{كان} عنــدي أصــحـــاب

[Loyalty]

لية كدا بس يا تقى

كلنا اصحابك يا هارتى

وممكن اصحابك الا انتى مفكراهم نسيوكى

ممكن يكونوا هم زعلنين منك والا حاجة وانتى مش واخده بالك

وفعلا الاختيار مهم جدا فى الفريندس

بس انتى اكيد هتصحبى كتير وتفارقى كتير

بس الصاحب الحقيقى هو الا هيفضل معاكى العمر كله ان شاء الله

وبصراحة مظنش دا موجود هع ,,,,, متفاءلة بعيد عنك هع

ومتزعليش نفسك يا هارتى وبدل انتى متاكدة انهم هم الا نسيو الصداقة الا بينكوا

فوكك منهم خلاص وانتى مستهلهمش

وكلنا اصحابك يا تقى دونت ورى

[حياتي ذكريات]

والله يا تقى ما فيه حد يستاهل زعلك عليه

زي ما بيقولو ( اللي يبيعنا نبيعه حتى لو كان غالي )

انا ماشية بالنظام ده في حياتي .. اللي يبيعني يبقى ما يستاهلنيش

وعمري ما أروح أحط السبب على اللي باعني

السبب مني أنا وانا اللي لازم أتحمله لاني غلطت في اختياري

سيبك من الموضوع ده وما تشيليش هم بكرة تلاقي اللي يستاهلك

وتعرفي معاها معنى الصحوبية بجد

[تانيا]

تقى .. شكلك زعلانه أووووى من صحابك
بس عادى ولا يهمك ..
مدام انتى مغلطيش خلاص يا بنتى اللي يبيعك بيعيه
بس عاوزه أقولك ان مش كل الناس وحشه
وصوابعك مش زى بعضهااااا .. ومتصدقيش أى حد يقولك انتى صحبتى أو انتى أختى لأن الصداقه مش كلام دى مواقف .. وأديكى عرفتى متزعليش
المهم اختيارك يكون أحسن بعد كده
ولا يهمك يا قمر

[مهندسه بغداد]

هو مش ذنبك ياتقى عشان انتي اخترتي غلط

هو انتي كنتي تعرفي منين انوا الصديق اللي حبتيه

اعتبرتي انوا معزته زي معزه اخواتك بيطلع في الاخر كده

كان ليكي الظاهر ومش كنتي تعرفي اللي جواه

من نحيتك عشان كده الاختيار ملهوش دعوه

وعشان كده انسي واوعي تفكري فيه او تندمي عليه

واكيد ربنا هيديكي صديق يحبك عن جد من جواه

لانك كويزه وطيبه ربنا يديكي الصديق اللي زيك

عشان كده فرفشي وانسي وورينا ضحكتك

اتفقنااااااااا..

[countess]

اولا بجد كنت فا قدتك بس قلت يمكن علشان الاجازه بدئت انك مش بتقعدي عا النت

معلش كلنا مرينا بصدمت الاصدقاء


اهم شي انك انتي مش الي بديتي بنسيانهم او جرحهم

[special girl]

السلام عليكم ورحمته الله وبركاته:-

تقي القمرايه؟؟؟بجد وحشاني موووت والله بس فرحت جدا لما..................انتي عرفه بقي ايه؟!


بصي يا تقي الدنيا علي الرغم من كل الي فيها بس هي دار فانيه

يعني هتخلص وتروح وبعدين احنا بنعيش فيها كام مره؟؟هي مره وبس ليه نضيع الفرصه !

لا خليكي فرحانه وسعيده وانسي الجرح او الخيانه وبعدين مش كل الاصدقاء سيئين فعلا في اصدقاء

مش يستاهلوا اي خير ولكن في الاصدقاء الي بجد فعلا وانتي والله تستاهلي كل خير يا قمر

وبعدين مش تبكي علي الي باعك ربنا يسامحه ويهديه ومش اكتر وربنا يوفقك وتلاقي

الاحسن منه مليون مره يا رب.

