يوميات مضحكة (متجدد ان شاء الله),

[Loyalty]

سلامووو عليكوو



دى يوميات مضحكة




اول حلقة مش هنزلها لانها كان متنزله من قبل احد الاعضاء مسبقا

فهنزل تانى حلقة وهتبقى الحلقات متجددة ان شاء الله


وعشان تتبعوا اليوميات من اولها

دا اللينك بتاع اول حلقة

http://forums.msryat.org/showthread....A+%DD%ED%E5%C7

::::: كل يوم هتبقى حلقه وكل اما يوميات قصة تخلص هنجيب يوميات قصة تانية ان شاء الله ::::::


والقصــــــــــة دى اسمها يوميات لواحظ وعبد المتجلى ,,,,,,,




ولما تخلص ان شاء الله هجيب يوميات لقصة تانية وهكذا ..............





( الحلقة التانية )



عريس الغفلة

طبعا اختنا لواحظ قررت تتطفش العريس بس لما جه عبد المتجلى هو وامه .............. تعالو نشوف عملوا ايه


الحلقة التانية


(من يوم ما الست ام لواحظ عرفت بمعاد الخطوبة والبيت بقى فى حالة طوارىء خبط ورزع وتنفيض ويوم الخميس البيت بقى ولا بيت المحافظ وجاهز لاستقبال الفارس الهمام عبد المتجلى )



اوضة لواحظ.......لوووووووووووى لووووووووى وبنات العيلة بيغنوا ماتزوقينى ياماما قوام ياماما ده عبد متجلى بره وجايب الشكمان ياماما




لواحظ اوووووووف عيال رخمة ربنا ياخدهم )وعشرة واقفين يزوقوا فيها وهى ضربة الوش الخشب ومش طايقة دبان وشها



فى نفس الوقت كان عبد المتجلى والست والدته طالعين على السلم وماسك ايد والدته الست بهية
الست بهية:بشويش يا بنى مفاصلى بتنقح عليا



عبد المتجلى:يلا بقى يا أما عاوز اشوف لواحظ
(كان الاستاذ برعى جار والد لواحظ نازل بالصدفة وبص لعبد المتجلى بحسرة وقاله:ان لله وانا اليه راجعون مبروك يا عريس ربنا يتولاك برحمته يا بنى




الست بهية:وشوشت عبده وقالتله سيبك منه ده شكله مجنون الراجل ده شوف شعره منكوش ازاى ومتعور




عبد المتجلى :الراجل ده خضنى هو يقصد ايه



الست بهية :كل خير يا ضنايا ماتخفش



عبد المتجلى ظبط القميص ورفع البنطلون ومسك علبة الجاتوه اللوكس اللى جايبهامعاه وضرب جرس الباب (غلطة عمرك يا عبده)



الست بهية:تبصله وتضحك اسم الله عليك يا حبيبى شبه المرحوم ابوك الخالق الناطق فينك يا شلبى تشوف ابنك وهو بيخطب




الام تفتح الباب وفرحانة على الاخر)اهلا اهلا اتفضلوا



الاب:اهلا وسهلا اتفضلوا ويسلم على عبده ويدخلهم الصالون



الام دخلت عند لواحظ الاوضة)يلا يا حبيبتى عريسك وصل هاتى العصير وتعالى بشويش وافردى بوزك شوية



لواحظ :الهى كان وقع من على السلم هو وامه وجالهم ارتجاج وريحونا بقى



الام:عيب يا بت ده الواد فلقة قمر يا خيبة وطول بعرض وشنبه يقف عليه الصقر



لواحظ :صقر لما يخرم نفوخه وكمان بشنب يادى القرف عاملى فيها الملك فاروق




الام:يلا بطلى طولة لسان وشهلى اخرجى بطل ما ابوكى يتنقط منك كفاية اللى طفشتيهم قبل كده بعاميلك السودا



(ام لواحظ تسبقها على الصالون وترحب بالضيوف )
الام:اهلا اهلا منورة يا ست بهية



ست بهية:بنورك يا ام لواحظ



(عبد المتجلى مكسوف وعامل عريس ووشه جايب الوان الطيف)



الاب هو الواد ده اخرس ولا ايه)وقام رزعه بايده على كتفه منور يا اسطى عبده




عبد المتجلى:الله يخليك يا عمى



الاب الواد مؤدب واخلاق والله خسارة فى المدفع الرشاش اللى هيهل علينا دلوقتى)( هههههههههههههه عسل الراجل ده )



ست بهية:أمال فين ست العرايس؟



الام:جاية حالا يا حبيبتى(يا لواحظ تعالى سلمى على الضيوف)





