براءة الاطفال تتناقص

[حَرفُُ هجآءّ]

اقتباسالمشاركة الأصلية كتبت بواسطة the nice personالحمد لله أنا عديت من مرحله الطفوله أيام زمان
يعني الله يرحم ايام زمان
أيام مكنا يتستحيل على بابا وماما عشان نتفرج على مزنجر
وكعبول وعبقرينو

يعني القناه التانيه الأرضيه
وسعات كانت الرابعه

أمال دلوقتي
في قنوات كتير أوي مخصصه للأطفال
وإللي أكتر من كده الحلقه إللي بتفوته بيجبها من على النت

دا مثال بسيط جدا
سن براءه الاطفال تقهقر
بقى من سن سنه
إلى سن ثلاثه سنين
يعني قبل ما الطفل يتعلم الكلام

فعلا وصلت لمرحله الطفوله لسن صغير جدا
حتى والله الصغييرين دول عارفين حاجات كتير
مكناش نعرفها زمان
من اخطر الحاجات دلوقتى الانفتاح الزايد عن اللزوم
اللى خلى الاطفال مش عايشين سنهم الطبيعى وكبروا قبل اونهم
ميرسى لمرورك

[حَرفُُ هجآءّ]

اقتباسالمشاركة الأصلية كتبت بواسطة ياسر ابو مسلمتسلم ايدك على هذا
احبك الله

اشكرك على مرورك الذى زين صفحاتى واعطاها عطر جذاب

[حَرفُُ هجآءّ]

اقتباسالمشاركة الأصلية كتبت بواسطة ZoZa 2010النت والدش مش بس السبب في المعرفة

أنا مثلا وأنا صغيرة كانوا مسميني الطفلة المعجزة

لأني كنت أعرف حاجات وبتكلم أحسن من الكبار

علي الرغم من أننا مكنش عندنا كمبيوتر وقتها

بس السبب في كدة أخواتي قصدي الطبيعة اللي حولين الطفل

سبب في نصاحة الطفل

يامعجزة نورتى الموضوع
بصى النصاحه على ادب واسلوب كويس جميله اوى
انا عن نفسى بحب لماضه الاطفال اوى وبحب اتكلم معاهم
بس لما توصل انهم فهمين فى حاجات صعب العقل يستوعبها
بتبقى صعبه اوى
مفيش مشكله يكون الطفل ناصح ومتفتح بس برضو فى حدود طبيعه سنه
كل مرحله لازم يعشوها بكل حاجه

ميرسى يامعجزة على مرورك الجميل

[المعتزة باسلامى]

السلام عليكم موضوع جميلوفعلا البراءة بتاعة الاطفال قلت بشكل ملحوظ وبقوا يعرفوا اكتر من سنهم
ودا ليه ايجابياته وسلبياته
زى اى حاجة فى الدنيا
تصدقى ان زمان كان وقتنا مترتب اكتر واللخبطة اللى حاصلة دلوقت لان كل واحد عايز حاجة ممكن يتفرج عليها فى اى وقت عايزه ويسهر لكن زمان كان اجبارى التلفزيون اخره أوى للساعة اتنين
شكراااااااااا عالموضوع

[حياتي ذكريات]

السلام عليكم

بصي انا هكلمك عن تجربة شخصية أنا عندي أخ عنده 14 سنة

يعني في سن المراهقة ما اعتقدش ان عقله طفولي خالص

لان اصلا التعامل معاه مش بيتم زي ما بنتعامل مع الاطفال

بالعكس انتي تعرفي دولوقتي ان الطفل اما بيوصل لسن 11 سنة

بيبقى عارف كل حاجه وفاهم كل حاجه .. يعني مثلا لو اعتبرت اخويا

ده طفل مستحيل أقدر أعامله زي واحد عنده 7 سنين مثلا

دولوقتي العقليات اختلفت جدا .. والسبب في ده مش بس في

النت او وسائل الاعلام المختلفة كمان البيئة المحيطة بيهم بيبقى ليها أثر عليهم

بعدين مثلا فيه دولوقتي بنات اعمارهم 14

سنة وبيفتحو بيوت وعقولهم بتبقى ناضجه جدا

انا شايفة براءة الأطفال بتبقى لحد 9 سنين او أقل كمان .. انا افتكر اما كنت

في خامس ابتدائي كنت فاهمة كويس ايه اللي بيحصل حواليا

المشكلة في الاطفال دولوقتي لما تلاقي طفل عنده 7 سنين بيتابع مسلسل

ولا فيلم وتلاقيه مندمج أوي معاه ده انا افتكر كنت آخري توم وجيري ^_^

انتي عارفة اني مرة دخلت عند بيت عمي لقيت بنته عندها 8 سنين كده

بقولها بتتفرجي على ايه قالتلي على فيلم ...... قلتلها انتي بتتفرجي على افلام

قالت اه مش بحب برامج الاطفال دي وحشة اوي ده احلى تعالي تابعي معايا !!

على فكرة انا عندي اخ صغير لسه ما دخلش مدرسة بيفهم كتير في الكمبيوتر

وبيفهم في النت وبيدخل على مواقع الألعاب .. صراحة انا بدايق جدا لما بلاقيه قاعد

على النت بس المشكلة دولوقتي مش بقدر أمنعه لانه كان غلط من البداية اني

سمحت ليه يعد عليه ويعرف يدخل العالم ده .. والمشكلة بقى انه آخر العنقود

ووالدي مدلعه على الآخر يعني صعب جدا اني امنعه يسيب النت وهو اتعود عليه

خالص بس أكيد فيه مراقبة ليه وبنشوف هو بيعمل ايه

وكمان لو لاحظتي حتى افلام الكرتون دولوقتي بقت تشحن الاطفال بأفكار جديده

وسيئة للغاية وبشوف نتايجها على كتير ..

البراءة لسه موجوده بس هتلاقيها في البيوت اللي مش فيها تلفزيون او نت او غيره

اما الباقي فمجوده لكن قليل جدا ..

تسلمي على طرحك .. خالص تقديري ليكي يا أٍسيل

[ŘǾnỳ ĊŰtỷ-Xx]

ليه بس بتقولوا الكلام ده أنا كده حزعل
وبعدين النت ملهوش علاقه بالبراءه ما دام كان على أسس صحيحه ومادام فى رقابه من الأهل

[بوحه الصباح]

يسلموووووووووووووو
توبيك غاية في الروعه