ياتري ممكن ترجع ايام زمان يا مصريين ..؟مسابقة تنــــــــــــــ الأقلام ـــــــــــــــــافس

[ماتركس]

في البداية احب ان اشكر المشرفه ياسمين والمشرفه رحيق الجنه والاداري الدكتور طارق
علي هذا الصرح الطيب وعلي المسابقه الطيبه والجميله دي الشكر كل الشكر
للمشرفين والمراقبين والاداريين علي ما يقدمووه لنا من خدمات
لنا وفريق العمل المحترمين ومن ثم الى الباقة المميزة اعضاء
هذا المنتدى ولا أقصد المميزين فقط بل الجميع كلنا هنا واحد في المنتدي
ويد وحده

مووضووعي النهارده موضوع بسيط وممكن ميكنش قد كده

بس انا انسان بسيط وموضوعي علي قدي

وده اللي قدرت اعملووه

وبعوون الله هيعجبكم يارب

موضوع النهاردة ان شاء الله يبقي نقلة في حياة كل شخص مننا وفي حياتنا
الجميع يعلم اننا في منتدي علي الانترانت يعني عالم من الوهم والخيال

لكن نتبدل الافكار والافادة والاستفادة

النهاردة هنتكلم علي مصر واية اللي حصل لمصر وشباب مصر
طبعا انا مش كبير انا شاب زي اي حد بس انا مش عجبني حال
البلد دلوقتي مش شايف اللي انا اتربيت علي اخلاق واسلوب وكلام وافعال

الشباب واللبس
انا بتكلم علي العموم بنات وشباب متعرفش دة بنت ولا راجل اللي ماشي في الشارع
طبعا الكجول كويس بس عادي
حلو بردو

لية الناس بقت ماشية مضايقة مفيش ابتسامة ومفيش الروح الحلوة مفيش احترام الكبير والصغير لية

مصر زمان كان كل بلاد العالم بتاخدة قدوة دلوقتي احنا اللي بناخد القدوة من العالم الاخر
اخدنا عدم الاحترام والتحرش والكلام البذئ والافعال المحرمة
هي المشاكل دي كنت موجودة زمان ماشي بس دلوقتي كترت جدا

نسبة البطالة كترت
العنوسة زادت جدا
مفيش جواز بقي في اكتئاب من البنات ومن الشباب

النت ومشاكل النت الجميع يعلم مشاكل الشباب والبنات من النت
يمكن يحصل حب ويحصل جواز وبيحصل حجات مش ينفع تتقال عشان فقط البنات
لكن هي معروفة لجميع
والعجيب في تعارف البنات والشباب علي النت البنت تكلم الولد عادي جدا
لكن يجي مرة يقولة ممكن اشوفيك تقولة لا ؟
طيب انتي خايفة من الصورة ومش مكسوفة وانتي بتتكلمي عادي

الخناقات في الشوارع السكاكين القتل العجيب اللي بنشوف ناس بتموت روح عشان 50 جنية
لية الناس بقت كدة لية مفيش حب زي زمان الحميمة بتعت زمان راحت فين يا مصرين ؟
الناس اللي كنت بتطلع وتودي حاجة حلوة واكل وشرب في رمضان كلة بقي قافل بابة لية

الاغاني والاسفاف اللي بقي دلوقتي والاغاني اللي اقل حاجة تقال عنها فلم ابيح علي شكل كليب
الناس اللي بقت متعصبة علي نجم ونجم وخناقات وشتيمة

فين شباب زمان يا مصريين اللي الواحد كان يشوف بنت جيرانو يدووب ماشيه

ينزل وشه في التراب علشان خايف عليها زي اخته

فين ايام زمان يا مصريين لما كنت تشوف جارك محتاج حاجه منك

كنت تسيب كل اللي في ايدك وترحوالو علشان مكنش جار كان من اهلنا

فين ايام زمان يا مصريين لما كان اي واحد يتزوج في الشارع

كنا بنعتبر الفرح فراحنا ونقف ونساعد

فين شهامه اولاد البلد يا مصريين في الرجوله والنخوه

وحب الخير

ياتري لسه موجوده والا الفلوس غيرت انفسنا

فين النيه الصافيه والقلوب المسامحه

النهاردة والحمدلله ووصل منتدي بنات مصر53000الف عضو

يعني علي الاقل نقدر نوصل لقدر بسيط من الناس عشان نصلح حال البلد

ونبدأ بقي ونفوق شوية وسيبو انكم ترمو همكم علي غيركم ونقعد نقوال

الحكومه والشرطه والرئيس

انا دلوقتي عايز اعرف مش الشرطه والحكومه دووال مننا بشر زينا مصريين والا مش

زينا

عايزين نغير من نفسنا ومش كل حاجه تحصل في بلدنا نقعد نقووال الشرطه والحكومه

الحكومه هتعملنا ايه

لازم كل واحد مننا يبقي عنده حماس ونبطل نرمي مشاكلنا علي غيرنا

ياتري ممكن ترجعلنا ايام زمان تاني دي

ويبقي الحب والخير عامم علي الجميع

يا تري ممكن نفضل زي ما احنا كده كل يووم نتاخر ونرجع لوراء

ياتري ممكن يووم نتقدم من تاني

ياتري ايه رايكم في مصر عمتا يا مصريين

ياتري في تقدم والا تدهور
ياتري ايه غيركم يا مصريين

عايزين نتناقش في المووضووع ده من جميع نواحيه ممكن نقدر نعمل حاجه

لبلدنا الغاليه مصر

انا بجد بقدر الامكان كان نفسي اجمع معلومات كتير جدا علي مصرين النهاردة
بس انا هسيب ليكم حرية الكلام في اي حاجة حتي لو مفيش مشكلة تم طرحها هنا ياريت حد يحطها
ياريت يا جماعة نعمل مناقشة ونفهم وجهات النظر بإحترام شديد

في موضوع النهاردة وان شاء الله ينال اعجاب الجميع

منتظر ردوودكم جميعا

اخووكم في الله

احمد الشريف

مشترك في المسابقه

التي قررتهم اللجنه

بالتوفيق لكل المشاركين