(تدخل لواحظ وماسكة صينية العصير وعاملة فيها نسمة وسى عبد المتجلى رافع نص عينه وبيبص على فتاة احلامه اللى هتقلبهاله كوابيس باذن الله)



لواحظ :سلام عليكم (وقعدت من غير ما تقدم العصير
وامها قاعدة تبصلها عشان تتحرك وتقدمه ولا حياة لمن تنادى)




الست يا عينى قامت وقدمته ودارت الموقف بس كان هاين عليها تقعد على لواحظ تبططها من كتر غيظها وهى موصياها تقدم لحماتها الاول وبعدين العريس




الاب:سلمى على خالتك ام عبد المتجلى يا لوزة
لواحظ الهى يسلم عليها قطر هى والمحروس ابنها واخلص منهم) أزيك يا طنط وبتضحك ضحكة صفرا طبعا




ست بهية:الله يسلمك يا مرات ابنى يا غالية
ايه رأيك فى عروستك يا عبودى



عبد المتجلى:ماصدق طبعا وبص للواحظ وهى مودية وشها الناحية التانية ومش طيقة تبصله وقال ماشاء الله يا امى



لواحظ الله ياخدك انتا وامك يا شيخ)



ست بهية: ها يا حج متولى طلباتك انتو تأمروا



الاب:الامر لله يا ست بهية احنا بنشترى راجل



(الاستاذ متولى والست بهية وعبد المتجلى مركزين فى تفاصيل الجواز لواحظ قاعدة مخنوقة وحالفة تطفشهم)




لواحظ :بصت لعبد المتجلى لاول مرة من اول القاعدة (ايه ده يخرب بيت سنينك ده طلع قمر )
ونزلت عينها وبعد تفكير عميق قررت تدى عبد المتجلى فرصة أما لاقته امور كده




الاب:ها يا لواحظ ايه رأيك يابنتى نقرا الفتحة(وهو حاطط ايده على قلبه خايف تعمل اى مصيبة زى عوايدها)




لواحظ :اللى تشوفه يا بابا (يلا مع ان شنبه بيفكرنى بهولاكو زعيم التتار)



ست بهية:مبروك يا ولاد وقروا الفاتحة
(لوووووووووى لوووووووووى)وام عبد المتجلى قعدت تعيط



ست بهية:اهىءاهىءاهىءاهىء فينك يا ابو عبده تفرح معانا




لواحظ الولية النكد دى مش هتنفع معايا)اجيبلها سى السيد بتاعها ده منين دلوقتى



عبد المتجلى:روقى بقى يا حجة زمانه حاسس بينا دلوقتى



لواحظ زمانه مرتاح من امك النكدية دى والله)
(معلش يا جماعة اصل لواحظ مش نكدية خااااااااااااااااالص وهتشوفوا بعدين )




الاب:يلا بقى يا جماعة الغدا جاهز وخلونا نفرح بقى بخطوبة الولاد




(وبعد الغدا مشى عبد المتجلى ووالدته وهو فى منتهى الانشكاح ما هو مش عارف اللى هيجراله ولو عرف هيتمنى يروح هو لابوه شلبى بتاع المراجيح)



(اوعوا تنسوا انتو معزومين على الشبكة وربنا يهنى لواحظ بعبد المتجلى)


انتظرونى الحلقة الجاية دى هاتعمل عمايل ههههههههههههههههههههههههههههه اراكم على خير ....................

[بـقـآيـآ ح ــڻيـڻ დ]

ههههههههههههههه
انا عاوزة اتجوز ميكانيكى يا لولو
بجد يوميات جميلة موووووووووت
وشكل لواحظ دى مخبيه وراها مصايب
ربنا يستر
متابعة معاكى ومستنية الحلقة 3 بسررعة

[الأميرة منة]

ههههههههههههههههه تووووووووحفة القصة

وانا اول المعزومين

ميرسى يااقمرى عالمجهود

[Loyalty]

اقتباس
المشاركة الأصلية كتبت بواسطة هدوء القمر

ههههههههههههههه
انا عاوزة اتجوز ميكانيكى يا لولو
بجد يوميات جميلة موووووووووت
وشكل لواحظ دى مخبيه وراها مصايب
ربنا يستر
متابعة معاكى ومستنية الحلقة 3 بسررعة

ههههههههههههههه

انتى الاجمل يا حنوننتى

وان شاء الحلقة الجاية النهاردة بليل

ثانكس على مرورك يا سويتى

[Loyalty]