[فــــــــــرح]

وفي يا تقى انا حقولك على حاجه عني انا وممكن تكون
عزاء ليكي..
انا والله العظيم معنديش صديقه صدوقه
كل اللي عرفتهم مش وحشين بالعكس احسن مني
بملايين المرات وسعيده اني عرفتهم وتعلمت منهم
بس جا اليوم اللي نفترق فيه
للظروف كل حد والدنيا تلاهي
يعني ما اقدرت اقرب من حد واقول دي تؤومتي
هي وحده اللي بجد حسيتها اخت ليا
وبرضو افترفنا وبقيت اكلمها كل فين وفين
للظروف شغلها وظروف شغلي
فمن منطلق كل اللي حصل معايا على مراحلي
العمريه قررت اني اكون انا وزميلاتي لكن مش صديقاتي
وبجد بقيت عادي يعني مش حاسه اني محتاجه
للصديقه تشا ركني همومي ومشاكلي
لا بقيت صديقة نفسي وقلمي بس
يعني والله العظيم اما بكون مدايقه وعاوزه افضفض
بختلي بنفسي ومبفكرش فصديقه تواسيني
او حبيب يداويني
بكون انا وبس وبرتاح جدا من غير ما شيلش هم
اني انكسر قدام حد او انهار
انا مش بقولك ما تكونيش صداقات
ولا تثقي في الناس
لا طبعا بس حطي قدامك اسوا الاحتمالات
يعني ان حيجي يوم وانتي تتغيري او هي تتغير او الظروف
المحيطه فيك وفيها ممكن تتغير وتغيركم
ودي خبرات بنكتسبها من خلال معرفتنا بأصناف الناس


وربنا يوفق كل اللي عرفتهم فحياتي واحتكيت بيهم
وانا مش بنكرهم ابدا بس انا اللي مقدرتش اكون صديقه ليهم..

[ZoZa 2010]

للأسف ياتقي مفيش دلوقتي حاجه أسمها صداقه

كل واحد بيصاحب حد دلوقتي بيكون له مصلحه معاه

والناس كلها كده وقليل جدا لما تلاقي صديق بجد

أنا بطلت اصاحب حدلأن مفيش حد له أمان اليومين دول

المهند متخدنيش في دوكه
:

:

:

:

:

:

:

:

وحشتيني يابت

[тoкα..♥]

اقتباسالمشاركة الأصلية كتبت بواسطة dr.pharmaايه يا بت يا تقى مالك

بلاش النظرة دى للحياه

الاصحاب مش بيتعوضوا يعنى قليل اوى

اللى هتلاقيه بيفهمك وبيسمعلك وممكن يكون حصل سوء تفاهم

مش سهل انك تبيعى او تنسى الناس اللى حبيتيهم وهما كمان حبوكى

بصى يا تقى اللى يبيعك حاولى تساليه هو باعك ليه

تعرفى السبب اللى خلاه يعمل كدة ممكن يكون انتى غلطانه

واذا بقى ملقتيش سبب ولاقيتى ان البيع فى دمهم

خلاص بيعى بقى زيهم بس الاحسن انك تسيبى ذكرى كويسه

يعنى تكونى احسن منهم كمان وتنسحبى بكل هدوء وسهوله

وعلى راى اللى بيقول

من لم يرانى ذهبا فى عينيه لا اراه نعلا تحت قدمى

وفى روايه اخرى

من لم يرانى ذهبا فى عينيه لا اراه ترابا تحت قدمى

فكك يا بت يا تقى واضحكى كمان وكمان

هو احنا هناخد منها ايه غير الضحك

هههههههههههههه

مش هناخد منها حاجه خالص ياختي
ولا حتى الضحك
اضحكي اضحكي
بس عجبتني دي
من لم يرانى ذهبا فى عينيه لا اراه ترابا تحت قدمى
شكرا لمرورك يا رفيف
منورة
::

::

[тoкα..♥]

اقتباسالمشاركة الأصلية كتبت بواسطة همسღ الجراحياية يا قمر مالك بس
حمدلله على السلامة الاول
والله وحشتينا

وموضوع الصداقة دة بيكون زى البطيخة الله اعلم با للى جواة
بس انتى لازم تختارى وتختارى صح
ومش عيب صديق او اكتر يروح منك بس هتتعلمى هو راح لية
لازم نغلط عشان نتعلم من اخطائنا
ومتزعليش لان زى ما فى اصحاب كويسين اصحاب مش كويسين

الله يسلمك يا همس
انتو وحشتوني اكتر
معاكي حق يا همس هتعلم هو راح لي
شكرا يا همس للمرور
منورة
::

::