مرتضى يعرض صورا خاصة لشيكابالا ويؤكد استعداده عدم خوض الانتخابات

[game010]

عرض مرتضى منصور رئيس الزمالك الأسبق صورا خاصة لمحمود عبد الرازق "شيكابالا" نجم الفريق قال إنها تم التقاطها أثناء تغيب اللاعب عن معسكر إعداد الفريق بالإسكندرية، مكررا طلباته بشطب اللاعب من سجلات النادي.
وقال منصور في سياق مؤتمر صحفي عقده صباح الأحد إن شيكابالا لاعب مستهتر ولم يحقق شيئا للزمالك ويتعين على الجهاز الفني والإداري بقيادة التوأم حسن عدم الاعتماد عليه في المرحلة المقبلة مع منح الفرصة للملتزمين أمثال حازم إمام، على حد تعبيره.
ولم يتم التحقق ما إذا كانت هذه الصور من الصيف الماضي بالفعل، أم صور قديمة لصانع الألعاب الدولي.
وكان شيكابالا قد هاجم منصور أثناء خروجه مستبدلا في لقاء الفريق مع سموحة في الدوري الممتاز يوم الجمعة، مطالبا إياه بعدم التحدث بشأنه، إضافة إلى اتهامه بتخريب النادي عقب إعلان الحكم بقبول طعن منصور في نتائج انتخابات الزمالك التي نصبت ممدوح عباس رئيسا.
وطالب شيكابالا أثناء خروجه الجماهير بتحية عباس فرد منصور بنعته بكلمات مثل "المنحرف" و"أسوأ لاعبي مصر خلقا".
وأظهر منصور للصحفيين الذين حضروا المؤتمر صورا لشيكابالا بصحبة بعض الفتيات في الساحل الشمالي، متهما عباس بتحريض اللاعب على مهاجمته في المباراة.



الانتخابات

وأكد منصور أن المجلس القومي للرياضة برئاسة حسن صقر تسلم نص الحكم رسميا، وأنه واجب النفاذ، ما يعني صدور قرار خلال ساعات بحل المجلس وقيام لجنة مؤقتة بإدارة النادي.
وأوضح رجل القانون المخضرم أن الحكم ليس صادرا ضد عباس بشخصه أو مجلسه، وبالتالي فإن الاستشكال المقدم من قبل الأخير لن يوقف تنفيذ الحكم.
وجدد منصور تأكيداته باستعداده عدم خوض انتخابات مجلس إدارة الزمالك المقبلة في حال وجود رغبة من الجمعية العمومية أو حكماء النادي بعدم وجوده، "بشرط وجود مجلس إدارة محترم لا يسيئ للزمالك".
وشهد المؤتمر إعادة عرض لعدة معلومات استند عليها منصور في الحصول على الحكم بالطعن في نتائج الانتخابات، أهمها هو تصويت عدد من الأعضاء رغم عدم وجود أسمائهم في الكشوف، وتوقيع شخص واحد في أربع لجان انتخابية بأسماء آخرين، إضافة إلى كسر صناديق الاقتراع المفترض تشميعها عقب انتهاء التصويت.

[P R ! M O]

مرتضى منصور يعنى مشاااااكل

[game010]

اقتباسالمشاركة الأصلية كتبت بواسطة nemo temoمرتضى منصور يعنى مشاااااكل

شكرا على المرور الجميل ده نورت

منور الاقسام الرياضيه.......

[بنت الجنوب]

انا شايفة ان مشكلة الزمالك اكبر من كونها مشكلة مرتضى او مشكلة شيكابالا الكل بيعمل لمصلحته الشخصية
لك الله يا زمالك
شكرا على الموضوع

[Big Brother]

هههه والله خطييير يا مرتضي
الراجل دا فظيع بس الواحد نفسه يعرف
اذا كاااان علي حق فعلا ولا حاجه تااانيه
تسلم الايااااااااادي

[حياتي ذكريات]

مرتضى مش ناوي يسيب حد في حاله ^_^

على فكرة فيه لاعب مرة أساء لمرتضى اسمه محمد صبري على ما افتكر

تم شطبه نهائيا وتم منعه من اللعب كورة خالص

كل الخوف بقى انه يعمل في شيكا نفس اللي عمله مع محمد صبري

ومحمد كان لاعب متميز جدااا وموهوب

تسلم على الخبر وياريت مرتضى يتنازل بقى النادي مش ناقص مشاكل والله

[ღ Gի๐sτ ღ]

