تزاوج الطبقات الاجتماعيه

[قلم بلا حبر]

بسم الله الرحمن الرحيم

السلام عليكم

ادعوا من الله ان تكونوا بصحه جيده

الموضوع هذه المره ايضا يسير على نفس الدرب الذى قطعت فيه ولله الحمد على ذلك شوطا طويلا الى حد ما

الا وهو العلاقات الاجتماعيه والعقبات التى تصادفها ومحاولة ايجاد الحلول لها

ادعوا من الله ان تكون كتاباتى فيها قدرا ولو ضئيلا من الافاده والا تكون سببا لمعصية الخالق سبحانه وتعالى

ــــــــــــــــــــــــــ

دعونا الآن نناقش موضوعنا اليوم والذى قد يكون محتواه قد ظهر قبل ان اسطر كلماته

ولكن حتى تكون السلسله مترابطه ارجو من الجميع الاطلاع على هذا الموضوع لانه قد يفيدنا فى نقاشنا هنا

كما انه يخدم فكرة الموضوع ويمهد لها ويفسح المجال امام ترتيب الآفكار

ففكر اى كاتب لا يتجزئ بقدر ما هو مترابط فى سلسله تحكمها القيم والمبادئ التى يؤمن بها

ولا ادعى لنفسى صفة (( الكاتب )) فأنا مجرد عضو يقوم بكتابة مواضيع ليناقش اخوانه فيها عله خطا فيجد الصواب وعله على صواب فيستفيد منه الجميع

اذن لنبدا الموضوع ينبغى ان نبدا منذ انتهينا

ففى البدء ينبغى ان نراجع كيفية انشاء علاقه ناجحه من هذا الرابط

http://forums.msryat.org/showthread.php?t=14463

ثم بعد النجاح فى اقامة العلاقه لابد وان يكون للزواج فكر خاص به

لذا فلدينا محورين

الاول ناقشناه على هذا الرابط

http://forums.msryat.org/showthread.php?t=15172

وكان يدور حول التزاوج بين فكرين مختلفين للمجتمع احدهما الفكر المنفتح والاخر الفكر المحافظ

ــــــــــــــــــــــ

واليوم بمشيئة الله

يدور موضوعنا هذا حول التزاوج لكن ليس بين فكرين هذه المره

وانما سيكون بين طبقتين احداهما ثريه والآخرى فقيره او ما يطلق عليهم (( محدودى الدخل ))


وقبل الخوض فى الموضوع ينبغى ان نرجع الى الشريعه لنعلم صحة هذا التقسيم

يقول رب المولى عز وجل

(( وهو الذي جعلكم خلائف الأرض ورفع بعضكم فوق بعض درجات ليبلوكم في ما آتاكم إن ربك سريع العقاب وإنه لغفور رحيم ))


اذن فالناس فى تلك الحياه متفاوتة ,,, وهذا التفاوت لا يكون فى الحاله الماديه فقط ,, بل فى امور كثيره لا يهمنا منها اليوم الا الحاله الماديه والعقليه

فشرط هذا الموضوع تمتع كلا من القسمين بالعقل كى يتجنب الانجراف خلف المفاسد الدنيويه

ولنستعرض الآن بعض النقاط الهامه عن الموضوع

ــــــــــــــــــــــــ


اولا : الموضوع من حيث التاريخ والحاضر

تاريخيا هذا الموضوع كان يمثل لنا قصص وحكايات ما قبل النوم وكيف ان الآميره الجميله تتزوج من الشاب الفقير

وكيف ان السندريلا الفقيره تساعدها الظروف لتتزوج من الامير ,, وكل هذا كان يدور حول نفس الفكره

ارتباط الثراء بالفقر فى تزاوج

اما عن الحاضر فكلنا يعلم ان الامر بات طليق العنان ,,, لا تحكمه اى قواعد او اسس يمكنها السيطره على نتائجه وكان من اثر هذا انتشار الزواج العرفى بين طلاب الجامعات


ثانيا : حقيقة المشكله


حقيقة المشكله تكمن فى محاولة الدمج بين متغايرين تحت قوه تسمى (( الحب ))

وفى الغالب لا ينجح مثل هذا الاندماج حاليا لافتقاره للمقومات الاساسيه التى تهيئ البيئه الملائمه لاستمراره

مما ينتج عنه مشاكل لا حصر لها ,,, ولسنا هنا فى صدد تحميل المسؤوليه لايا من الطرفين فالخطا وارد والنتيجه متساويه على الطرفين


ثالثا : بروز تلك المشكله فى حاضرنا بكثره



قديما كانت الطبقات الاجتماعيه المكونه لاى تجمع انسانى منفصله عن بعضها البعض , مما وفر مناخا ملائما كى يحيا افراد كل طبقه ويتم التزاوج فيما بينهم بسلاسه ودون عقبات

اما الآن فالاحتكاك الواضح بين الطبقات , نتج عنه مثل تلك الاندماجات والتى فى الغالب تتغاير مقاصدها واهدافها بل ومسبباتها ايضا



رابعا : المشكله من وجهة نظرى


من وجهة نظرى اذا صدقت النوايا وحسنت المقاصد والاهداف من مثل تلك الارتباطات فنعم

والا فاذا كان هنالك شبهة تلاعب بمقدرات طرف على حساب الطرف الآخر لاغراض ينأى عن كتابتها القلم (( فلا ))



