الووووووو .. مكالمة تليفونية ... رد .....

[شاعر واسير الحب]

اصدقائي

الوووووووووو
عاوزكم معايا في موضوع

مكالمة تليفونية

الساعة الآن الثانية عشرة منتصف الليل والحبيبة تتصل بحبيبه اترن ترن ترن.........

الحبيبة :- الو
الحبيب :- الو مين
الحبيبة :- ايه يا حبيبي انت مش شايف اسمي على الموبايل ولا سامع رنتي الي بتحبها
الحبيب :- اسم ايه ورنه مين هيا الساعة كام دلوقتى
الحبيبة :- الساعة 12 يا حبي هاب فلانتين داي
الحبيب :- فلانتين مين أنتى بتحبى واحد غيرى وكمان بتقولى أسمه قدامى
الحبيبة :- يا حبيبي عيد ميلادي يا محتاس نسيتة
الحبيب :- عيد الحب عيد حبنا موافق عيد ميلادي يا محتاس
اه اه طيب وده بيعملوا فيه أيه معلش أنتى عارفة اول مرة أحب
الحبيبة :- بيقولو لبعض هابي فلانتين داي وبيجبيوا دابديب وورد انا جبتلك دبدوب يجنن ياترى جبتلي اية
الحبيب :- بجد متشكر جدا ليكى يا حبيبتى وكمان جبتيلى دبدوب انا جبت تك تك الو الو حبيبتى انتى معايا ..... هو فيه ايه مش سامع حاجة طيب هقفل واشوف الموبايل ماله
الحبيبة :- ممممممممممممممممم تررررررررررررررررن الوووووووووووووووووووو
الحبيب :- الو ايه يا حبيتى معلش الموبايل فصل شحن
الحبيبة :- معلش يا حبيبي ولا يهمك كنا بنقول اية
الحبيب :- يوه حاضر حاضر معلش يا حبيبتى ماما بتندهلى وبتقولى بتكلم مين دلوقتى هضر اقفل مش عايزة حاجة
الحبيبة :- فى سرها يا دي الحظ المنيل انا كنت ناقصة امة .......... لالا يا حبي عاوزة سلامتك هكلمك الصبح
الحبيب :- حاضر يا حبيبتى سلام تصبحى على كل خير وهو يقول فى سره الحمد لله خلعت من الهديةالصبح فى الجامعة
الحبيبة :- صباح الخير يا محتاس كل سنة وانت طيب
الحبيب :- صباح النور وانتى طيبة يا حبيبتى هو النهاردة عيد ولا ايه
الحبيبة :- يا محتاس النهاردة عيد ميلادي عيد حبنا امال كنت بكلمك امبارح لية جيبالك النهاردة الدبدوب لية
الحبيب :- حببيتى اسكتى مش انا بعد ما قفلت معاكى امبارح حسيت كده بشويه تعب ودوخة وندهت ماما وجت قعدت معايا وشوية وحرارتى ارتفعت وماما طول الليل تعملى كمادات دى كانت ليلة رهيبة
الحبيبة :- يا حبيبي الف سلامة عليك انت كويس مش مهم الفلانتين احنا بنعمل زيهم كدا المهم انت
الحبيب :- اه الحمد لله بقيت احسن انا جيت بس علشان اشوفك اه اه مش عارف حاسس بصداع رهيب أنا لازم أروح أنتى قلتى الدبدوب ده بتاعى
الحبيبة :- ايوة يا حبيبي كل سنة وانت طيب
الحبيب :- وانتى طيبة يا حبيبتى معلش لازم امشى بقى مش عاوزة حاجة منى وهابى فلانتين داى
الحبيبة :- لا يا حبيبي خلي بالك من نفسك عشان خاطري وهكلمك اما تروح اطمن عليك
الحبيب :- ماشى يا حبيتى بس حلو قوى الدبدوب ده شكرا يا حبيبتى فى سره حلو قوى الفلانتين ده اهو طلعت منه بحاجة وكويس خلعت منها علشان الهديةخلصوا جامعة والبنت عايزة تتجوز وصاحبنا عاوز يخلع
الحبيبة :- تررررررررررررن
الحبيب :-الو ايوة يا حبيبتى
الحبيبة :- اية يا حبيبي بقالك شهر من يوم ما اخدنا الاجازة مكلمتنيش انا زعلتك في حاجة
الحبيب :- لا يا حبيبتى بس انتى عارفة بقى بخلص ورقى وبدور على شغل اسكتى مش احتمال ادخل الجيش وهفضل فيه يجى ثلاث سنين
الحبيبة :-تلت سنين
الحبيب :- ايوة تخيلى
الحبيبة :- في سرها يالهوي هستني 3 سنين كمان أزاي يا حبيبي في جيش 3 سنين


