اعمل عبيط .............؟

[ozy]

اعمل عبيط وأنت تستمع
إلى السياسى اللعيب وهو يرص الأكاذيب حجراً على حجر مثل أحجار الشيشة وهو ينشر
قنابل الدخان فى كل مكان حتى لا نرى الحقيقة.


اعمل عبيط وأنت ترى مظاهرات
السلالم فى نقابات وسط البلد تحاصرها الإحباطات كما لو كانت تحاصر القوات
الإسرائيلية فى الثغرة فى السويس.


اعمل عبيط ولا تسأل عن أى تعديل وزارى
ولا كيف جاءوا ولا لماذا ذهبوا.

أعمل عبيط وانت تدفع ضعف مرتبك دروساً
خصوصية لإبنائك مع أن الحكومة تؤكد دائما مجانية التعليم.

اعمل عبيط وأنت تشاهد برامج المطبخ فى
التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل
عبيط واستمتع بحفل البصل والفول المدمس.


اعمل عبيط وأنت تستمع إلى رجال
الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات
الآلاف ولكن الشباب يفضل الجلوس على المقاهي.


اعمل عبيط إذا رأيتهم يطاردون
عملاء التوك توك فى كل مكان وكأنهم جواسيس دخلوا البلاد بدون رخصة أو
تأشيرة.


اعمل عبيط وأنت ترى العمالة
المصرية مسحوقة تحت رحمة الكفيل ومطرودة من أمام أبواب السفارات.

اعمل عبيط ولا تتحدث عن حقوق الإنسان
تحدث عن حقوق الحيوان.. أضمن ألعب ع المضمون.

اعمل عبيط وخليك في الصورة.. زاحم..
انحشر.. خليك غتيت.. قاتل وقل لنفسك لا فيها لاخفيها.

اعمل عبيط ولا تتحدث في السياسة.. امشي
جنب الحيط الأحوط.. امشي جوه الحيط

اعمل عبيط ولا تقترب أبدا من مكانين:
قسم الشرطة ومبنى السفارة.

اعمل عبيط لما شيخ الازهر يقولك النقاب
عاده مش عباده


اعمل عبيط وكأنك لم تقرأ هذا الكلام..
وحاول أن تعمل حاجة لمصر.. فالسيارة عطلانة...
لكن البكاء لن يدير الموتور..


قل للناس من حولك يلا يلا يا رجالة .. إيدك يا حج اللي يحب
النبي يزق.
واوعى تعمل عبيط
..!!



يا ترى هتعرف تعمل عبيط
؟؟!!

[BANOTA COOL]

يسلمو الايادى الحلوين على الموضوع الاكثر من رائع
بس يا ترى لو انا عرفت اعمل عبيطة بقيت الشعب
هيعرف؟؟؟؟؟؟؟؟؟؟؟؟؟
دى مش مشكلة واحد او اتنين او الف ولا الفين
دى مشكلة بلد وبشر ومكافحين
لكن عفوا هذا ليس زمن الشرفاء
ميرسى

[ozy]

تسلمى بنوته بس حولى تعملى عبيطه

وتسلمى

[ڪــــبرياء الروح]

يسلموووووووووووووو ع الطرحّّّّ

[ozy]

يسلمواااا على المرور

[What do u think of u]

ميرسي علي موضوعك المميز

[فيروزه]

	ولحد امتا هعمل نفسي عبيطه ؟؟ ولا عشان اعيش واكمل لازم اعمل نفسي عبيطه موضوعك رائـــــــــــع وطرح اروع وتسلمـ الايـــــــــادي بجد

[ZoZa 2010]

التوبيك روووووووووووووووعة

تسلم

[ozy]

اقتباس المشاركة الأصلية كتبت بواسطة What do u think of u ميرسي علي موضوعك المميز

تسلمى على المرور

[ozy]

اقتباس المشاركة الأصلية كتبت بواسطة فيروزه ولحد امتا هعمل نفسي عبيطه ؟؟ ولا عشان اعيش واكمل لازم اعمل نفسي عبيطه موضوعك رائـــــــــــع وطرح اروع وتسلمـ الايـــــــــادي بجد

تسلمى يا فيروز على المرور الجميل