خامسا : الآسباب والدوافع



لا يخفى علينا جميعا سعينا الدائم الى تحسين اوضاعنا الاجتماعيه وهى غريزه فى الانسان يسعى دائما لاشباعها

لكن هذا الاشباع له وسيلتين احداها طريق العمل والجد والاجتهاد والآخرى الفرصه والتى ينتظرها بل ويتطلع لها البهعض الآخر

لذا لنفصل تلك الآسباب بحثا عن الحلول الايجابيه لتلك المشكله

اولا :

دعونا نكون اكثر املا واكثر تعاطفا ولننظر الى النصف المملوء من الكاس

وليكن اولى الاسباب توافر المواصفات والمميزات التى يبحث عنها الطرف الاخر فى شريك حياته سواء اكان فقيرا ام ثريا

فكما يقولون (( الحب لا يعرف الفروق الطبقيه ))



ثانيا : الحاله النفسيه لاحد الطرفين



قد يكون لدى احد الطرفين ترسيبات نفسيه سواء اكان من ماضيه ام من تاريخنا الحافل بمثل تلك القصص الرومانسيه التى تعايش اصحابها نشوة وسعادة الحب وتحدوا الواقع والفروق كى يحظى كلا منهما بالاخر ,,

وهو دافع لا يمكننا تجاهله او التغاضى عنه فالحاله النفسيه قد تكون المسيطره على اغلب قرارات الفر مننا مما يؤهلها لان تكون باعثا على مثل هذا الاندماج الطبقى


ثالثا : الجشع


ولا يختص به الثرى دون الفقير كما قد يظن البعض

وانما الجشع ان كان من الفقير فى تحسين وضعه الاجتماعى فهو من الثرى قد يكون لاشباع غريزة التملك ليس الا

وهذا يعد بمثابة دافع قوى جدا لحدوث مثل تلك الاندماجات تحت دعوى الارتباط من اجل الحب

لكن النيه تكون مبيته لغرض وهدف أخر قد لا يظهر اثناء بداية العلاقه لكن النتائج قد يكون لديها القدره على اظهار مثل هذا الجشع


رابعا : النزوه


النزوه هى حاله قد تصيب الانسان نتيجة اعتياده على امر ما ورغبته فى التغيير مما ينتج عنه انحراف فكره لكل ما هو مناقض لما كان موجود فى حياته سابقا

لذا نجد ان الفقير نزوته فى الارتباط من الثرى على سبيل النزوه والتغيير نتيجة ضيقه من تعاملاته اليوميه مع نفس الافراد من طبقته مما يتيح له المجال للشعور بتغيير فى حياته وهذا ما تحققه له النزوه

و الثرى النزوه لديه لا تختلف عن الفقير فهو يرغب بالتجديد ايا كان شكله او توجهه او مصدره

كما ان المصطلح اكثر ما يطلق على الاثرياء ,,,


خامسا : اثبات الذات



قد يسعى البعض لاثبات ذاته والزواج ليس ببعيدا عن هذا

واثبات الذات بين الفقير والثر قد يختلف لكنه يتوحد فى الهدف

فاثبات الذات لدى الفقير قد يكون نتيجة شعوره بكونه مميز وان يستحق الاكثر من هذا بفضل علمه وخلقه وشهامته ووسامته احيانا التى لاتتوافر فى الثرى

بينما الثرى يحاول ان يقنع نفسه بان ذاته قابله لتحقيق كل مايصبو اليه لذا لن يقف فى وجهه اى شئ فهو فى غنى تام عن التفكير فى مثل تلك الامور بهذه الطريقه فى ظل انه يمكنه تحقيق ما يشاء فى الوقت الذى يرغب به حتى ولو كان هذا ارتباطا مقدسا كالزواج

ـــــــــــــــــــــــــــــــ

انتهيت من الاسباب والدوافع الا ان ما يلزمنى هنا الآن ان اوضح ان تلك الصور التى قمت بعرضها ما هى الا قطره من فيض فالظروف مختلفه والشخصيات متغايره ولكل منا فكره الخاص والذى بالطبع يختلف عن الآخرين

لكن ما قمت بسرده امور حقيقيه تحدث فى واقعنا ولم تسلم من النقد سواء من كتابنا الصحفيين او السينمائيين

لكن على كل دعونا نعود مرة اخرى وننظر الى نصف الكوب الممتلئى


ونسأل ما الداعى الى مثل هذا الزواج ؟

فأنا لا اجد حرجا فى التزاوج بين الطبقات الاجتماعيه ولكن اذا كانت الدوافع والاهداف سليمه عن كل ما يعيبها

وان تكون المحصله اسره مترابطه يعمل طرفاها سويا من اجل حاضر سعيد ومستقبل اسعد

ونذكر جميعا زواج الرسول صلى الله عليه وسلم من السيده خديجه رضى الله عنها

وكان هو مشتغلا بتجارتها ولم يمنع هذا من زواجهما بل بالعكس كانت السعاده والاحترام

من سمات ونتائج هذا الارتباط وكلنا نعلم بمواقف السيده خديجه رضى الله عنها مع الرسول ابان نزول الوحى عليه فى غار حراء

اذن لا مانع من مثل هذا الارتباط

لكن ليكن وفق اسس وقيم وقواعد نتبعها جميعا واولها الاحترام المتبادل بعيدا عن الصفات الاجتماعيه فكلنا خلق الله

