بفكر أهاجر

[خارج عن القانون]

بفكر أهاجر

بفكر أسافر .. لأ بفكر أهاجر .. بفكر أنسى و افوت اللي فات

هفوت حارتنا وشارعنا و بيتنا وافوت العمامة و قلبي اللي مات

هتقوللي يا صابر .. هقولك ما صابر أذوني وهانوني وشقيت هدومي لحد أما صبري لصبره فات

هتقوللي يا رجل .. هقولك ماقادر .. أشوف الولايه ومنهم ضنايا يبقوا غنايا واضلي في سكات

بفكر أسافر .. لأ .. بفكر أهاجر ..وإن قولت أرضك .. هقولك يا رجل دول باعوا عرضك و لساك فاكرها ملكك حداك ..

دول خصخصوها وملكوها وأنت يا اخوي لسه في غفاك..

ده حتى بيتك ماعدش بيتك هيملكوه للمجرم حداك ..

بقا فوق يا رجل وويايا هاجر قبل أما يحلى في عينهم رفاك