اقتباس
المشاركة الأصلية كتبت بواسطة الأميرة منة





ههههههههههههههههه تووووووووحفة القصة

وانا اول المعزومين

ميرسى يااقمرى عالمجهود



هههههههههههه

وكلم يا سويتى

نورتى التوبك

[aya1994]

ههههه

قصة روعة

تسلم الايادى

[Loyalty]

اقتباس
المشاركة الأصلية كتبت بواسطة aya1994





ههههه

قصة روعة

تسلم الايادى


الاروع مرورك

ثانكس يا سويتى

[Loyalty]

يا دبلة الخطوية


الحلقة الثالثة




(طبعا عارفين ان الحسناء لواحظ على وش شبكة وعاملة عروسة بقى )


اوضة لواحظ........النور مطفى وعبد الحليم بيغنى جانا الهوا جانا و لواحظ قاعدة هيمانة وماسكة الموبيل يمكن عريس الغفلة يتصل بس ده برضه مايهزش فى لواحظ الجبارة شعرة




لواحظ :مااااااااااماااااااااا



الام:ايه يا بت رعبتينى ربنا ينتقم منك



لواحظ :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج عليناكده زى الدبانة



الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية



لواحظ :لالالالا انتى دماغك راحت فين يا ام لواحظ انا بس عاوزة ارتاح منكم مش حبا فى المنيل عبد المتجلى ده



(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )




الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده




لواحظ :يومه اسود زى كف ايده سى عبد المتجلى المزحلق بتاع بنزين ورا يا اسطى



بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف


الام:ربنا يستر عليك يا بنى وتطلع سليم من تحت ايدها




تررررن تررررررررن
(لواحظ ضحت برصيد الموبيل وطلبته )






عبد المتجلىيفتح عليها) أفتح الكابوت يا ابن المتضايقة وشوف الزبون وريحه



لواحظ : نعم يا اخويا
عبد المتجلى:الوووو لا يا شكمان قلبى مش انتا يا جميل



لواحظ:احترم نفسك يا موتور احلامى
عبد المتجلى:ههههههههه والله عسل يا لظلظ



لواحظ :طب سيب عشة الفراخ اللى انتا فيها دى وركز معايا بقى عشان ما اقلبهاش عليك



عبد المتجلى:خير يا لواحظ انا زعلتك فى حاجة؟
لواحظ :هو انتا تقدر يا سبعى



بص بقى يا أما انزل انا وانتا نختار الشبكة وبلاش حماتى تديك فى حقن تحت الجلد يا أما تنسانى يا عبودى للابد اهىء اهىء اهىء اهىء انا اعصابى تعبانة ومحدش حاسس (فتكات بتعيط!!!!!!!!)


عبد المتجلى:طيب وحياتى عندك لو كان ليا عندك خاطر...... ما تعيطيش يا لظاظة قلبى



لواحظ هو عامل فيها انغام ولا ايه بس كويس البصلة جابت نتيجة ) المهم يا عبده قلت ايه؟( خلصنى بقى صحيح رغاى زى امك بهية المستخبية)




عبد المتجلى:لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا لظلظ ولا تزعل يا جميل



لواحظ :طب يا عوعو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها



عبد المتجلى:من عنيا الجوز وايدى اللوز.......يا محلول جلوكوز



لواحظ يخرب بيت ملافظك) تسلم ايدك يا عبده وما تنساش تغسلها قبل ما تاكل بدل ما تتسم من الهباب بتاع العربيات ومالحأش اجيب حتى دبلة خشب وابقى ارملة




عبد المتجلى:ههههه سكر والله يلا خلى بالك من نفسك سلام




لواحظ (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة




الام:اروبة زى اللى خلفك ياعينى عليك يا عبد المتجلى انتى لو مش بنتى كنت قلتله اصرف نظر يابنى وشوفلك واحدة تانية




(اشتروا الشبكة و لواحظ لبستها الحمد لله واليوم عدى على خير من غير اى خساير ولواحظ كانت زى الحمل الوديع ما هى العروسة بقى وبذكائها اشترت كل اللى نفسها فيه بالرغم من ان ام عبد المتجلى كانت هتتشل من كتر المصاريف اللى صرفتها وحطت فتكات فى دماغها خلاص)




عبد المتجلى :احمممم عمى بمناسبة اليوم اللى زى القشطة ده لو ممكن يعنى اخد لواحظ اعشيها بعد اذنك



الاب وهو مجعوص اوى وفارد نفسه على الكرسى وعامل ديك رومى )والله يا عبده يا بنى انا معنديش بنات تخرج مع واحد غريب ....هو ده اللى عندى




