انتوا منتدى راقى بجد

[princess73]

يا جماعه زى ما انتم عارفين انا جديده معاكم و عايشه فى الدنمارك و انا مش صغيره انا زوجه و ماما و عندى 37
بس دايما باقول 27 + 10 ههههههه
المهم انا كنت مشتركه فى منتدى تانى مش هاقول اسمه طبعا للخصوصيه و لقيته كله متشددين اوى و ممنوع نتكلم عن المسلسلات او الاغانى و كله حرب دينيه على الديانات الاخرى
انا لسه عضوه فيه لسبب واحد و هو انى حاسه انى دورى كمسلمه اوصل اللى اعرفه و ان دينا كله سماحه و ان دينا بيحترم الديانات و العقائد الاخرى
يعنى مش معنى ان مسلمه يبقى غيرى وحش
ليه ما نتعاملش على اننا بنى ادمين و نسيب الديانه و العباده لله وحده
انا اللى انا باطلبه من الانسان اللى بيتعممل معايا انه يعاملنى كويس صح؟؟
يبقى ايه بقى لزوم ان الواحد يحشر نفسه فى دين غيره و نزعلى من بعض
انا عندى اصحاب من و انا صغيره مسيحين و مسيحيات و لغاية دلوقتى الحمد لله فيه بيننا ود و حب و بنحتفل بمناسباتنا مع بعض
نفسى الناس كلها تحب بعض و تحترم عقائد بعض
انا حزينه اوى على مصر و اللى بيحصل فيها بدون الدخول فى تفاصيل
لكن عايزه اقول افتكروا دايما اننا مصريين اولا و اخيرا و يعنى بنى ادمين
و لكم منى ارق التحيات من الدنمارك

[Řǻet βanota]

اكيد بجد كلامك كله صح
وبجد فعلا منتدى راقى
على اد ما طارق (الاداره) مدينا
الحريه اننا نكتب زى ما احنا عايزين
ونعمل اللى احنا عايزين
بجد عارف يحكم المنتدى ومفيش حد
بيقدر يتعدى حدوده والله بجد ماشاء الله
عليه شخصيته قويه ومحترم
وله منى كل الاحترام والتقديرى
عزيزى طارق
وبجد المفروض مندخلش فى ديانات بعض
احنا بنتكلم مع بعض فى مواضيع تهم المجتمع
ملناش فى الديانات
تقبلى مرورى
اختك الصغيره :عاشقة الليل الحزين

[شاعر واسير الحب]

اولا مرحبا بيك في المنتدي ونشكرك بالنيابة عن الادارة والاعضاء
ثانيا الادارة ديمقراطية 100 في 100
حرية ولكن بدون المساس بالاخرين

نحن بشر لا نحاسب بشر كل فرد متحمل مسئولية نفسة واذا انا كنت خايف علي ديني لابد ان

اتعامل بديني فالدين معاملة وبذلك يظهر الشكل الحلو للاسلام ولا نقوم بتقليد الافعال المحرمة بحرق كتبهم ولا نتجمهر من اجل اقفال مبني
اما عن الصداقة ليس فيها اي احراج كثيرا ما صاحبنا مسيحين بالمدارس

منتدانا بتاع موضوعات نقاشية مفيدة موضوعات عامة وبه منتدايات كتيرة اللي يعجبك اتكلمي فية
ومصر بخير ديما بس اللي بيشوشروا عليها حاقدين مصر ستبقي مصر ام الدنيا ايه اللي بيحصل في مصر كل البلاد بيحصل فيها
المانيا ماذا فعلوا بالمسلمين امريكا ماذا ارادوا من بناء المسجد
بريطانيا كذلك ليه او مايحدث في مصر نقول مصر ونجري علي الفضائيات نذيع نذيع ارحموا مصر وسيبوها في حالها
تقبلي مروري

[NERA 31]

اهلا بيكي فى المنتدى نورتيه بكلامك المنطقى

وفعلا احنا لازم نحترم بعض ودى هتلاقيها فى المنتدى بشكل واضح

[hema elngm]

طبعا اهلا بيكى فى منتدانا منورانا اكيد

وبالنسبة للحرية طبعا مفيش احسن منها >>وان شاء الله هتلاقى كل اللى تتمنية هنا

بس كلامك اثر فيا جداا جداا >> فى حاجة انتى عايزة تقولها على ما اعتقد؟؟

عن مصر والوضع فيها >> عموما انا بطلب منك تقولنا عن

صورة مصر فى الدنمارك >> والناس هناك شيفين الدين الاسلامى ازااى؟؟ وكان رد فعل الشعب اية

عن الرسوم المسيئة؟؟

معلش انا فضولى وحابب اووى اعرف كل دةة بصفة خاصة يعنى

وتااااانى منورة المنتدى واسف لو هتعبك

[sadmoon]

يا اهلنين بيكي ان شاء الله تستمتعي بالمنتدي معانا
وربنا يعمل اللي فيه الخير بقي
ههههههههههههههه

[ARAGON]

اقتباس
المشاركة الأصلية كتبت بواسطة princess73





يا جماعه زى ما انتم عارفين انا جديده معاكم و عايشه فى الدنمارك و انا مش صغيره انا زوجه و ماما و عندى 37
بس دايما باقول 27 + 10 ههههههه


أهلا بيكي وبنرحب بيكي في البداية
ونتمنى ليكي التوفيق في النهاية في حياتك الزوجية والأسرية

اقتباس المهم انا كنت مشتركه فى منتدى تانى مش هاقول اسمه طبعا للخصوصيه و لقيته كله متشددين اوى و ممنوع نتكلم عن المسلسلات او الاغانى و كله حرب دينيه على الديانات الاخرى