الحبيب :- هعمل ايه بس ادعيلى ما ياخدونيش
الحبيبة :- يارب يخدهم
الحبيب :- يارب يارب ادعى انتى بس وربنا يسهل


الحبيبة :- بدعيلك يا حبيبي
الحبيب :- تاكدى يا حبيتى ان حبنا هيفضل مستمر مهما حصل
الحبيبة :- وانا هفضل جمبك وهرفض كل العرسان الي بيتقدمولي عشانك يا محتاس انا عمري ما هكون لغيرك
الحبيب :- يا حبيبتى انا مش عايز اضرك ولا اضيع مستقبلك لو جالك واحد
كويس اقبلى وحبنا برضة مش هيموت
الحبيبة :- اية يامحتاس بتقول اية
الحبيب :- اعمل ايه بس ما انا حتى لو ما دخلتش الجيش لازم اهاجر كام سنه علشان اكون نفسى يعنى هعمل ايه ومش عايزك بجد تتبهدلى معايا لو جتلك فرصة كويسة امسكى فيها
الحبيبة :- أنا بحبك انت ومش هتجوز غيرك انت عارفة انت بتقول كدة عشان خايف عليا عاوز تضحي عشاني بس انا هفضل جمبك ومش هسيبك
الحبيب :- بيقول في سرة اية البت اللزقة دي بزحلقها مبتتزحلقش يا حبيتى انا مش عايز اضيع مستقبلك وانا لسة قدامى كتيرهياخد تاجيل من الجيش وهيشتغل

الحبيبة :- محتاس انت الحمد لله خدت تاجيل وربنا كرمك واشتغلت وبقالنا 5 سنين بنحب بعض مش هتيجي تخطبني بقى
الحبيب :- حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون
وطبعا مش كل الحب كده فيه حب صادق وفى حب غير صادق المهم نتأكد من مشعرنا علشان مش نرجع ونلوم نفسنا فى الاخر
ارجو المضووع ان ينال اعجابكوا

[ملكة الحب و الرمانسية]

شكرا جدا على الموضوع الحلو ده
بجد موضوع كتير حلو
يا رب ديما
نقرا المواضيع
بتاعتك كده

["الحربية من السعودية"]

شكراااااا على الطرح المميز

[شاعر واسير الحب]

اشكركم لمروركم

[فيروزه]

	حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون والله دا الي بيحصل للبنــــــــات بجد وربنا يسترهااا علي الجميع توبيك هايل بجد تسلمـ ايديك

[Princess Noran]

[شاعر واسير الحب]

اقتباسالمشاركة الأصلية كتبت بواسطة Queen of Love ♥ اشكرك علي تقييمك للموضوعات وعلي مرورك الكريم فلا تحرمينا من المرورتحياتي وودي

[شاعر واسير الحب]

اقتباسالمشاركة الأصلية كتبت بواسطة فيروزه

	حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون والله دا الي بيحصل للبنــــــــات بجد وربنا يسترهااا علي الجميع توبيك هايل بجد تسلمـ ايديك

اشكرك علي مرورك

نعم بيحصل وبيهرب لما يقع في الجد
رجاله اخر زمن


حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون

[ملكة القلوووب]

حبيبيتي بعشقك بجنون وعمري في هواكي يهون اروح معاكي اي مكان ما عدا مكتب الماذون
ههههههههههههههههههههه
نذااااله
~~~~~
الحب الحقيقي بقى بضااعه ناااادره بزمنا ده
وبقووا النااس بيتلعبووا فيه

ميرسي على الطرررح الجمييل وفعلا موضوعك يستاهل التقييم

[Words Whisper]