وليس لمخلوق ملك لا سيما وهو لا يملك امر نفسه

اذن لنسال الآن السؤال المناقض

ما الداعى ان نرفض مثل هذا الارتباط ؟

يكون غير مقبولا اذا كان الارتباط تحت الدوافع التى ذكرت سابقا من الثانى الى الخامس

وقد يكون لديكم دوافع اخرى ارجو من الجميع ان يزكرها هنا لتعم الفائده ,,,,


همسه ,,,


الحياه اختبار حقيقى فلنجتهد ان ننجو من الفشل فيه


للجميع خالص تقديرى

تحياااااااااااااااااااااااتى""""""""""

[شاعر الاحزان]

ميرسى جدااااااااااااااا على التوبيك


وتقبل خالص تحيااااااااااااااااااتى

[قلم بلا حبر]

اقتباس المشاركة الأصلية كتبت بواسطة شاعر الاحزان ميرسى جدااااااااااااااا على التوبيك وتقبل خالص تحيااااااااااااااااااتى

كان يسعدنى اكثر لو قرات الموضوع فانا وجدت ردك قبل ان انتهى من تعديل الموضوع

هذا كما تعلم قسم النقاش

ينبغى عليك ابراز وجهة نظرك

سواء اكانت متفقه معى ام مخالفه لتوجهى

على كل شاكر لمرورك

[~ zahorah~]

هو دا اللي بستناه

بس طلع احلى بكتير من اللي كان في بالي

و انا من وجهت نظري اولا انوا موضوع يستاهل النقاش بجد

و الموضوع دا انتشر في الفترة الاخيرة لان الناس وعيت و فكرت كويس وشافت انوا الفقر عمروا ما كان عيب

و زي ما قلت الاهالي اللي ما بيرضوش للزواج دا اولادهم بينهو الموضوع بورقة عرفي

بس الغلط مش من الاولاد لانهم يتزوجوا عرفي لا الغلط من اهليهم ودا من موضوعنا

بس انا بنسبة ليا ابدا ما عنديش مانع انوا الفقير ياخد غني

لانوا احنا كل من طين
يعني كلنا زي بعض

و بنسبة ليا انا عمري ما طمحت زي بعض البنات اني اتزوج واحد غني

يعني لو خيرت بين واحد غني واحد متوسط الحال
حختار متوسط الحال

لية؟؟

لانوا الفلوس عمرها ما كانت كل حاجة

مع احترامي للجميع

و اللي بيحي بجد عمروا ما يسيب حبيبوا اكيد حيقدر يقنع اهلوا

و اللي ما قدرش يقنهم يعني هو عمل اللي عليه

و بعيد احنا كلنا من طين

وربنا هو اللي رايد انوا دا يبقى غني ودا متوسط الحال و دا فقير



موضوع جميل جدا و رائع ويستاهل النقاش بجد
و انا قلت لك انو من العنوان انوا حبقى تحفة
مرسي يا قلم بلا حبر على الموضوع الجامد و التميز مش جديد عليك

أختك/ دموع الندم

شكرااااااا

[yasmine refat]

موضوع رائع ياقلم بلا حبر................وأهنئك على ذكائك بختيار نوعيه معينه من المواضيع تعرف بها وتتميز بها عن غيرك كما أن فيها فرض شخصيتك على الأخرين بأسلوب ذكي يمنع الأخرين من أختراق حقلك بأمكانك أن تكون رجل أعمال ناجح...............وأهنئك على أسلوب الكتابه الذي يدل على ثقافه مميزه.............وأن كأخت لك أشجعك على الأستمرار في هذا الطريق لكن التنويع مهم................قلم بلا حبر موضوعك ممكن لا يحتاج ألا زياده فالواضح عليك أنك لا تكتب حتى تكون فكره تامه ومعلومات كافيه"لم أقرأه جيدا بعد"..............لكن سأناقش الموضوع من وجهة نظري بغض النظر عما كتبت التزاوج بين الطبقات هو تزاوج موجود منذ ملايين السنين فهو غير مستحدث ومشاكله غير مستحدثه................سأبدأبنقاش مشاكله أعتمادا على الغني والفقير فيهم "لو كان الرجل فقير فهذا الزواج لابد أن يقع في مشاكل وفي الأغلب يفشل حتى لو كان الرجل سليم النيه ولكن طبيعة الرجل ستتدخل هنا فطبيعة الرجل تميل ألا أن يكون المسيطر وأن يكون في الصداره وزواج من هذا النوع سيجعل المرأه هي روبانة مركب الأسره فالمال الأكثر عندها ومن عنده المال فهو المسيطر وحتى لو أعتبرنا أن الرجل هو الذي تولى المركب لا بد بأن يشعر بالنقص وفقدان رجولته لأنه لا يستطيع أن يحضر أكثر مما تحضره أو أن يعيشها المعيشه التي كانت تعيشها "هذه النقطه لا خلاف عليها لأنها مثبته دنيا وعلميا,وأما أذا كانت المرأه هي الفقيره فلا مشكله في ذلك"وأذا تدخلت النوايا الغير الحسنه لن يلاقي الزواج نجاحا لأنعدام البركه وكما أن صاحب النيه السيئه سيشعر بالنفور من الشخص الأخر وسيشعر بعدم الأرتياح ولا بد أن ينعكس هذا الشعور على تصرفاته وبالتالي ستكثر المشاكل فيتجه الزواج الى الفشل ,ثانيا مشاكله المترتبه على تغير البيئه هذه المشكله تعتمد على الشخصيه هل هي شخصيه مرنه أم غير مرنه هل تستطيع الأندماج في بيئه مغايره تماما وجذريا عن البيئه المتعود عليها وأن أجد أن الحاله الوحيده التي قد لا تتعرض للمشاكل بسبب تغير البيئه هي زواج الغني بالفقيره "ليس لي رغبه في التفصيل"وطبعا ليس الكثير يستطيع أن ينتقل من الغنى للفقر أو الفقر للغنى فهي بيئتان أسلوبهما مغاير تماما عن بعضهما,لي عوده مره أخره لأكمل نقاشي لكني أود أولا قرأت بعض الردود........................"قل لن يصيبكم ألا ما كتب لكم"............أختك في الله

[سمسمة2008]

الاول قبل بداية الحرب المعتادة بينى وبينك ياقلم بلا حبر الشهير بسيد برضه متحاولش هههههههههه حابة اقولك كام حاجة :
1- بجد موضوعك رائع اكثر من ممتاز
2- عرض للموضوع باسلوب مميز بيخلينا نقف ونشوف انت عامل ايه بقى وكاتب ايه لا وايه كمان اقرا الموضوع مرة واتنين امال يعنى هاحاربك ازاى هههههه
3- فكرة الربط بين الموضوعات السابقة فكرةممتازة عبقرية بجد لانه فعلا دى سلسلة مرتبطة ببعض مينفعش نسيب جزء منها ونمسك فى التانى
4- خلينا متفقين ان اسلوبى فى المناقشة انت عارفه ماليش علاقة بالجمود يعنى اى تعليق هيجى على بالى هاكتبه بس طبعا فى حدود المسموح بيه وانت عارف كده كويس
5- اهم حاجة واخرحاجة قبل الحرب ههههههههه هى ان الخلاف فى الراى لايفسد للود قضية
نبتدى بقى والله المستعان
اما عن الحاضر فكلنا يعلم ان الامر بات طليق العنان ,,, لا تحكمه اى قواعد او اسس يمكنها السيطره على نتائجه وكان من اثر هذا انتشار الزواج العرفى بين طلاب الجامعات
اسمحلى اختلف معاك فى ان السبب فى انتشار الجواز العرفى هو انه مبقاش فى اسس او قواعد انا شايفة ان الموضوع غير كده انا شايفة انه واحد من اهم الاسباب اللى بتساعد فى انتشار الجواز العرفى هو بيكون السبب فيها الظروف الاقتصادية اللى بنمر بيها مش شرط تكون مابين فقير وغنى بس ممكن تكون بسبب المغالاة فى المهور والطلبات المبالغ فيها من الاهل تسرع الشباب او طيشهم بمعنى اوضح انما لو هتتكلم على الجواز العرفى بين الغنى والفقيرة او العكس فده متهيالى مش بيكون فى مرحلة الجامعة متهيالى طلبة الجامعة بيسيطر عليهم احساسهم ومشاعرهم اكتر من فكرة المادة ده لو كانوا مرتبطين ببعض بجد اما لو لا يبقى دخلنا فى السبب التلت وهو الجشع
رابعا : المشكله من وجهة نظرى


من وجهة نظرى اذا صدقت النوايا وحسنت المقاصد والاهداف من مثل تلك الارتباطات فنعم

والا فاذا كان هنالك شبهة تلاعب بمقدرات طرف على حساب الطرف الآخر لاغراض ينأى عن كتابتها القلم (( فلا ))

معاك اووووووووووووى فى وجهة نظرك بس ياريت نعممها على كل اى ارتباط مش بس بين غنى وفقير يعنى لو هى اساس اى ارتباط متهيالى يكون افضل لان كل فرد اى كان مستواه وتعليمه وبيئته فهو بيستحق انه يطمن على انه مش مجرد لعبة ممكن الطرف التانى يلعب بمقدورها

فكما يقولون (( الحب لا يعرف الفروق الطبقيه ))
جميلة الجملة دى فعلا الحب لايعرف الفروق الطبقية دول بيقولوا الناس العادية فى الشارع يعنى انا وانت وهو وهى جارى وجارك كلنا بنقول القلب له احكام يعنى الحكم بس بيكون للقلب مش للمادة
اسمحلى اقولك كمان سبب نفسى من وجهة نظرى بيكون دافع للاندماج بين الطبقات السبب ده ببساطة مش بس ترسيبات من قصص رومانسية سابقة اتاثر بيها لما سمعها مااكثرها فى تراثنا اوشافها لا ممكن كمان تكون بسبب ترسيبات نفسية ناتجة عن نقص مر بيه فى صغره وهنا انا باتكلم اكيد على الفقير انه حب يمتلك كذا وكذا وكذا والامكانيات المادية منعته من انه يحصل على متطلباته وكان شايف زميله او صاحبه الغنى عنده ده وبالتالى تكونت جواه عقدة خلته يحاول لما يكبر انه يرتبط بالغنى علشان يكون النقص ده وبالتالى يحصل على الامكانيات المادية اللى بيتمناها لتحقيق مطالبه

ونذكر جميعا زواج الرسول صلى الله عليه وسلم من السيده خديجه رضى الله عنها

وكان هو مشتغلا بتجارتها ولم يمنع هذا من زواجهما بل بالعكس كانت السعاده والاحترام

من سمات ونتائج هذا الارتباط وكلنا نعلم بمواقف السيده خديجه رضى الله عنها مع الرسول ابان نزول الوحى عليه فى غار حراء


