللي قال الاب رخيص
حقك تصلي وتدعي لابوك





بكره اما هتخلف مسخوط
ولا تجيب عيل قطقوط
تعرف مقام والدك مظبوط
وتبقي تترحم علي ابوك







الاب بجد مظلوم اوي في مجتمعنا يا جماعه
محناش قريبين منه
ولا بنطبطب عليه
ولا بناخده في حضننا زي الام

دعوه .. لمصاحبة الاب
بقالك اد ايه ما بوستش ابوك ولا خته في حضنك ...؟؟؟؟؟؟؟؟

شوف انت قاسي اد ايه

الاب مش حاكم عسكري
ولا حد مكشر وبيشخط عالطول

الاب حد غلبان ومطحون اوي
ومحتاج اننا نحبه ونقرب منه ونتصاحب احنا معاه
مش ننتظره لما هو اللي يكلمنا ويتودد لينا

لازم احنا اللي ناخد المبادره

اشكركم وطاب مساؤكم