النظام الجديد لمنتديات بنات مصر

[SiLver Spectra]

السلام عليكم
كل سنة و انتم طيبين الأول بمناسبة انتهاء الاسبوع الأول من الدراسه في مصر و بدايتها خارج مصر
و أكيد الكل فرحان و مبسوط و مستانسين زي ما بيقولوها اخوانا الخليجيين
و عشان الفرحه تكمل فكرت في فكرة جديده للمنتدى
هو اننا نخلي المنتدى بنظام اشتراكي
بدل النظام الرأس المالي الي احنا ماشيين بيه و الي تسبب في أزمات اقتصادية عالمية زي ما احنا عارفين
و قاعدت افكر يا واد يا طارق نخليه اشتراكي ازاي نخليه اشتراكي ازاي
لحاد ما قدرت بعون الله أوصل للفكرة المناسبة
بس الأول نشرح النظام الراس مالي
النظام الراس مالي في المنتديات أو بالأحرى اسمه الرأس مشاركات . كل عضو بيشارك و على أد مجهوده مشاركاته بتزيد . النظام دا بيخلي الكبير كبير و الفقير فقير
يعني عمر ما مثلا عضو جديد مسجل هيقدر يوصل لعدد مشاركات ماتركس

لكن النظام الاشتراكي هتبقى المشاركات كلها تبع الدولة أو المنتدى و كل الأعضاء المتواجدين على آخر كل شهر هياخدوا عدد معين من المشاركات زي الراتب كدا
و دا هنطبقه بنظام هاكات جديده هركبه
الوردية في اليوم الواحد ب25 مشاركة
اليوم فيه ورديتين . وردية الصبح و وردية بالليل
العضو الي هيتواجد في وردية الصبح و بالليل و يشارك كحد أدنى ب10 مشاركات في كل وردية .هياخد 50 مشاركة في اليوم

بس قبل ما هنبدا في تطبيق النظام الاشتراكي
ناوي أطبق الشريعة الاسلامية عشان النظام الجديد يبقى فيه بركة
و عشان نطبق الشريعة الإسلامية في النظام الجديد
هيبقى في زكاة
احنا عارفين ان الزكاة واجبه على كل فرد ماله بيبلغ النصاب
و النصاب دا 85 جرام دهب
يعني بيساوي 10آلاف مشاركة تقريبا

يبقى الأعضاء الي فوق ال10 آلاف مشاركة هيدفعوا زكاة بمقدار 1 على 40
يعني مثلا ماتركس
عنده 13623 مشاركة
نقسمهم على 40 يطلع 340 مشاركة تتخصم منه لصالح الفقراء من الأعضاء الجدد
و بعده عندنا طمطم
12491
عليها زكاة ب 312 مشاركة
فتى المدينة عليه زكاة ب304 مشاركة
تيكنيكال عليه زكاة ب267
برنسيسة عليها زكاة ب262
فلور عليها زكاة ب253
و المشاركات دي مش حاجه بالنسبة لمشاركاتهم
حالهم زي حال الصورة دي كدا



يبقى كدا مبدئيا في نظامنا الاشتراكي الجديد هيبقى عندنا راس مشاركات تقدر ب 1738 مشاركة
هنشوف بقى هنوزعهم ازاي و هنتبرع بيهم لمين بالظبط بالمشورى معاكم داخل الموضوع دا
عشان كدا كتبته في اليوميات عشان يبقى جنب قسم الفضفضة و نشاور بعض
و على فكره العاملين عليها (الي هي الزكاة يعني) ليهم أحقية في جزء من المشاركات
:shiny01: