أصحو يا مصريين من النهارده هانقول لا

[ضوء المكان]

أنا أول موضوع ليا فى منتدى بنات مصر حبيت اناقش معاكم موضوع هام وارجو من الاعضاء المشاركة والمساهمة بنشر الموضوع على اكثر من منتدى حتى يوصل صوتنا للناس جميعها
فيه مشاكل كتيرة اوى اوى فى بلادنا من تعليم وصحه الخ الخ
ولكن اهمهم او بمعنى اوضح المشكلة العصرية هى مشكلة الاكل




تشمل مصر حوالى 20% واكثر تحت مستوى خط الفقر
40% او اكثر عند مستوى الفقر
والباقى فى الطبقة المتوسطة وتكاد تنعدم هذه الطبقة
5% او اقل اغنياء

ندخل فى الموضوع
تشمل كل اسرة مصرية فى المتوسط على 5 أفراد
لكى يأكلوا فطار وغداء وعشاء حوالى 100 جنيه فى المتوسط
يعنى الفلوس دى بدون لحمة او فراخ وبدون فاكهه




يعنى فى الشهر 3000 جنيه للأكل فقط
ده غير لو عايزيين يخرجوا (ممنوع) مصاريف المدارس او الكليات والملابس
ألخ ألخ ألخ.................

يعنى الاسرة المصريه عايزة مايقرب من 3000 جنية او اكثر دول لو عايزيين يعلموا عيالهم ويجيبوا لهم ملابس
ولو مش عايزيين يبقى 3000 جنيه فقط للاكل والشرب
وماتنسوش فلوس الكهرباء والنور والتليفون والمياه

يعنى لو دخل المصرى حوالى 400 جنيه فى الشهر ده لو مكانش اقل كمان عليه ان يسرق كل شهر حوالى 2600 جنيه للاكل فقط




ولو مش مصدقنى على الاحصائية اللى انا عملتها تعالوا نحسب مع بعض
أسعار بعض الخضروات فى السوق
كيلو من الطماطم ب 15 جنيه ده مؤخرا انا ذهلت من تمنها
( ممنوع الطماطم علشان تمنها اتجهوا الى الاكل الصحى بالبخار ):cv22:

كيلو الفاصوليا ب 12 جنيه وطبعا الاسرة ممكن تشترى كيلو او اكثر
( يبقى كمان ممنوع اكل الفاصوليا علشان غالية خليها فى الاعياد فقط ):cv22:

كيلو البامية ب 13 جنيه
( تنضم الى باقى المجموعات ممنوعه من الاكل ):cv22:
كيلو الملوخية ب 4 جنيه
( حلو نأكل ملوخية بسسسسسسسسسسسس )
كيلو القلقاس ب 10 جنية
( تنضم الى القائمة الممنوعه )
كيلو الارز ب 4 جنيه
( الناس تأكل ارز فقط بدون ان يبقى معه شىء)

ده غير اللحمه والفراج والحلويات والفاكهه اللى بقت غالية جدااااااا
انتم تعرفوا انا شوفت ناس بتأخذ مصروف البيت فى اليوم 15 جنيه فقط
بزمتكم يعملوا ايه فى اليومين دول




لازم كلنا نعمل وقفه حراااااااااام اللى بيحصل ده
ليه كل ده
كده بقت الطبقة الفقيرة انضمت الى طبقة تحت خط الفقر
والطبقة المتوسطة اصبحت الطبقة الفقيرة
إذا نظريتى تحققت واندثرت الطبقة الوسطى
بلدها لم يبقى فيها سوى الاغنياء فقط

ولكن اذا تحركنا واتصرفنا ووقفنا معا للدفاع عن حقوقنا
سوف يحدث تغييرات كثيرة فى بلدنا

فى ايام محمد انور السادات (الله يرحمه راجل مافيش زيه ) لما غلى العيش
الشعب المصرى كله وقف وقال لالا بعلو صوته والرئيس رجع عن قراره فى الفور

اين نحن الان ؟؟؟ اين نحن الان ؟؟؟؟
تقدروا تجوبونى تقدروا
فين شعبك يا مصر
انا متأكده انه لسه زى زمان
بس مبقاش فيه حد بيتحرك

ربنا يستر على الايام اللى جايه
مع تحياتى
ضوء المكان

[انثى يغار منها الورد]

يعطيك العافيه على الموضوع والكلمات الررائعه

تقبلي مروري

[ضوء المكان]

اقتباسالمشاركة الأصلية كتبت بواسطة انثى يغار منها الورديعطيك العافيه على الموضوع والكلمات الررائعه

تقبلي مروري


مشكورة على مرورك المميز بموضوعى

[Mimoo]

موضوعك جيد
والمشكلة دى مشكله كبيره جدا
تصوري انا مدرس ومرتبي 305 جنية
ممكن اعمل بيهم اية لو اتزوجت
ههههههههههههههههه
هجيب بيهم 2 كيلو طماطم نشمهم طول الشهر
هههههههههههههههههه
مشكورة

[ضوء المكان]

اقتباسالمشاركة الأصلية كتبت بواسطة Mimooموضوعك جيد
والمشكلة دى مشكله كبيره جدا
تصوري انا مدرس ومرتبي 305 جنية
ممكن اعمل بيهم اية لو اتزوجت
ههههههههههههههههه
هجيب بيهم 2 كيلو طماطم نشمهم طول الشهر
هههههههههههههههههه
مشكورة

فعلا عندك حق الحياة بقت صعبه اوى لا وجود لعامه الشعب
ولكن الافضلية دائما للاغنى والاقوى
احنا لو ماسكتناش واتمسكنا بحقنا هانأخده
لكن الشعب المصرى بقى سلبى والتجار والوزره ناويين ينهبوا بلدنا واحنا كالتماثيل
مابنتحركش فايستاهل كل حاجه تحصل لنا
ولسه ولسه ولسه ياما هانشوف طول ماحنا حالنا نفس الحال هانضرب على قفانا كتير
حسبى الله ونعم الوكيل
ربنا ينتقم منهم