انت ضربت اروع مثل للتزواج بين الطبقات بين سيدنا محمد عليه الصلاة والسلام والسيدة خديجة واكيد السبب فى روعة التزاوج ده هو روعة الاشخاص وفهمهم لحكمة الزواج اصلا اللى وضعها ربنا واكيد وجود الاسسس والقواعد السليمة هى اللى خلت الزواج ده يكون مثل للسعادة والاحترام ومثل وقدوة لينا من خلاله بنرفع شعار بعيدا عن الفروق الطبقية وبالود والتفاهم والاحترام يتكون بيت سعيد
طبعا مش محتاحة اقولك انى راجعة تانى
اصلى حاسة انى لسة لسة ماستوعبتش انت عارف مش باستوعب من اول مرة بعيد عنك الذكاء بتاعى باخد وقت شوية هههههههههههههههههههه
تحياتى ليك

[قلم بلا حبر]

اقتباس هو دا اللي بستناه بس طلع احلى بكتير من اللي كان في بالي و انا من وجهت نظري اولا انوا موضوع يستاهل النقاش بجد

منوره الموضوع يا دموع الندم ويسعدنى جدا ان تكونى اول من يناقش الموضوع

,,,, فشكرا لاهتمامك

نيجى بئى للرد

اقتباس و الموضوع دا انتشر في الفترة الاخيرة

فعلا وانا بوافقك فى ده بس ايه السبب ؟؟؟؟؟

اقتباس لان الناس وعيت و فكرت كويس وشافت انوا الفقر عمروا ما كان عيب

فعلا ده سبب من الاسباب واللى بيكون فيها دور كبير لسلامة النيه

بس فى اسباب تانيه لانتشاره منها ما كان سيئ النيه تطرقت اليه فى الموضوع ,,,,

اقتباس و زي ما قلت الاهالي اللي ما بيرضوش للزواج دا اولادهم بينهو الموضوع بورقة عرفي

فعلا وده واضح وظاهره محدش يقدر ينكرها ,,,,

اقتباس بس الغلط مش من الاولاد لانهم يتزوجوا عرفي لا الغلط من اهليهم

خلينا نكون منصفين ونقول ان الغلط يقع على الاتنين باختلاف النسب لاختلاف الظروف فى كل حاله ,,,,,

اقتباس س انا بنسبة ليا ابدا ما عنديش مانع انوا الفقير ياخد غني

وانا كمان معنديش مانع بس ايه سببك لده ؟؟؟؟؟

اقتباس لانوا احنا كل من طين يعني كلنا زي بعض

سبب مقنع جدا بالاضافه لاسباب تانيه مختلفه برضه باختلاف الظروف والبيئه ,,,,,,

اقتباس و بنسبة ليا انا عمري ما طمحت زي بعض البنات اني اتزوج واحد غني

مع ان ده حلم كل بنت الفارس على الحصان الابيض وحاليا رجل الاعمال فى الليموزين ههههههههههههه

اقتباس يعني لو خيرت بين واحد غني واحد متوسط الحال حختار متوسط الحال

امممممممممممم ليه ؟؟؟؟؟

اقتباس لانوا الفلوس عمرها ما كانت كل حاجة

معاكى فى ده بس فى ناس اغنياء فعلا بيكون فيهم مواصفات الاحلام من اخلاق وشخصيه وطيبه

يعنى ممكن نقول ان اهم حاجه الرضى عن الطرف الاخر ايا كان مستواه الاجتماعى ,,,,

اقتباس و اللي بيحي بجد عمروا ما يسيب حبيبوا اكيد حيقدر يقنع اهلوا و اللي ما قدرش يقنهم يعني هو عمل اللي عليه

لسه عندنا ترسيبات فكريه فى النقطه دى ,,, وموضوعى اللى فات ناقشها واتكلمنا عن ضغط اولياء الغير مبرر

فى رفض او قبول شريك العمر ,,, وانا من رأيى ان ده مش مقبول خالص ,,,, يعنى البنت ممكن مش تعمل حاجه

وتقول مثلا انا عملت اللى عليا ,,,, وفى النهايه هى بتكون اول الخاسرين ,,, واقل خساره الاحساس بالندم

اقتباس و بعيد احنا كلنا من طين وربنا هو اللي رايد انوا دا يبقى غني ودا متوسط الحال و دا فقير

ومفيش اختلاف فى النقطه دى لان ربنا هو مقسم الارزاق ,,,,

اقتباس موضوع جميل جدا و رائع ويستاهل النقاش بجد و انا قلت لك انو من العنوان انوا حبقى تحفة مرسي يا قلم بلا حبر على الموضوع الجامد و التميز مش جديد عليك أختك/ دموع الندم شكرااااااا

انا اللى بشكرك جدا جدا على مشاركاتك المتميزه فى كل مواضيعى

وارائك الجميله جدا ,,, مش علشان هى متفقه معايا ,,, لاوالله انا بحس فيها بالصدق فعلا

وفكر زى فكرك يستحق منى ومن الجميع كل احترام

لكى خالص تقديرى فأنتى تستحقيه فعلا

تحيااااااااااااااااااااااتى"""""""""

[قلم بلا حبر]