الام:يوه يا متولى ماهى بقت خطيبته يا حج
لواحظ عليا النعمة ان ما رضيت يا متولى هشغل السخان عليك مية بتغلى وانتا فى الحمام )وتبتسم لابوها ابتسامة صفرا وهاين عليها تديله بالبوكس



عبد المتجلى ينظر لحناطة اخو لواحظ وهو قاعد زى برميل الطرشى وهاجم على علبة الشيكولاتا وقضى عليها ايه رايك يا عم متولى ناخد الامور حناطة معانا واهو يتعشى معانا انا شايفه خاسس كده وما بياكلش



حناطة:هييييه هتعشى .......خلينى اخرج مع ابيه عبده يا بابا



الام:خلاص بقى يا متولى ورحمة المرحومة امك ما تكسف عبد المتجلى



(واتنهد ابو لواحظ وسكت شوية)



عبد المتجلى مااااااشى يا متولى بيه ورحمة امك بكرة اتجوزها واخليك تشوفها مرة فى العيد الصغير


ومرة فى العيد الكبير

الاب بكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش)



لواحظ :تبتسم اوى وتبص لعبد المتجلى وهى فى منتهى السعادة (اظاهر انها حبيته بحق وحقيقى)
.............المهم عبد المتجلى واقف على باب الشقة هو و لواحظ وامها مستنين اللورد حناطة عقبال ما يتشيك ويمسح لحوسة الشيكولاتا اللى مغطية وشه المنتفخ من كتر الحشر عمال على بطال



الاب بشويش وماسك ودن حناطة)افهم يا جذمة يا ابو مخ عجالى انتا تمشى فى وسطهم وما تسبش ايد اختك واوعى الواد عبد المتجلى يمشى جمبها لو فكر يمسك ايدها عضه واجرى كأنك بتلغ حتة لحمة وعايزك تغتت وترزل عليه عشان يحرم يقول اخرجها تانى ........يلا غور من وشى جتك نيلة وانتا شبه امك




حناطةمتنح ومبلم ومدلدل رقبته وبيسمع الوصايا العشر من ابوه) ما تقلقش يا بابا انتا ما خلفتش الا حناطة اعتبر نفسك باعت اسد معاهم........بس انا اخاف لواحظ تضربنى؟




الاب:امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام


المحروس (عبد المتجلى و لواحظ وحناطة نزلوا من البيت واتمشوا على الكورنيش شوية وحناطة عامل زى حرس الحدود وعبد المتجلى هاين عليه يربطه فى ماسورة ويحدفه فى النيل هههههههههه)
عبد المتجلى:ها مبسوطة يا لواحظ ؟




لواحظ :تبص لحناطة وتقول لعبد المتجلى اة اوى هتطق من الانبساط يا عبده




عبد المتجلى:المهم اننا مع بعض يا لوزة قلبى
لواحظ :لوزة قلبك!!!!!ده دلع ده ........طيب تسلملى يا زعيم التتار



صحيح يا عبده ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة


عبد المتجلى:لالالالالالالالا عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى كيس الفيشار اللى جابهوله عبده عشان يرتاح من رزالته) ده شياكة يا لظتى عشان ابقى شبه اللى اسمه يحيى ده يا لمونة قلبى




لواحظ :اتلم يا عبد المتجلى بدل ما اخد حناطة واروح وخليك بقى حب فى شنبك يا بتاع لميس انتا
عبد المتجلى:ورحمة ابويا ورحمة ابويا كمان مرة انتا بتغير عليا يا جميل




لواحظ لاقت ان الموضوع هيقلب رومانسية وهى طبعا بميت راجل ....اسد يعنى) كشرت وقالتله :هتعشينا ولا اخد الواد وامشى واخليك تجرى ورايا والناس تتلم واقولهم بيعاكسى
وتاكل علقة تنسيك اسم المرحوم ابوك




عبد المتجلى بمنتهى الاستهبال)ايه يا لواحظ قلبتيها اخبار حوادث ليه كده .......يلا ياستى نتعشى انا مش مستغنى عن عمرى
لواحظ رجالة ما تجيش الا بالسك)




(وعبد المتجلى اختار مطعم شيك اخر حاجة عشان خاطر عيون الساحرة لواحظ متولى ودخلوا المطعم والغلبان عبد المتجلى بيرسم فى خياله اول عشا رومانسى زى ما بيشوف فى الافلام)






لكن ما خفى كان أعظم وربنا يعينك على ما بلاك يا عبده
استنونى المرة الجاية ههههههههههههههههههههه

[methan2008]

مشكوووووووووووووورة على المجهووووووووووووووووووود ده

[methan2008]

شكرااااااااااااااااااااااااااااا