منتدانا في البداية كتعريف منتدى اجتماعي في المقام الأول (وليس حزبي أو سياسي أو ديني متخصص أو غيره ) ليس متخصص في أي شيء ولكننا نسهم دائما بما يعرض وجهة نظرنا دون المساس بالآخرين.
دائما نسير بمنهجية هي الموجه لنا في النهاية
لا تحكمنا أية مذاهب أو أحزاب أو غيرها
لكن دائما لا نخرج على مسار أهل السنة والجماعة في كل شيء ..
ولكن دائما وجهات النظر تختلف من شخص لآخر

اقتباس انا لسه عضوه فيه لسبب واحد و هو انى حاسه انى دورى كمسلمه اوصل اللى اعرفه و ان دينا كله سماحه و ان دينا بيحترم الديانات و العقائد الاخرى

وده دورنا في نفس الوقت.
لا نسمح بالتعدي بالقول على أي ديانة سماوية في النهاية هي تنزيل من رب العالمين
لكن دائما ما نقول أن هنالك من ينجرف وراء العواطف دون النظر إلى تحكيم كتاب الله في بعض الأمور

اقتباس يعنى مش معنى ان مسلمه يبقى غيرى وحش ليه ما نتعاملش على اننا بنى ادمين و نسيب الديانه و العباده لله وحده انا اللى انا باطلبه من الانسان اللى بيتعممل معايا انه يعاملنى كويس صح؟؟

أكيد اي شخص بيحب اللي يعامله كويس. علشان يقدر يلاقي قبول للشخص الآخر يقدر حتى يرد ليه أي جزء من معاملته.

اقتباس يبقى ايه بقى لزوم ان الواحد يحشر نفسه فى دين غيره و نزعلى من بعض انا عندى اصحاب من و انا صغيره مسيحين و مسيحيات و لغاية دلوقتى الحمد لله فيه بيننا ود و حب و بنحتفل بمناسباتنا مع بعض

دا شيء مستحب عند الجميع..
واللي يقرأ في كتاب الله، يستدل على كل ذلك.
في المعاملة مع أهل الكتاب.. وغيرهم (لو فتحنا القرآن وفهمنا معانيه) ها نعرف قد ايه اننا كنا مش عارفين كيفية التعامل وكيفية العيش في الحياة.
القرآن علم الكثير كيفية التعامل (ولنا في رسول الله أسوة بذلك).

اقتباس نفسى الناس كلها تحب بعض و تحترم عقائد بعض انا حزينه اوى على مصر و اللى بيحصل فيها بدون الدخول فى تفاصيل

يمكن فيه احوال مش كويسه في مصر (بس فيه احول أسوأ في بلاد ثانيه) ويمكن كارثية كمان
احنا ليه بنبص على اننا الأسوأ دايما.
زي اللي معاه فلوس وبيدور على فلوس ثانيه علشان يعلى ويزيد
ليه مش بنبص للشخص الأقل مننا.

اقتباس لكن عايزه اقول افتكروا دايما اننا مصريين اولا و اخيرا و يعنى بنى ادمين و لكم منى ارق التحيات من الدنمارك

أكيد المصريين كلهم بني أدمين.
ودول من أحسن العقول في العالم.
بدليل انه معظم العلماء من مصر.
ناهيك عن كل دولة
(احنا عندنا اكثر من 200 دولة في العالم)
كويس لما نلاقي شخص بارز في كل سنة من مصر
في اي مجال
ولكي تحية من ******************

عاشق مصر
technical


-------------------------


سؤال فقط (ايه هيا قمة الارتياح عندك وانتي في الغربة)
حنينك لمصر ازاي

لو جاوبتي على السؤال ده ها تعرفي قد ايه ان نار مصر ولا جنة الغربة
كفاية عليكي انك حتى لو حصلتي على كل الحرية في اي بلد
لكنك في النهاية مقيدة (بأصفاد مخفية) لا تظهر ثقلها إلا في نهاية المطاف أو بمرور الزمن عليكي

[be with me]

برنسس نورتى يا عسل النتدى
وكمان المنتدى فعلا جميل وراقى
وكلنا هنا اخوات مع بعضينا
ههههههه
نورتينا يا سكرة
وبجد الادارة بتاعت المنتدى
فعلا مديانا حرية كبيرة
وطبعا احنا المفروض منحولش نزعلهم
باى مواضيع زايدة عن الحد
نورتي المنتدى حببتى

[special girl]

السلام عليكم


اولا اهلا بحضرتك معانا هنا


طبعا اانا سعيده اوي بواحده في عمر حضرتك تشترك معانا علشان نستفيد منها


اكيد بردو الخبره كبيره عند حضرتك


انا وضع حضرتك بالظبط كنت مجرابه قبل كده بس في دوله مختلفه


فعلا زمان كانت نظري الناس للعرب مختلفه جدا عن حاليا


دلوقتي بنلاقي اوروبا بتبص للعرب بنظره استخفاف نوعا ما وموش الكل طبعا ولكن الاغلبيه


اما حريه العقائد فهي حريه خاصه لكل شخص


ولكن لازم يكون في احترام بين الاديان ولا فرق بين انسان علي الاخر خالص


الجميع سواسيه عند الله والفرق التقوي والعمل الصالح


ربنا يهدينا يا رب...


واهلا بحضرتك منوره المنتدي...

[غرم]

نور المنتدى بجد موضوعك حق المنتدى جميل وحر جداااااااااا