اقتباس موضوع رائع ياقلم بلا حبر................وأهنئك على ذكائك بختيار نوعيه معينه من المواضيع تعرف بها وتتميز بها عن غيرك كما أن فيها فرض شخصيتك على الأخرين بأسلوب ذكي يمنع الأخرين من أختراق حقلك بأمكانك أن تكون رجل أعمال ناجح

اهلا بيكى يا ياسمين فى الموضوع واسعدنى جدا اطرائك الجميل

لكن هنالك امر لا اعلم هل التبس لديكى فهمه ام ان هنالك خلط للآمور

انا لست كاتب متخصص فى نوعيه معينه من المواضيع ,,,, ولو تابعتى الموضوع فى بدايته لوجدتى انى المح الى ان هذا الموضوع هو اكمالا لما بدأته

فأنا لا اجد عيبا فى ان من يتناول امرا ويتسع هذا الامر او تلك المشكله لعدة مواضيع ان يكملها حتى تكتمل الفائده لدى القارئ لسطور هذا الكاتب او ذاك

هذا اولا اما ثانيا

فلدى قناعه ان اى كاتب لابد وان يكون لديه مرونه للتعبير عما يجول بخاطر قارئيه ,,, وليس ما يجول بخاطره هو

والا فيمكننى ان اقوم بعمل مدونه وادون بها كتاباتى بعيدا عن اى فكر لمن حولى او مراعاة لمتطلباتهم

لكن وبما انى قد انتسبت الى هذا المنتدى الذى اعتذ به واعتذ بكل من فيه من اعضاء ومشرفين واداره

اذن ينبغى ان اناقش همومهم وما يفكرون فيه وما يدور بخاطرهم وهذه اولى مهام اى كاتب ان يكون مرأه

لمن حوله يرى الجميع فى كتاباته الخلاص من بعض همومه او على الاقل مشاركة له فيها ,,,,

اذن فاتجاهى الى الكتابه عن الاجتماعيات هو امر محكوم بالمحيط الذى اتواجد فيه فنحن شباب وتقريبا لدينا هموم واحده ومشاكل واحده

كما ان المنتدى ارى من منهجه انه يسير فى الناحيه الاجتماعيه اكثر منها الى باقى مجالات الكتابه

لذا قيجب ان تاتى مواضيع الاعضاء فى نفس المسار حتى يكون هنالك تنسيق موحد لكل الافكار

والا فلو ابحرت بفكرى متناسيا من حولى سأجد نفسى فى النهايه اسبح فى فضاء الكتابه بمفردى

وهذا غير مرغوب ,,, خاصة اذا علمتى انه لايوجد كاتب بدون قراء ,,, اذن ليكن اهتمامنا بهموم من حولنا وقضاياهم

وهذا لايمنع ان نتناول قضايا اخرى لكن مع مراعاة اختيار التوقيت المناسب وانا هنا بدات سلسله من المواضيع ولا اظننى فى احتياج للتخلى عنها خاصة وانها تجد مردود ايجابى من قبل الاعضاء ,,,,

قد اكون قد اطلت فى التوضيح لكن كان لزاما ان اوضح تلك النقاط

اقتباس وأهنئك على أسلوب الكتابه الذي يدل على ثقافه مميزه

ده بس من ذوقك

اقتباس وأن كأخت لك أشجعك على الأستمرار في هذا الطريق لكن التنويع مهم

وانا كأخ لكى اقول (( اذا بداتى شئ فعليكى ان تنهيه كما يجب ))

اقتباس قلم بلا حبر موضوعك ممكن لا يحتاج ألا زياده فالواضح عليك أنك لا تكتب حتى تكون فكره تامه ومعلومات كافيه"

كل حرف نكتبه سنحاسب عليه لذا اجتهد فى تحصيل كافة الافكار حول الموضوع ,,, والتوفيق من الله

اقتباس "لم أقرأه جيدا بعد"

اذن كان الآحرى بكى ان تؤجلى الرد عليه حتى تستوعبيه كاملا ,,, اذا كنتى فعلا تودين مناقشه صادقه فى صلب الموضوع مع كاتب الموضوع ,,, هذه من بديهيات المنتديات

اقتباس لكن سأناقش الموضوع من وجهة نظري بغض النظر عما كتبت

اعتقد انى لفت انتباهك سابقا الى طريقة استخدامك للالفاظ

لكن ليكن لكى هذا

لكن اعذرينى فأنا لن اناقش وجهة نظرك خاصة ان من اصول المناقشه فى المنتديات

ان اناقش اولا وجهة نظر كاتب الموضوع ثم اظهر وجهة نظرى

اما ان اتغاضى عن وجهة نظره فهذا تعالى ارفضه

لذا يمكننا ان نصيغ عبارتك بطريقه أخرى ولكن هذه المره ستكون على لسانى

اقتباس لكن سأتابع الموضوع من وجهة نظري بغض النظر عما كتبتى

لكى خالص تقديرى على مرورك

تحياااااااااااااااااااااااااتى""""""""

[قلم بلا حبر]

سمسمه قائدة التمرد والله اول ما شوفت الرد قلت دى حرب فعلا

اقتباس الاول قبل بداية الحرب المعتادة بينى وبينك

انا قلت كده برضه هههههههههههههههههه

اقتباس ياقلم بلا حبر الشهير بسيد برضه متحاولش هههههههههه

انتى مش كنتى خلاص ربنا هداكى وقلتى سيد الشهير بقلم بلا حبر ايه اللى حصل بس

اقتباس حابة اقولك كام حاجة :