الزمالك كلو مشاكل فى مشاكل ومفيش واحد يستحق يبقى رئيس الزمالك من الموجودين

لان : مرتضى منصور بتاع مشاكل وهايشتت تركيز اللاعبين

ممدوح عباس " قاعد عالمكتب مبيعملش حاجة الزمالك يكسب يخسر ياخد حقة يضيع حقة لية حقوق وعليه حقوق ميعملش حاجة وكل اللى لية لزمة واللى ملهوش بقى واخد الزمالك ملطشة فى ايدة فى عهد عباس لان ممدوح عباس مبيعمش حاجة :d

مرسى عطالله .. واخدها نزاهة ومش هايعرف يتعامل بردو وهايبقى زى عباس وكدة

الحل الوحيد من وجهة نظرى للزمالك

ان يتم بيع النادى مثل الاندية الاوربية مابتباع ودة مش عيب

مثلا يبعوها لاى مستثمر وليكن مثلا مستثمر اماراتى زى اللى اشترى مانشستر سيتى

وقت مايتم بيع الزمالك .. وقتها المشترى هايعرف يظبط النادى لانة هايتعامل باحتراف وفكر كروى صح وميهموش اى حد .. واللعيب المش ملتزم هايرمية فى الشارع .. حتى لو كان شيكابالا .. لان بفلوسة يقدر يجيب محترف احسن من شيكابالا ولا حد ينكر ان الفلوس متقدرش تجيب احسن من شيكابالا ؟

ودة غير انة هايظبط النادى ومش هايخلى حد بتاع مشاكل لانهم مش محتاجين حاجة من حد واصلا وقتها اللى هايدير النادى .. هايجيبو ناس اجانب او عرب بس لهم خبرة كبيرة وبيفهمو كويس جدا ويعرفو يديرو امور النادى صح وعارفين شغلهم كويس جدا وبعيد عن المشاكل والخناقات والتلفيزيون والصحافة ووجع الدماغ

والله دى وجهة نظرى لحل مشكلة الزمالك .. واتمنى الناس تقوللى هل وجهة نظرى تنفع ولا مش نافعه .

[ღ Gի๐sτ ღ]

الزمالك كلو مشاكل فى مشاكل ومفيش واحد يستحق يبقى رئيس الزمالك من الموجودين

لان : مرتضى منصور بتاع مشاكل وهايشتت تركيز اللاعبين

ممدوح عباس " قاعد عالمكتب مبيعملش حاجة الزمالك يكسب يخسر ياخد حقة يضيع حقة لية حقوق وعليه حقوق ميعملش حاجة وكل اللى لية لزمة واللى ملهوش بقى واخد الزمالك ملطشة فى ايدة فى عهد عباس لان ممدوح عباس مبيعمش حاجة :d

مرسى عطالله .. واخدها نزاهة ومش هايعرف يتعامل بردو وهايبقى زى عباس وكدة

الحل الوحيد من وجهة نظرى للزمالك

ان يتم بيع النادى مثل الاندية الاوربية مابتباع ودة مش عيب

مثلا يبعوها لاى مستثمر وليكن مثلا مستثمر اماراتى زى اللى اشترى مانشستر سيتى

وقت مايتم بيع الزمالك .. وقتها المشترى هايعرف يظبط النادى لانة هايتعامل باحتراف وفكر كروى صح وميهموش اى حد .. واللعيب المش ملتزم هايرمية فى الشارع .. حتى لو كان شيكابالا .. لان بفلوسة يقدر يجيب محترف احسن من شيكابالا ولا حد ينكر ان الفلوس متقدرش تجيب احسن من شيكابالا ؟

ودة غير انة هايظبط النادى ومش هايخلى حد بتاع مشاكل لانهم مش محتاجين حاجة من حد واصلا وقتها اللى هايدير النادى .. هايجيبو ناس اجانب او عرب بس لهم خبرة كبيرة وبيفهمو كويس جدا ويعرفو يديرو امور النادى صح وعارفين شغلهم كويس جدا وبعيد عن المشاكل والخناقات والتلفيزيون والصحافة ووجع الدماغ

والله دى وجهة نظرى لحل مشكلة الزمالك .. واتمنى الناس تقوللى هل وجهة نظرى تنفع ولا مش نافعه .

[حياتي ذكريات]

بالعكس انا شايفة مرسي عطا الله يستحق كرسي الرئاسة للزمالك

عاقل وفاهم الامور كويس .. اكتر واحد مناسب للمكان ده مع انه صرح انه بيتمنى

مرتضى منصور يمسك الزمالك

عل فكرة الزمالك رشح الفايد لرئاسة نادي الزمالك (رجل الاعمال المصري مشتري نادي فولهام الانجليزي)

بس اعتقد ان في النهاية اللي هيمسك الزمالك .. مرتضى ما حدش غيره