ربنا يستر

اقتباس - بجد موضوعك رائع اكثر من ممتاز

بدايه مبشره بالخير مع انى برده مقلق ههههههههههههههه


2

اقتباس - عرض للموضوع باسلوب مميز بيخلينا نقف ونشوف انت عامل ايه بقى وكاتب ايه لا وايه كمان اقرا الموضوع مرة واتنين امال يعنى هاحاربك ازاى هههههه

ده جميل قوى علشان يكون ردك على الموضوع فى مساره الصحيح وده اساس اى نقاش راقى مفيد

3

اقتباس - فكرة الربط بين الموضوعات السابقة فكرةممتازة عبقرية بجد لانه فعلا دى سلسلة مرتبطة ببعض مينفعش نسيب جزء منها ونمسك فى التانى

كلام موزون من شخصيه فاهمه هى بتعمل ايه كويس وكمان مركزه قوى

اقتباس - خلينا متفقين ان اسلوبى فى المناقشة انت عارفه ماليش علاقة بالجمود يعنى اى تعليق هيجى على بالى هاكتبه بس طبعا فى حدود المسموح بيه وانت عارف كده كويس

ومش بس كده انا مبسوط كمان بطريقتك فى النقاش ,,, محدش قال ان النقاش لازم يكون حصة مراجعه ههههههههههههه

اقتباس - اهم حاجة واخرحاجة قبل الحرب ههههههههه هى ان الخلاف فى الراى لايفسد للود قضية نبتدى بقى والله المستعان

ده شئ مؤكد وانتى عارفه ان عمرى ما اضايقت من نقد او اختلاف معايا بالعكس انا بنادى ان يكون فى نقاش فى كل موضوع بيتكتب قى القسم ده بالذات ونبعد عن شكرا وميرسى ,,,,

اقتباس اسمحلى اختلف معاك

ههههههههههههههههه انا كنت خلاص قربت اصدق انك مش حتختلفى معايا بعد نقاطك الخمسه

وناويه تختلفى فى ايه ؟؟؟؟؟؟؟؟

اقتباس فى ان السبب فى انتشار الجواز العرفى هو انه مبقاش فى اسس او قواعد

وياترى ايه السبب من وجهة نظرك

اقتباس انا شايفة ان الموضوع غير كده

طيب انتى شايفه ايه ,,, يمكن يكون فى حل وسط والا حاجه نقرب بيه وجهات النظر

اقتباس انا شايفة انه واحد من اهم الاسباب اللى بتساعد فى انتشار الجواز العرفى هو بيكون السبب فيها الظروف الاقتصادية اللى بنمر بيها مش شرط تكون مابين فقير وغنى بس ممكن تكون بسبب المغالاة فى المهور والطلبات المبالغ فيها من الاهل تسرع الشباب او طيشهم بمعنى اوضح

جميل جدا

شوفى يا سمر وانا بكتب الموضوع استحاله انى اشتت فكر القارئ فى اتجاهات مختلفه

يعنى انا هنا بتكلم عن التزاوج بين الطبقات الاجتماعيه فعلشان كده قلت انها ممكن تكون سبب

لانتشار الزواج العرفى ,,, بس متطرقتش لباقى الاسباب واللى انتى ذكرتيه ده فعلا من الاسباب وفى اسباب تانيه كمان

ولو حاولت اتكلم عنها اكيد حخرج عن سياق الموضوع علشان كده كفايه قوى انى اقول

ان موضوعنا اللى بناقشه سبب فى انتشار الزواج العرفى بس اكيد يعنى هو مش كل الاسباب

بس انا بحاول انى مخرجشى عن فكرة الموضوع علشان ميكونشى فى تشتيت للافكار

اظن كده متفقين ,,,,,,,,,,,,,

اقتباس معاك اووووووووووووى فى وجهة نظرك بس ياريت نعممها على كل اى ارتباط مش بس بين غنى وفقير يعنى لو هى اساس اى ارتباط متهيالى يكون افضل لان كل فرد اى كان مستواه وتعليمه وبيئته فهو بيستحق انه يطمن على انه مش مجرد لعبة ممكن الطرف التانى يلعب بمقدورها

وانا بتفق معاكى والمفروض ان ده من اسايات اى علاقه

اقتباس اسمحلى اقولك كمان سبب نفسى من وجهة نظرى بيكون دافع للاندماج بين الطبقات

انا سعيد انك تضيفى اسباب مش سبب واحد وياريت لو كل حد يشارك فى الموضوع يزكر اسبابه

لان استحاله موضوع يكون ملم بكل الافكار حول فكرته ,,,, لكن الردود هى اللى بتكمل الموضوع وبتكمل افكاره

اتفضلى قولى

اقتباس السبب ده ببساطة مش بس ترسيبات من قصص رومانسية سابقة اتاثر بيها لما سمعها مااكثرها فى تراثنا اوشافها لا ممكن كمان تكون بسبب ترسيبات نفسية ناتجة عن نقص تر بيه فى صغره

وانا معاكى فى ده اكيد التنشئه عليها عامل مهم جدا ,,,, ومشاكل نقص التربيه مش بتكون محصوره

لا بالعكس مشاكلها كتير قوى ومتعدده واحيانا علاجها بيكون صعب جدا جدا

اقتباس وهنا انا باتكلم اكيد على الفقير انه حب يمتلك كذا وكذا وكذا والامكانيات المادية منعته من انه يحصل على متطلباته وكان شايف زميله او صاحبه الغنى عنده ده وبالتالى تكونت جواه عقدة خلته يحاول لما يكبر انه يرتبط بالغنى علشان يكون النقص ده وبالتالى يحصل على الامكانيات المادية اللى بيتمناها لتحقيق مطالبه

وهنا انا حقولك ان تخصيصك للفقير بس فيه مغالطه كبيره

لان التنشئه ومشاكلها مش بتقتصر على الفقير بل بتشمل الغنى

وحنلاحظ انها فى الطفل الغنى حتكون عباره عن حب امتلاكه لاى شئ وسهولة الحصول عليه

حتى لو كان الشئ ده لا يعنى له شيئا علشان كده نلاحظ ان فى اطفال بيجتهدوا انهم يحصلوا على لعبتهم وبعد ما يحصلوا عليها يكسروها

واظن ان ده ناتج عن سوء تنشئه ,,,, كمان احساسه انه ممكن يحصل على اى حاجه فى اى وقت وبسهوله بيكون دافع لانه يحاول الوصول لاى حاجه على اعتبار ان كل حاجه وليها ثمن عنده

حتى لو كانت الحاجه دى احاسيس ومشاعر

يبئى تخصيصك للفقير بس غير مقبول وممكن نساوى بينهم ويكون ده الافضل

اقتباس انت ضربت اروع مثل للتزواج بين الطبقات بين سيدنا محمد عليه الصلاة والسلام والسيدة خديجة واكيد السبب فى روعة التزاوج ده هو روعة الاشخاص وفهمهم لحكمة الزواج اصلا اللى وضعها ربنا واكيد وجود الاسسس والقواعد السليمة هى اللى خلت الزواج ده يكون مثل للسعادة والاحترام ومثل وقدوة لينا من خلاله بنرفع شعار بعيدا عن الفروق الطبقية وبالود والتفاهم والاحترام يتكون بيت سعيد

ولنا فى رسول الله اسوة حسنه

اقتباس طبعا مش محتاحة اقولك انى راجعة تانى

هو ده يصح برده ده انتى صاحبة مكان ههههههههههههههههههههه

اقتباس اصلى حاسة انى لسة لسة ماستوعبتش انت عارف مش باستوعب من اول مرة بعيد عنك الذكاء بتاعى باخد وقت شوية هههههههههههههههههههه

ده كله ومش استوعبتى هههههههههههههههههههههه

ده انتى عايزاها بئى حرب مفتوحه

على العموم انتى عارفه انى بكون سعيد بالنقاش معاكى

لانه فى الغالب نقاش موضوعى مبنى على استيعاب (( وسيبك بئى من التواضع )) هههههههههههههههههه

بشكرك على وجودك ومستنى ردود تانيه

ليكى خالص تقديرى وامتنانى

تحياااااااااااااااااااااااااااتى"""""""""""""

[bona]

اخي المتميز قلم بلا حبر
اهنيك على موضوعك الرائع وعلى مناقشة موضوع يمس الحياة ويمس الشباب بكل معني الكلمة
فجزاك الله عنا كل خير

اما بعد
احب اناقش معاك الموضوع وابرز وجهة نظري لو معندكش مانع

واحدة واحدة كدة

اقتباس يقول رب المولى عز وجل (( وهو الذي جعلكم خلائف الأرض ورفع بعضكم فوق بعض درجات ليبلوكم في ما آتاكم إن ربك سريع العقاب وإنه لغفور رحيم ))

الحمد لله ربنا بينلنا انو فيه طبقات مختلفة وانو خلقنا متفاوتين في عدة اشياء منها الطبقة الاجتماعية
اذن التفاوت دة مش عيب ابدا
لانو لو عيب مكنش ربنا عنل كدة

اقتباس انتشار الزواج العرفى بين طلاب الجامعات

سبب التفاوت في الطبقة الاجتماعية انتشار الزواج العرفي بين الطلاب
الله ينور
بس مش دة السبب وحده
في اسباب تانية زي الجهل بامور الدين والدنيا وغيرها

اقتباس حقيقة المشكله تكمن فى محاولة الدمج بين متغايرين تحت قوه تسمى (( الحب ))

عندك حق
بس بيني وبينك مانفعش الدمج دة وكمان بيفشل في معظم الحالات
لان اختلاف الطبقة الاجتماعية بيسبب مشاكل لا حصر لها

اقتباس فأنا لا اجد حرجا فى التزاوج بين الطبقات الاجتماعيه ولكن اذا كانت الدوافع والاهداف سليمه عن كل ما يعيبها وان تكون المحصله اسره مترابطه يعمل طرفاها سويا من اجل حاضر سعيد ومستقبل اسعد

انا كمان لا اجد حرجا في مثل هذا الزواج طالما ان له دوافع واهداف سليمة زي ماقلت بالظبط

وطالما هيكون محصلته اسرة سليمة مترابطة .....

اما بالنسبة للدوافع اللي ذكرتها ودوافع اخرى كلها مبنية على المنفعة والمصلحة البحتة
انا ارفض هذا الزواج
اذا كان مبني على هذه الدوافع بالذات
لانه سوف يكون فلشل فاشل فاشل
وهذا رايي

تقبل مروري